లేటెస్ట్ మూవీ 'పుష్ప' భారీ అంచనాల నడుమ విడుదలై బాక్సాఫీస్ దాడి చేస్తోంది. సుకుమార్ దర్శకత్వంలో రూపొందిన ఈ సినిమా తొలుత డివైడ్ టాక్ తెచ్చుకున్నా కూడా కలెక్షన్ల వర్షం కురిపిస్తోంది. ఈ చిత్రంలో అల్లు అర్జున్ నటన విమర్శకుల ప్రశంసలు అందుకుంటుండగా.. ఆయన సరసన ఆడిపాడిన రష్మిక రోల్ పాజిటివ్ రెస్పాన్స్ తెచ్చుకుంది. ఇక సమంత ఐటెం సాంగ్ అయితే జనాల్లో హాట్ టాపిక్ అయింది. ఇంతవరకు బాగానే ఉన్నా 'పుష్ప' మూవీ నుంచి శనివారం రోజు ఓ సీన్ కట్ చేశారని తెలిసింది. అందుకు బలమైన కారణం కూడా ఉన్నట్లు చెప్పుకుంటున్నారు. నిజానికి పుష్ప సినిమా విడుదలైనప్పటి నుంచే ఈ మూవీపై రకరకాల ట్రోల్స్, మీమ్స్ నడుస్తున్నాయి. బన్నీ ట్రాన్స్‌ఫర్మేషన్, నటనా ప్రతిభపై ఏ ఒక్కరూ వంక పెట్టడం లేదు గానీ కొన్ని సీన్స్ మరీ వెగటుగా ఉన్నాయని కామెంట్స్ చేస్తున్నారు. వ్యాన్‌లో హీరో హీరోయిన్లు, భుజం మీద చేతులు వేసే సీన్ మీద నెటిజన్లు దారుణంగా ట్రోల్స్ చేస్తున్నారు. ఇందులో హీరో అల్లు అర్జున్, హీరోయిన్ రష్మిక ప్రైవేటు పార్టుపై చేయి వేసినట్లు కనిపిస్తాడు. ఆమె చేయి తీయమని పలుమార్లు చెప్పినా డైవర్ట్ చేస్తూ అలాగే ఉంచుతాడు. దీంతో సీన్‌పై విమర్శల వర్షం కురుస్తోంది. సుకుమార్ కెరీర్‌లోనే ఇంత అసభ్యకరమైన సన్నివేశాలను ఇంత వరకు తీయలేదని చీ కొట్టే వాళ్ళు కూడా ఉన్నారు. ఈ విషయం దర్శకుడు సుకుమార్ దృష్టికి వెళ్లడంతో సినిమా నుంచి ఈ సన్నివేశాన్ని డిలీట్ చేశారని తెలిసింది. శనివారం రోజు పుష్ప మూవీని మరోసారి ఎడిట్ చేసి ఈ సీన్ డిలీట్ చేశారట. నేడు (ఆదివారం) నుంచి ఈ సీన్ లేకుండానే సినిమాను ప్రదర్శిస్తున్నారట మేకర్స్.
from Telugu Movie News | Movie News in Telugu | Movie Gossips in Telugu https://ift.tt/3H1NfOx
No comments:
Post a Comment