బాలీవుడ్ సూప‌ర్‌స్టార్ బిగ్‌బిపై ఆయన సతీమణి, న‌టి జయాబచ్చన్ ఫిర్యాదు చేశారు. ఇంత‌కీ ఆమె ఎక్క‌డ, ఎందుకు అమితాబ్‌పై ఫిర్యాదు చేశార‌నే వివ‌రాల్లోకి వెళితే..అమితాబ్ బచ్చన్ హోస్ట్ చేస్తున్న షో ‘కౌన్ బనేగా కరోడ్‌ప‌తి’.ఇప్ప‌టి వ‌ర‌కు 13 సీజ‌న్స్‌ను ఈ షో పూర్తి చేసుకుంటోంది. 1000 ఎపిసోడ్‌కు చేరుకుంది. ఈ షోలో ఆయన కుటుంబ స‌భ్యుల‌నే హాట్ సీట్‌పై కూర్చోపెట్ట‌డానికి అమితాబ్ బచ్చన్ ఆహ్వానించారు. ఇంత‌కీ హాట్ సీట్‌పై కూర్చున్న‌దెవ‌రో కాదు..ఒక‌రేమో అమితాబ్ కుమార్తె శ్వేతా బచ్చన్, మ‌రొక‌రు మ‌న‌వ‌రాలు న‌వేలీ నందా. అస‌లు ఈ ప్రోగ్రామ్‌లో అస‌లు ట్విస్ట్ అమితాబ్ సతీమణి జ‌యా బచ్చన్ వీడియో కాన్ఫ‌రెన్స్‌లో మాట్లాడ‌ట‌మే. ఈ మొత్తం ఎపిసోడ్‌కు సంబంధించిన ప్రోమోను సోనీ త‌మ సోష‌ల్ మీడియా మాధ్య‌మాల ద్వారా విడుద‌ల చేసింది. ఇక్క‌డ జ‌రిగిన మ‌రో గ‌మ్త‌త్తు ఏంటంటే అమితాబ్ బ‌చ్చ‌న్‌పై జ‌యా బచ్చన్ ఫిర్యాదు చేశారు. ఫోన్ చేస్తే లిఫ్ట్ చేయ‌రు మీరు అనేది స‌ద‌రు కంప్లైంట్. త‌న‌పై కంప్లైంట్ చేసింది ఇంట్లోని స‌భ్యులు. ముఖ్యంగా భార్య. ఇంకేం చేస్తాడు. అమితాబ్ త‌ప్ప‌కుండా ఏదో ఒక వివ‌ర‌ణ ఇచ్చుకోవాలి క‌దా. అమితాబ్ స‌మాధానం ఇచ్చారు. అయితే త‌న‌దైన శైలిలో కామెడీగా ఆయన ఆన్స‌ర్ వ‌చ్చేసింది.. ఇంట‌ర్నెట్ పోతూ వ‌స్తుంటే నేనేం చేయ‌ను అన్నారు బిగ్‌బి. అయితే జ‌యా బచ్చన్ దానికి మాట్లాడుతూ ట్విట్ట‌ర్‌లో ఫొటోలు, మెసేజ్‌లు మాత్రం పెడ‌తుంటారు అని అంది. ఇక లాభం లేద‌నుకుని అమితాబ్ టాపిక్ మార్చే ప్ర‌య‌త్నం చేశారు. జ‌య.. నువ్వు చాలా అందంగా ఉంటావు అన్నారు. ఇక జ‌యా బచ్చన్ దాని కౌంట‌ర్ ఇచ్చింది. మీరు అబద్దాలు చెప్పేట‌ప్పుడు అందంగా ఉండ‌రు అని. కేబీసీ 13లో ఎంత కీల‌క‌మైన ఈ ఎపిసోడ్ డిసెంబ‌ర్ 3న రాత్రి తొమ్మిది గంట‌ల‌కు ప్రసారం కానుంది. మ‌రి కుటుంబ స‌భ్యులతో అమితాబ్ మ‌ధ్య ఇంకేలాంటి అనుబంధం ఉంద‌నే విష‌యం తెలియాలంటే మాత్రం స‌ద‌రు ఎపిసోడ్ చూసేయాల్సిందే. మ‌రో వైపు అమితాబ్ త‌న‌యుడు, హీరో అభిషేక్ బచ్చన్, ఐశ్వ‌ర్యా రాయ్ బచ్చన్ దంపతులు త్వ‌ర‌లో త‌ల్లిదండ్రులు కాబోతున్నార‌ని బాలీవుడ్ వ‌ర్గాల్లో వార్త‌లు వినిపిస్తున్నాయి. ఇప్ప‌టికే వారికి ఆరాధ్య అనే పాప ఉన్న సంగ‌తి తెలిసిందే. అయితే దీనిపై బచ్చన్ కుటుంబ స‌భ్యులు ఏమీ రియాక్ట్ కాలేదు.
from Telugu Movie News | Movie News in Telugu | Movie Gossips in Telugu https://ift.tt/31h3Dev
No comments:
Post a Comment