'జాతి రత్నాలు' హీరోయిన్‌తో అక్కినేని హీరోల పార్టీ.. అసలు విషయం చెప్పిన నాగ చైతన్య

'లవ్ స్టోరీ' సినిమాతో సక్సెస్ ఖాతాలో వేసుకున్న ప్రస్తుతం తన తండ్రి నాగార్జునతో కలిసి 'బంగార్రాజు' సినిమా చేస్తున్న సంగతి తెలిసిందే. కళ్యాణ్ కృష్ణ కురసాల దర్శకత్వంలో ఈ సినిమా తెరకెక్కిస్తున్నారు. గతంలో వచ్చిన రొమాంటిక్ ఎంటర్‌టైనర్ 'సోగ్గాడే చిన్నినాయనా' సీక్వల్‌గా ఈ సినిమా ప్రేక్షకుల ముందుకు రానుంది. చిత్ర షూటింగ్ చివరి దశకు చేరుకోవడంతో ప్రమోషన్స్‌పై దృష్టి పెట్టిన చిత్రయూనిట్ ఒక్కొక్కటిగా అప్‌డేట్స్ వదులుతూ సినిమాపై ఆసక్తి పెంచేస్తున్నారు. ఈ నేపథ్యంలో తాజాగా చిత్రంలోని బంగార్రాజు పార్టీ సాంగ్ అప్‌డేట్ ఇస్తూ కొత్త పోస్టర్ రిలీజ్ చేశారు. ఈ పాటలో అక్కినేని హీరోలు నాగార్జున, నాగ చైతన్యలతో కలిసి 'జాతి రత్నాలు' బ్యూటీ చిందులేయడం విశేషం. అయితే ఈ పోస్టర్‌ని తన ట్విట్టర్ ఖాతాలో పోస్ట్ చేసిన నాగ చైతన్య.. ఇది ఫస్ట్ మ్యూజికల్ పోస్టర్ అని, డిసెంబర్ 17న ఈ సాంగ్ టీజర్ రిలీజ్ కానుందని తెలిపారు. పోస్టర్ చూస్తుంటే మాత్రం ఫరియాతో తండ్రీకొడుకులు రెచ్చిపోయి చిందేశారని అర్థమవుతోంది. ఈ మూవీలో నాగార్జున సరసన రమ్యకృష్ణ నటిస్తుండగా.. నాగ చైతన్య జంటగా ఉప్పెన ఫేమ్ కృతి శెట్టి నటిస్తోంది. నాగార్జున సొంత బ్యానర్‌పై నిర్మిస్తున్న ఈ సినిమాపై భారీ అంచనాలు ఉన్నాయి. నాగలక్ష్మి పాత్రలో కృతి శెట్టి కనిపించనుంది. రీసెంట్‌గా విడుదల చేసిన ఆమె లుక్ భారీ రెస్పాన్స్ తెచ్చుకుంది. రొమాన్స్, ఎమోషన్స్, అన్నిరకాల కమర్షియల్ అంశాలు జోడించి ఈ 'బంగార్రాజు' చిత్రాన్ని రూపొందిస్తున్నారు. జనవరి నెలలో సినిమాను రిలీజ్ చేయాలనేది మేకర్స్ ప్లాన్.

from Telugu Movie News | Movie News in Telugu | Movie Gossips in Telugu https://ift.tt/3DSk66i