ఇండియ‌న్ సినిమాలో బ‌యోపిక్స్ హ‌వా కొన‌సాగుతోంది. ప్ర‌ముఖ క్రీడా కారులు, రాజ‌కీయ నాయ‌కులు, సమాజానికి సేవ చేసినవారు.. ఇలా ప‌లువురి జీవిత చ‌రిత్ర‌లు సినిమాలుగా రూపొందుతున్నాయి. ఈ సినిమాల‌కు వ‌స్తున్న ఆద‌ర‌ణ‌ను చూసి మ‌న మేక‌ర్స్ కూడా బ‌యోపిక్స్‌ను రూపొందించ‌డానికి ఆస‌క్తి చూపిస్తున్నారు. ఈ కోవ‌లో మ‌రో బయోపిక్ ఇండియ‌న్ స్క్రీన్ పై సంద‌డి చేయ‌డానికి సిద్ధ‌మ‌వుతోంది. అదే హాఫ్ లయన్. భార‌త దేశ ఆర్థిక సంస్క‌ర‌ణ‌ల‌కు కార‌ణ‌మైన మాజీ ప్ర‌ధాని పి.వి.న‌ర‌సింహారావు బయోపిక్. అయితే ఈ బయోపిక్ సినిమా రూపంలో కాదు.. వెబ్ సిరీస్ రూపంలో రూపొందుతుంది. అది కూడా ఓ తెలుగు బ‌డా నిర్మాత దీన్ని రూపొందిస్తున్నారు. ఇంత‌కీ ఆ నిర్మాత ఎవ‌రో కాదు.. అల్లు అరవింద్. ప్ర‌స్తుతం ఈయ‌న గీతా ఆర్ట్స్‌పై సినిమాల‌ను నిర్మించ‌డ‌మే కాదు.. ఆహా అనే ఓటీటీ ద్వారా తెలుగు ప్రేక్ష‌కుల‌కు తిరుగులేని ఎంట‌ర్‌టైన్మెంట్‌ను అందిస్తున్నారు. తెలుగుకే ప‌రిమితం అయిన ఆహా మ‌రో అడుగు ముందుకేసి ఆదిత్య బిర్లా గ్రూప్‌కి సంబంధించిన కంటెంట్ స్టూడియో అప్లాజ్ ఎంటర్టైన్మెంట్తో క‌లిసి పాన్ ఇండియా బై లింగువ‌ల్ వెబ్ సిరీస్ ‘హాఫ్ లయన్’ను రూపొందించ‌డానికి సిద్ధ‌మైంది. భార‌తదేశ మాజీ ప్ర‌ధాని పి.వి.న‌ర‌సింహారావుపై విన‌య్ సీతా ప‌తి రాసిన బ‌యోగ్ర‌ఫీ ‘హాఫ్ లయన్’ను ఆధారంగా చేసుకుని ఈ వెబ్ సిరీస్‌ను తెర‌కెక్కిస్తున్నారు. నేష‌న‌ల్ అవార్డ్ విన్నింగ్ డైరెక్ట‌ర్ ప్రకాష్ ఝా ఈ సిరీస్‌ను తెర‌కెక్కించ‌నున్నారు. 2023లో ‘హాఫ్ లయన్’ తెలుగు, హిందీ, త‌మిళంలో విడుద‌ల‌వుతుంది. మ‌రి ఈ వెబ్ సిరీస్ ఎన్ని భాగాలుగా తెర‌కెక్క‌నుంది. ఎవ‌రు ప్ర‌ధాన పాత్ర‌ల్లో న‌టిస్తున్నారు. అనే విష‌యాలు తెలియాలంటే కొన్ని రోజులు ఆగాల్సిందే. అప్లాజ్ ఎంటర్టైన్మెంట్తో క‌లిసి ఈ వెబ్ సిరీస్‌ను నిర్మించ‌డంపై నిర్మాత అల్లు అరవింద్ త‌న ఆనందాన్ని వ్య‌క్తం చేశారు. నేటి త‌రం యువ‌త తెలుసుకోవాల్సిన వ్య‌క్తుల్లో పి.వి.న‌ర‌సింహారావు ఒక‌ర‌ని, ఆయ‌న గురించి వెబ్ సిరీస్‌ను డైరెక్ట్ చేయ‌డం చాలా ఆనందంగా ఉంద‌ని ద‌ర్శ‌కుడు ప్ర‌కాశ్ ఝా తెలిపారు.
from Telugu Movie News | Movie News in Telugu | Movie Gossips in Telugu https://ift.tt/3m3PQz9
No comments:
Post a Comment