తారక్‌ది చైల్డిష్ మెంటాలిటీ.. చరణ్ లాంటి మైండ్ సెట్ ఎక్కడా చూడలేదు: రాజమౌళి ఓపెన్ కామెంట్స్

కెరీర్ ఆరంభంలో ఉన్న తారక్‌తో పోల్చితే ఇప్పటి తారక్‌లో ఎన్నో వేరియేషన్స్ చూస్తున్నాం. అంచెలంచెలుగా తన నటన, డాన్స్ ప్రతిభను మెరుగుపర్చుకొని అశేష ప్రేక్షకాదరణ పొందుతున్నారు . అయితే తారక్‌లోని ఆ ట్రాన్స్‌ఫర్‌మేషన్, ఆ ఎనర్జీకి కారణం దర్శక ధీరుడు అంటుంటారు. ఎప్పుడైతే 'యమ దొంగ' సినిమాలో తారక్ రూపాన్ని మార్చేస్తూ తెరపై ప్రెజెంట్ చేశారో అప్పటినుంచి జర్నీ తిరుగేలేకుండా సాగుతోంది. తాజాగా అలాంటి తారక్‌పై అదే రాజమౌళి ఓపెన్ కామెంట్స్ చేశారు. ఎన్టీఆర్, హీరోలుగా భారీ మల్టీస్టారర్ సినిమా RRR రూపొందించి పలు భాషల్లో జనవరి 7న ప్రేక్షకుల ముందుకు తీసుకొస్తున్నారు జక్కన్న. ఈ నేపథ్యంలో దేశవ్యాప్తంగా ఈ సినిమా ప్రమోషన్స్ చేపడుతున్న ఆయన.. గత రాత్రి చెన్నైలో ప్రీ రిలీజ్ ఈవెంట్ నిర్వహించారు. ఈ కార్యక్రమానికి ఉదయ నిధి స్టాలిన్, శివ కార్తికేయన్, ఆర్బీ చౌదరిలు ముఖ్య అతిథులుగా విచ్చేశారు. ఈ వేదికపై RRR సినిమాను ఉద్దేశిస్తూ ఎన్టీఆర్, రామ్ చరణ్‌లపై రాజమౌళి చేసిన కామెంట్స్ వైరల్ అవుతున్నాయి. నాకంటే తానే సీనియర్‌ అని తారక్‌ ఎప్పుడూ గొడవ పడుతుంటాడని, తారక్‌ ప్రేమను తట్టుకోవటం చాలా కష్టమని రాజమౌళి అన్నారు. ఉదయం 7 గంటలకు సెట్‌కు రమ్మంటే 6 గంటలకే వచ్చేస్తాడు కాబట్టి నీకు టైమ్ సెన్స్ లేదని తారక్‌ని ఎప్పుడూ తిడుతుంటానంటూ సరదా కామెంట్ చేశారు జక్కన్న. తారక్‌ది లయన్‌ పర్సనాలిటీ, చైల్డ్‌ మెంటాలిటీ అని చెప్పిన రాజమౌళి.. ఇలాంటి నటుడు దొరకడం భారతీయ చలన చిత్ర పరిశ్రమ అదృష్టమంటూ ఆయన ఎనర్జీని ఆకాశానికెత్తారు. ఇకపోతే ఎలాంటి ఒత్తిడి లేకుండా క్లియర్‌ మైండ్‌తో సెట్‌కు వచ్చే వ్యక్తి రామ్ చరణ్ అని, అతన్ని ‘మై హీరో’ అంటుంటానని రాజమౌళి చెప్పారు. ‘మీకేం కావాలి. దాన్ని నేను ఎలా చేయగలను’ అని ఆలోచించే మెంటాలిటీ చెర్రీదని, ఇలాంటి మెంటాలిటీని నేను ఎవరిలోనూ చూడలేదని చెప్పారు. చరణ్‌, తారక్‌.. ఈ ఇద్దరిలో దక్షిణ ధ్రువం ఒకరైతే ఉత్తర ధ్రువం మరొకరు. ఈ రెండు ధ్రువాలు RRR అనే అయస్కాంతానికి అతుక్కునందుకు తనకెంతో సంతోషంగా ఉందని జక్కన్న చెప్పారు.

from Telugu Movie News | Movie News in Telugu | Movie Gossips in Telugu https://ift.tt/3JqTFJ4