మెగా, నందమూరి ఫ్యాన్స్‌కి నిరాశ .. RRR వాయిదా.. కొత్త రిలీజ్ డేట్ ఇదే.. సోషల్ మీడియా వైరల్ అవుతున్న వార్త

ఇదెక్క‌డి క‌రోనా వైరస్ బాబూ.. మ‌నల్ని ప్ర‌శాంతంగా ఉండ‌నివ్వ‌డం లేదు. మ‌న ప‌నుల‌ను మ‌నం నింపాదిగా అనుకున్న ప్లానింగ్ ప్ర‌కారం చేసుకోలేక‌పోతున్నామ‌ని ప్ర‌పంచ‌మంతా అనుకుంటున్న మాట‌. నిజ‌మే మ‌రి!. సినీ ఇండ‌స్ట్రీ విష‌యానికి వ‌స్తే.. నూటికి రెండు వంద‌ల శాతం ఇది నిజ‌మ‌ని అంద‌రూ అంటారు. ఎందుకంటే భారీ చిత్రాలు, మీడియం బ‌డ్జెట్ చిత్రాలు, చిన్న బ‌డ్జెట్ చిత్రాలు ఇలా అన్నీ పోస్ట్ పోన్ అవుతున్నాయి. ఈ కోవ‌లో భారీ బ‌డ్జెట్‌తో తెర‌కెక్కించిన మూవీ వాయిదా ప‌డుతుంద‌ని వార్త‌లు బ‌లంగా సినీ వ‌ర్గాల్లో వినిపిస్తున్నాయి. నిజానికి RRR..2020 జూలై 30న విడుద‌ల కావాల్సిన చిత్రం. అప్ప‌టి నుంచి వాయిదా ప‌డుతూనే వ‌స్తుంది. చివ‌ర‌కు జ‌న‌వ‌రి 7, 2022న RRR ను థియేట‌ర్స్‌లో విడుద‌ల చేయాల‌ని అంద‌రూ ఫిక్స్ అయ్యారు. పెద్ద రేంజ్‌లో రూపొందిన చిత్రం. రాజ‌మౌళి తెరకెక్కించిన చిత్రం కావ‌డంతో హీరోలంద‌రూ RRR సినిమాకు దారి ఇచ్చారు. సినిమా యూనిట్ కూడా ప్ర‌మోష‌న‌ల్ యాక్టివిటీస్‌తో ఫుల్ బిజీగా మారిపోయింది. ఇక విడుద‌ల‌కు ప‌ది రోజులు కూడా లేవు. మ‌న అభిమాన హీరోల‌ను వెండితెర‌పై చూడొచ్చున‌ని ఇటు మెగా ఫ్యాన్స్‌, అటు నంద‌మూరి ఫ్యాన్స్ సంబర‌ప‌డ్డారు. కానీ.. ఇప్పుడు వారికి నిరాశ ఎదురుకాక త‌ప్పేలా లేదు. అందుకు కార‌ణం కోవిడ్ మ‌ళ్లీ త‌న పంజా విసర‌డం ప్రారంభించింది. ఒమిక్రాన్ కేసులు క్ర‌మంగా పెరుగుతుండ‌టంతో ప‌రిస్థితులు అదుపు త‌ప్ప‌కుండా ఉండ‌టానికి ప‌లు రాష్ట్ర ప్ర‌భుత్వాలు లాక్‌డౌన్ విధిస్తూ వ‌స్తున్నాయి. అందులో భాగంగా థియేట‌ర్స్‌ను త‌గు జాగ్ర‌త్త‌లు తీసుకుని పూర్తిగా కాకుండా 50 శాతం ఆక్యుపెన్సీతో ర‌న్ చేసుకోమ‌ని అంటున్నారు. ఇప్ప‌టికే ఢిల్లీలో లాక్డౌన్ విధించారు. మ‌హారాష్ట్ర‌, యూపీ వంటి రాష్ట్రాల్లోనూ అదే ప‌రిస్థితి. థియేట‌ర్స్ విష‌యానికి వ‌స్తే 50 శాతం ఆక్యుపెన్సీతో సినిమా థియేట‌ర్స్‌ను ర‌న్ చేయ‌వ‌చ్చున‌ని అన్నారు. ఇప్పుడు ద‌క్షిణాదిన త‌మిళ‌నాడులో కూడా లాక్ డౌన్ పెట్టారు. ఈ నెలాఖ‌రు వ‌ర‌కు లాక్‌డౌన్ అంక్ష‌లు కొన‌సాగుతాయి. థియేట‌ర్స్ 50 శాతం ఆక్యుపెన్సీతో ర‌న్ చేసుకోవ‌చ్చున‌ని రూల్స్ పెట్టేశారు. ఇలాంటి క‌ఠిన ప‌రిస్థితుల్లో RRR సినిమాను విడుద‌ల చేస్తే డిస్ట్రిబ్యూట‌ర్స్ చాలా న‌ష్టాల‌ను ఎదుర్కోవాల్సి వ‌స్తుంద‌న‌డంలో సందేహం లేదు. దీంతో చిత్ర యూనిట్‌, మేక‌ర్స్ త‌ర్జ‌న‌భ‌ర్జ‌నలు ప‌డుతున్నారు. ఇప్ప‌టికే దాదాపు RRR రిలీజ్‌ను వాయిదా వేయాలని ఫిక్స్ అయ్యార‌ట‌. త్వ‌ర‌లోనే అధికారిక ప్ర‌క‌ట‌న వ‌చ్చే అవ‌కాశం ఉంద‌ని స‌మాచారం. ప‌రిస్థితులు చ‌క్క‌బ‌డిన త‌ర్వాత జూన్‌లో RRR ను థియేట‌ర్స్‌లో విడుద‌ల చేసే అవ‌కాశం ఉంద‌ని గుస‌గుస‌లు ఎక్కువ‌గా వినిపిస్తున్నాయి. మ‌రి ఈ వార్త‌ల‌పై చిత్ర యూనిట్ ఎలా స్పందిస్తుందో చూడాలి.

from Telugu Movie News | Movie News in Telugu | Movie Gossips in Telugu https://ift.tt/3Hi10bU