మా నాన్నని మోసం చేశా.. ప్రేమ మైకంలో కళ్ళు మూసుకుపోయి అలా! యాంకర్ లాస్య కన్నీటి పర్యంతం

బుల్లితెర యాంక‌ర్‌గా లాస్యది ఓ ప్రత్యేకమైన జర్నీ. 'సంథింగ్ స్పెషల్' రూపంలో యాంకరింగ్ చేయడంలో కొత్త కోణాన్ని ఆవిష్కరించింది లాస్య. అయితే ఆ తర్వాత క్రమంగా బుల్లితెరకు దూరమైన లాస్య తిరిగి ఈ మధ్య కెమెరా ముందుకొస్తోంది. బిగ్ బాస్ సీజన్ 4లో పాల్గొని త‌నదైన ఆట, మాట‌ తీరుతో అట్రాక్ట్ చేసిన ఆమె.. వీలు కుదిరినప్పుడల్లా స్పెషల్ ప్రోగ్రామ్స్‌లో తళుక్కుమంటోంది. ఈ నేపథ్యంలోనే న్యూ ఇయర్ స్పెషల్ ఎపిసోడ్ 'పెళ్ళాం వద్దు పార్టీ ముద్దు' షోకి తన భర్తతో సహా విచ్చేసిన లాస్య వేదికపై కన్నీటి పర్యంతమైంది. తాజాగా ఈ స్పెషల్ ప్రోగ్రామ్ ప్రోమో విడుదల చేయగా.. ఈ వీడియోలో రష్మీ గౌతమ్ డాన్స్ పెర్ఫార్మన్స్, కన్నీళ్లు పెట్టుకున్న సీన్స్ హైలైట్ అయ్యాయి. తన ప్రేమకు తండ్రి నుంచి అంగీకారం లభించకపోవడంతో ఇంట్లో నుంచి వెళ్లిపోయిన అమ్మాయిగా రష్మీ గౌతమ్ కనిపించింది. 'నాన్నా.. నేనొక అబ్బాయిని ప్రేమిస్తున్నాను. మీరు ఒప్పుకుంటే తననే పెళ్లి చేసుకుంటా' అని రష్మీ అంటే, 'నా గురించి నీకు తెలియదు. పరువు కోసం నేను ప్రాణం ఇవ్వడానికి అయినా తీయడానికి అయినా నేను సిద్ధం' అంటూ నాన్న పాత్ర పోషించిన 'రాకెట్' రాఘవ 'అనడం, ఆ తర్వాత 'నాన్న నిన్ను అర్థం చేసుకుంటారని నేను చాలా ట్రై చేశాను. ఐ యామ్ సారీ నాన్న!' అని చెబుతూ రష్మీ గౌతమ్ ఇంట్లో నుంచి వెళ్లిపోవడం చూపించారు. ఇది చూసి లాస్య ఒక్కసారిగా ఎమోషనల్ అయింది. తాను కూడా ఇలాగే చేశానని చెబుతూ ఓపెన్ అయింది. "నేను అలాగే చేసి వచ్చాను మా నాన్నకు! మా నాన్న గుర్తొచ్చారు" అంటూ కన్నీళ్లు పెట్టుకున్న లాస్య.. మనల్ని ప్రేమించే వాళ్ళను ఎంత బాధ పెడుతున్నాం అనేది తెలుసుకోం. ఎందుకంటే అప్పుడు కళ్లు మూసుకుపోయి ఉంటాయి కదా.. అప్పుడు ప్రేమలో ఉంటాం కదా! నేను అలాగే చేశాను. ఇప్పుడు రష్మీ పెర్ఫార్మెన్స్ చూస్తుంటే మా నాన్న గుర్తొచ్చారంటూ కన్నీళ్లు పెట్టుకుంది లాస్య.

from Telugu Movie News | Movie News in Telugu | Movie Gossips in Telugu https://ift.tt/31buMQ2