బాలీవుడ్ స్టార్ హీరోయిన్ తనకంటే పదేళ్లు చిన్నవాడైన అమెరిక‌న్ సింగ‌ర్‌ నిక్ జోన‌స్‌ని ప్రేమించి పెళ్లాడిన సంగతి తెలిసిందే. కొన్నేళ్ల పాటు డేటింగ్ చేసి 2018 సంవత్సరంలో అతనితో వివాహ బంధంలోకి అడుగుపెట్టిన ప్రియాంక.. అప్పటి నుంచి భర్తతో తెగ షికార్లు కొడుతూ ఎంజాయ్ చేస్తోంది. లాస్ ఏంజిల్స్‌లో నివాసం ఉంటున్న ఈ జోడీ విడాకులు తీసుకోనుందంటూ ఇటీవల కొన్ని రూమర్స్ వైరల్ కాగా, వాటిని తిప్పికొడుతూ ఫుల్ క్లారిటీ ఇచ్చేసింది ప్రియాంక తల్లి . ఈ నేపథ్యంలోనే తన కూతురి భర్త నిక్ జొనాస్‌ని ఉద్దేశిస్తూ మరోసారి రియాక్ట్ అయ్యారు మధు చోప్రా. పెళ్లి తరవాత ప్రియాంక జోనస్‌గా పేరు మార్చుకున్న ప్రియాంక చోప్రా.. తన సోషల్ మీడియా ఖాతా నుంచి జోనస్ అనే పేరు తొలగించింది. అచ్చం సమంత తరహా లోనే ప్రియాంక కూడా ఇలా చేయడం చూసి ప్రియాంక, నిక్ విడిపోతున్నారనే ప్రచారం జరిగింది. అయితే ఈ ఇష్యూపై గతంలోనే రియాక్ట్ అయిన మధు చోప్రా.. అట్టి వార్తలను కొట్టిపారేశారు. అవన్నీ రూమర్స్ అని, ఎవ్వరూ నమ్మొద్దని చెప్పిన ఆమె.. తాజాగా తన అల్లుడు నిక్ ఓ జీనియస్ అంటూ పొగిడేస్తూ పోస్ట్ పెట్టారు. తాను 40 ఏళ్లు డాక్టర్‌గా పని చేశానని, అలాగే ఇద్దరు సంతోషకరమైన పిల్లలకు తల్లినని చెప్పిన మధు చోప్రా.. ఒక జీనియస్‌కు అత్తనని చెప్పారు. నిక్ జోనస్ చాలా నెమ్మదస్తుడని, ఏ విషయంలోనైనా చాలా మెచ్యూర్డ్‌గా ఆలోచించే స్వభావం ఆయనదని అన్నారు. తమ కుటుంబంలోని ప్రతి ఒక్కరూ అతన్ని ప్రేమిస్తారని ఆమె తెలపడం విశేషం.
from Telugu Movie News | Movie News in Telugu | Movie Gossips in Telugu https://ift.tt/3mu7ah2
No comments:
Post a Comment