‘అశ్వద్థామ’ కలెక్షన్స్.. నాగ శౌర్య గట్టిగా కొట్టాడు

నటుడిగా, నిర్మాతగా, రచయితగా ఇలా అన్ని రంగాల్లో తానేంటో నిరూపించుకున్న యువ కథానాయకుడు నాగ శౌర్య. ఎప్పటికప్పుడు కొత్త కంటెంట్‌తో ప్రేక్షకుల ముందుకు రావడానికి ప్రయత్నిస్తుంటారు. అలా నిన్న ‘అశ్వద్థామ’ సినిమాతో ఆడియన్స్ ముందుకు వచ్చారు. ముంబయిలో తన స్నేహితుడి సోదరికి ఎదురైన అనుభవాన్ని కథలా రాసుకున్నానని చెప్పారు. సమాజంలో ఆడవాళ్లపై ఎంతటి ఘోరమైన సంఘటనలు జరుగుతున్నాయో ఈ సినిమాలో కళ్లకు కట్టినట్లు చూపించారు. తొలిరోజే సినిమాకు మంచి రెస్పా్న్స్ వచ్చింది. ఇక ఈ సినిమా తొలి రోజు కలెక్షన్స్ విషయానికొస్తే.. నాగశౌర్య ఈసారి గట్టిగా కొట్టాడనే చెప్పాలి. సినిమాను పది కోట్ల బడ్జెట్‌తో తెరకెక్కించినట్లు తెలుస్తోంది. ఆంధ్రప్రదేశ్, తెలంగాణ రాష్ట్రాల్లో రూ.4 కోట్లు రాబట్టినట్లు సమాచారం. ఇక అమెరికాలో రూ.35 లక్షలు రాబట్టిందట. ఓవర్‌సీస్‌లో రూ.75 లక్షలు వసూళ్లు రాబట్టినట్లు చిత్ర వర్గాల సమాచారం. మొత్తానికి సినిమా తొలిరోజు ఐదు కోట్లు రాబట్టేసినట్లు సినీ విశ్లేషకులు చెబుతున్నారు. READ ALSO: పెట్టిన బడ్జెట్‌కు సగం లాభం వచ్చిందంటే.. సినిమా ఏ స్థాయిలో ఆడిందో ఊహించవచ్చు. తన కెరీర్‌లో ఇదే బెస్ట్ సినిమా అని నాగశౌర్య చెబుతూ వచ్చారు. ఏ సినిమాకు కూడా ఇంతటి ఓపెనింగ్స్ ఎప్పుడూ రాలేదని అన్నారు. ఈ సినిమాలో మెహ్రీన్ హీరోయిన్‌గా నటించారు. రమణ తేజ దర్శకత్వం వహించారు. శ్రీచరణ్ పాకాల అందించిన మ్యూజిక్‌కు మంచి స్పందన వచ్చింది. చాలా చోట్లు సినిమా కంటెంట్‌ని బాగా ఎలివేట్ చేసిందని ప్రేక్షకుల టాక్. మొత్తానికి నాగశౌర్య చాలా కాలం తర్వాత ఓ మంచి సినిమాతో ప్రేక్షకుల ముందుకు వచ్చారు.

from Telugu Movie News | Movie News in Telugu | Movie Gossips in Telugu https://ift.tt/2GMq4dC