మెగా ఫ్యాన్స్‌కు షాక్‌!.. ఆచార్య మ‌ళ్లీ వాయిదా.. ఆ విష‌యంపై ఫోక‌స్ పెట్టిన చిరు, కొర‌టాల‌?

మెగాస్టార్ ఫ్యాన్స్ ఆయ‌న టైటిల్ పాత్ర‌లో న‌టించిన లేటెస్ట్ మూవీ ‘ఆచార్య ’ ఎప్పుడెప్పుడు విడుద‌ల‌వుతుందా? అని ఆస‌క్తిగా ఎదురు చూస్తున్నారు. ఇప్ప‌టికే చిత్రీక‌ర‌ణ‌ను పూర్తి చేసుకున్న ఈ సినిమా ప్ర‌స్తుతం పోస్ట్ ప్రొడ‌క్ష‌న్ కార్య‌క్ర‌మాల‌తో బిజీగా ఉంది. ఫిబ్ర‌వ‌రి 4న సినిమాను విడుద‌ల చేస్తామ‌ని మేక‌ర్స్ తెలియ‌జేశారు. ఈ సినిమాలో మెగా ప‌వ‌ర్ స్టార్ రామ్ చ‌ర‌ణ్ సిద్ధ అనే కీల‌క పాత్ర‌లో న‌టిస్తుండ‌టం.. సినిమాలో అది చాలా ప‌వ‌ర్‌ఫుల్‌, కీల‌క‌మైన పాత్ర కావ‌డంతో సినిమాపై ఉన్న అంచ‌నాలు మిన్నంటాయి. అయితే లేటెస్ట్‌గా సినీ వ‌ర్గాల్లో వినిపిస్తోన్న గుస‌గుస‌ల ప్రకారం మెగాస్టార్ వాయిదా ప‌డింద‌ట‌. అదేంటి? చిత్రీక‌ర‌ణంతా పూర్త‌య్యింది కదా, మ‌ళ్లీ వాయిదా ఎందుకు వేశార‌నే ప్ర‌శ్న మ‌న‌సులో రాక మాన‌దు. అయితే దీనికి కార‌ణం మెగాస్టార్ చిరంజీవి కార‌ణ‌మ‌ని అంటున్నారు. చిరంజీవి త‌న సినిమాను ఎందుకు వాయిదా వేయ‌మ‌న్నారు? అంటే రీసెంట్‌గా విడుద‌లైన నంద‌మూరి బాల‌కృష్ణ అఖండ సినిమానే అంటున్నారు. ఆ సినిమాలో హీరో ఎలివేష‌న్ సీన్స్ పీక్స్‌లో ఉన్నాయి. దాంతో ప్రేక్ష‌కులు రొటీన్ క‌థే అయినా, హీరో మేన‌రిజ‌మ్‌, ద‌ర్శ‌కుడు బోయ‌పాటి బాలకృష్ణ‌ను ఎలివేట్ చేసిన తీరుకి ప్రేక్ష‌కులు బ్ర‌హ్మ‌ర‌థం ప‌ట్టారు. ఇలాంటి అంశాలు ఆచార్య‌లో కాస్త త‌గ్గాయ‌ని చిరంజీవి భావించార‌ట‌. అందుక‌నే ఆయ‌న అలాంటి ఎలిమెంట్స్‌ను యాడ్ చేయమ‌ని, అవ‌స‌రం అయితే మ‌ళ్లీ డేట్స్ కేటాయిస్తాన‌ని అన్నార‌ట‌. దీంతో డైరెక్ట‌ర్ కొర‌టాల శివ కూడా ఓకే అన‌డంతో ఆచార్య రీ షూట్ మోడ్‌లోకి వెళ్ల‌నుంది. ఒక‌ట్రెండు రోజులు కాదు.. ఏకంగా 25 రోజుల పాటు ఆచార్య సినిమాను రీ షూట్ చేయ‌బోతున్నార‌నేది సినీ వ‌ర్గాల్లో వినిపిస్తోన్న స‌మాచారం. సినిమా రీ షూట్ చేసి మ‌ళ్లీ ఫిబ్ర‌వ‌రి 4న సినిమాను తీసుకురావ‌డం కాస్త క‌ష్ట త‌రం కావ‌డంతో ఆచార్య‌ను కాస్త వెన‌క్కి తీసుకెళ్లి విడుద‌ల చేయాల‌ని చిరంజీవి, మేక‌ర్స్ భావించారు. ఆ లెక్క‌న ఇప్పుడు ఆచార్య ఫిబ్ర‌వ‌రి 4న విడుద‌ల కావ‌డం లేదు. సినీ ఇండ‌స్ట్రీలో ఆచార్య విష‌యంలో వినిపిస్తోన్న కొత్త రిలీజ్ డేట్ మార్చి 25. ఇప్పుడున్న మాస్‌, అండ్ క‌మ‌ర్షియ‌ల్ ఎలిమెంట్స్‌ను మ‌రింత ద‌ట్టించి ఆచార్య‌ను రూపొందించే ప‌నిలో కొర‌టాల శివ ఉన్నార‌నేది వినిపిస్తోన్న టాక్‌. 2019లో చిరంజీవి న‌టించిన సైరా న‌ర‌సింహా రెడ్డి ఆశించిన స్థాయిలో స‌క్సెస్ కాలేదు. దీంతో మెగాస్టార్ ఆచార్య‌తో ఎలాగానై భారీ బ్లాక్ బ‌స్ట‌ర్ కొట్టాల‌నే క‌సితో ఉన్నార‌ని, అందుక‌నే ఆచార్య విష‌యంలో కాంప్ర‌మైజ్ కాకూడ‌ద‌ని ఆయ‌న భావిస్తున్నార‌ట‌. ఈ చిత్రంలో చిరంజీవి జోడీగా కాజ‌ల్ అగ‌ర్వాల్‌.. రామ్ చ‌ర‌ణ్ జోడీగా పూజా హెగ్డే న‌టిస్తున్నారు. కొణిదెల ప్రొడ‌క్ష‌న్ కంపెనీ, మ్యాట్నీ ఎంట‌ర్‌టైన్‌మెంట్స్ బ్యాన‌ర్స్‌పై శ్రీమ‌తి సురేఖ కొణిదెల స‌మ‌ర్ప‌ణ‌లో నిరంజన్ రెడ్డి, అన్వేష్ రెడ్డి ఈ చిత్రాన్ని నిర్మిస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/3E44pJm