‘టాక్సీవాలా’తో సూపర్ హిట్ కొట్టిన డైరెక్టర్ రాహుల్ సాంకృత్యాన్. ఆయ‌న డైరెక్ట్ చేసిన లేటెస్ట్ మూవీ ‘శ్యామ్ సింగరాయ్’. నేచుర‌ల్ స్టార్ హీరోగా న‌టించారు. శుక్ర‌వారం విడుద‌లైన ఈ సినిమా పాజిటివ్ టాక్‌తో విజ‌య‌వంతంగా ప్ర‌ద‌ర్శింప‌బ‌డుతోంది. ఈ సంద‌ర్భంగా ద‌ర్శ‌కుడు రాహుల్ కొన్ని ఆస‌క్తిక‌ర‌మైన వ్యాఖ్య‌లు చేశారు. ‘శ్యామ్ సింగరాయ్’కు తాను ఆశించిన దాని కంటే ఎక్కువ రెస్పాన్స్ రావ‌డం చాలా ఆనందంగా ఉంద‌ని రాహుల్ సాంకృత్యాన్ తెలిపారు. ఇదే స‌మ‌యంలో త‌న‌కు ప‌వ‌ర్ స్టార్ పవన్ కళ్యాణ్తో సినిమా చేయాల‌ని ఉంద‌ని మ‌న‌సులోని కోరిక‌ను బ‌య‌ట పెట్టారు. ‘‘పవన్ క‌ళ్యాణ్‌గారిలో ఓ ఫైర్ ఉంటుంది. ఆయ‌న‌కు బ‌ల‌మైన ఫ్యాన్ బేస్ ఉంది. ఆయ‌నంటే నాకెంతో అభిమానం. ఆయ‌న‌తో ప‌వ‌ర్ ఫుల్ సినిమాలు చేస్తే థియేటర్స్ ప‌గిలిపోతాయి. ఆయ‌న ఒప్పుకుంటే ఆయ‌న‌తో శ్యామ్ సింగరాయ్ 2 సినిమా చేయాల‌ని ఉంది. అలాంటి ప‌వ‌ర్ ఫుల్ పాత్ర‌ల్లో ఆయ‌న్ని చూడాల‌ని ఆయ‌న అభిమానులు ఎదురు చూస్తుంటారు’’ అన్నారు. కోల్‌క‌తా బ్యాక్ డ్రాప్‌లో సాగే శ్యామ్ సింగరాయ్ మూవీ. 1970 బ్యాక్ డ్రాప్‌లో సినిమా తెర‌కెక్కింది. పున‌ర్జ‌న్మ‌ల నేపథ్యం కూడా దీనికి మిక్స్ చేసి తెరకెక్కించారు. విప్ల‌వాత్మ‌క భావాలున్న యువ‌కుడు శ్యామ్ సింగరాయ్. బుల్లెట్ కంటే అక్ష‌రం ఎంతో ప‌దునైంద‌ని త‌ను భావిస్తుంటాడు. త‌న ర‌చ‌న‌ల‌తో యువ‌తలో స్ఫూర్తిని నింపడ‌ట‌మే కాదు, దేవ‌దాసీ వ్య‌వ‌స్థ‌పై ఎదురు తిరిగి దాన్ని కాల‌రాస్తాడు. ఇలాంటి ఓ ప‌వ‌ర్‌ఫుల్ పాత్ర‌ను నాని క్యారీ చేసిన తీరుకి ప్రేక్ష‌కుల నుంచి చాలా మంచి స్పంద‌న వ‌స్తుంది. నిహారిక ఎంట‌ర్‌టైన్‌మెంట్ బ్యాన‌ర్‌పై వెంక‌ట్ బోయ‌న‌ప‌ల్లి ఈ చిత్రాన్ని నిర్మించారు. సాయి ప‌ల్ల‌వి, కృతి శెట్టి, మ‌డొన్నా సెబాస్టియ‌న్ హీరోయిన్స్‌గా న‌టించారు. తెలుగుతో పాటు త‌మిళం, క‌న్న‌డ, మ‌ల‌యాళ భాష‌ల్లో సినిమా విడుద‌లైంది.
from Telugu Movie News | Movie News in Telugu | Movie Gossips in Telugu https://ift.tt/3mtjTAM
No comments:
Post a Comment