బుల్లితెర, వెండితెరలపై సత్తా చాటుతోంది భరద్వాజ్. చిన్నితెరపై యాంకర్‌గా జబర్దస్త్ పాపులారిటీ కూడగట్టుకొని తనకంటూ ప్రత్యేకమైన గుర్తింపు తెచ్చుకున్న అనసూయ.. అటు వెండితెరపై కూడా అదే హవా నడిపిస్తోంది. సిల్వర్ స్క్రీన్‌పై అనసూయ అభినయానికి మంచి మార్కులు పడుతున్నాయి. దీంతో తన స్థాయిని మరింత పెంచుకునేందుకు ప్రయత్నాలు ముమ్మరం చేసింది ఈ బ్యూటీ. ఈ నేపథ్యంలోనే ఇటీవలే వచ్చిన 'పుష్ప' సినిమాలో దాక్షాయణిగా డిఫరెంట్ రోల్ చేసింది. అయితే ఈ రోల్ కోసం ఆమె తీసుకున్న రెమ్యూనరేషన్‌పై ఆసక్తికర విషయాలు బయటకొచ్చాయి. అల్లు అర్జున్- సుకుమార్ కాంబోలో వచ్చిన 'పుష్ప' సినిమా పాజిటివ్ రెస్పాన్స్ తెచ్చుకొని బాక్సాఫీస్ వద్ద కలెక్షన్ల ప్రవాహం పారిస్తోంది. ఈ సినిమాలో అల్లు అర్జున్ రోల్ సహా అన్ని క్యారెక్టర్స్‌కి మంచి స్పందన లభించింది. దాక్షాయణిగా అనసూయ రూపం ప్రేక్షకులకు బాగా కనెక్ట్ అయింది. కాకపోతే ఈ రోల్‌కి ఇంకాస్త స్క్రీన్ స్పేస్ ఇస్తే బాగుండేదనే అభిప్రాయలు వ్యక్తమయ్యాయి. రెగ్యులర్ క్యారెక్టర్స్ కాకుండా ఇలాంటి నటనకు ప్రాధాన్యత రోల్స్ ఎంపిక చేసుకుంటూ అలరిస్తున్న అనసూయ రెమ్యూనరేషన్ విషయంలో కూడా ఎక్కడా తగ్గడం లేదట. ఈ క్రమంలోనే పుష్ప సినిమాలో ఆమె చేసిన దాక్షాయణి పాత్ర కోసం ఏ స్థాయిలో రెమ్యూనరేషన్ అందుకుందనేది ప్రస్తుతం హాట్ టాపిక్ అయింది. రోజువారి లెక్కన రోజుకు 1.5 లక్ష నుంచి రెండు లక్షల మధ్య ఛార్జ్ చేసిందట ఈ జబర్దస్త్ బ్యూటీ. వారానికి పైగా ఆమె షూటింగ్‌లో పాల్గొందని, మొత్తంగా 15 లక్షలకు పైగా ఆమెకు ముట్టాయని సమాచారం. ఇకపోతే పార్ట్ -2లో అనసూయ రోల్ మరింత హైలైట్ కానుందని అంటున్నారు. పుష్ప రెండో భాగంలో ఆమెకు స్క్రీన్ స్పేస్ ఎక్కువగా ఉంటుందని చెప్పుకుంటున్నారు. ఫిబ్రవరి నెల నుంచి ఈ సినిమా పట్టాలెక్కనుంది. మరోవైపు తన ఫ్యూచర్ ప్రాజెక్ట్స్ రోల్స్ చాలా జాగ్రత్త పడుతున్న అనసూయ.. ఎంత ఆఫర్ చేసినా తనకు నచ్చితేనే ఓకే చెబుతోందట.
from Telugu Movie News | Movie News in Telugu | Movie Gossips in Telugu https://ift.tt/3sy0S3U
No comments:
Post a Comment