RRR, ఆచార్య‌ నిర్మాతల‌తో ప్రభాస్ మూవీ.. లక్కీ ఛాన్స్ కొట్టేసిన డైరెక్టర్ ఎవరంటే?

టాలీవుడ్ రేంజ్ నుంచి పాన్ ఇండియా స్టార్ రేంజ్‌కి ఎదిగిన ప్ర‌భాస్ సినిమాల‌ను ఓ వైపు చ‌క చ‌కా పూర్తి చేస్తున్నారు. మ‌రో వైపు కొత్త ప్రాజెక్ట్స్‌కు ఓకే చెబుతూ వ‌స్తున్నారు. ఆయ‌న స్పీడు చూస్తున్న వారు అస్స‌లు ప్ర‌భాస్ ఇలా ఎలా చేస్తున్నారో అర్థం చేసుకోలేక‌పోతున్నారు. అయితే..‘ఏం ప‌ర్లేదు డార్లింగ్’ అనుకుంటూ ముందుకు వెళ్లిపోతున్నారు ప్ర‌భాస్‌. ప్రస్తుతం ఆయన చేతిలో విడుద‌ల‌కు సిద్ధంగా ఉన్న ‘రాధే శ్యామ్’తో కలుపుకుని 5 పాన్ ఇండియా సినిమాలున్నాయి. ఇవి కాకుండా మ‌రో మూడు సినిమాలను ఆయ‌న ఓకే చేశారు కానీ అధికారిక ప్ర‌క‌ట‌న అయితే రాలేద‌నేది టాక్‌. వరుస పాన్ ఇండియా సినిమాలతో ఇంత బిజి బిజీగా ఉన్న డార్లింగ్ ప్ర‌భాస్, గ్యాప్‌లో ఓ టాలీవుడ్‌ డైరెక్ట‌ర్‌తో.. స‌ర‌దాగా సాగే ఫ్యామిలీ ఎంట‌ర్‌టైన‌ర్ చేయాల‌ని ఫిక్స్ అయ్యార‌ట‌. ఈ సినిమాను చేయ‌డానికి ఇద్ద‌రు పెద్ద నిర్మాత‌లు రెడీ అయిపోయారు. అస‌లు ఆ ద‌ర్శ‌కుడు ఎవ‌రు? ఇద్ద‌రు నిర్మాత‌లు ఎవ‌రు? అనే వివ‌రాల్లోకి వెళితే. సినీ స‌ర్కిల్స్‌లో చ‌క్క‌ర్లు కొడుతున్న వార్త‌ల మేర‌కు ద‌ర్శ‌కుడు .. ఆ నిర్మాత‌లు డివివి దాన‌య్య‌, నిరంజ‌న్ రెడ్డి. ఒక‌రేమో RRR నిర్మాత అయితే, మ‌రొక‌రు ఆచార్య నిర్మాత‌. వీరి కాంబినేష‌న్‌లో ప్ర‌భాస్ సినిమా రూపొంద‌నుంది. ప్ర‌భాస్‌కి ఇది వ‌ర‌కే లైన్ చెబితే ఆయ‌న‌కు న‌చ్చింది. ఫైన‌ల్ స్క్రిప్ట్ చెప్పి, న‌చ్చితే సినిమా చేసేద్దామ‌ని ఆయ‌న అన్నార‌ట‌. ఇప్పుడు మారుతి ఫైన‌ల్ స్క్రిప్ట్‌ను సిద్ధం చేశార‌ట‌. త్వ‌ర‌లోనే ప్ర‌భాస్‌కు వినిపించ‌నున్నార‌ట‌. ప్ర‌భాస్‌కు న‌చ్చితే సినిమా వెంట‌నే సెట్స్ పైకి వెళ్లిపోతుంది. ప్ర‌భాస్ ఎక్కువ రోజులు స‌మ‌యం కేటాయించ‌రు. చాలా ప‌రిమితంగానే డేట్స్ కేటాయిస్తార‌ట‌. అప్ప‌టికంతా సినిమాను పూర్తి చేసేలా మారుతి ప్లాన్ చేసుకునే సినిమాను ట్రాక్ ఎక్కిస్తార‌ని బ‌య‌ట వినిపిస్తోన్న స‌మాచారం. మ‌రి ఇందులో నిజా నిజాలేంటో తెలియాలంటే కొన్ని రోజులు ఆగాల్సిందే. ఇక ఇప్పుడు ప్ర‌భాస్ చేస్తున్న సినిమాల విష‌యానికి వ‌స్తే ఈ ఏడాది సంక్రాంతి ఆయ‌న ‘రాధే శ్యామ్’ కావాల్సింది కానీ కోవిడ్ కార‌ణంగా వాయిదా ప‌డింది. ఇక ప్ర‌శాంత్ నీల్ ద‌ర్శ‌క‌త్వంలో కె.జి.య‌ఫ్ మేకర్స్ హోంబ‌లే ఫిలిమ్స్ చేస్తోన్న‌ ‘సలార్’ సెట్స్‌పై ఉంది. మ‌రో వైపు బాలీవుడ్ డైరెక్ట‌ర్ ఓం రౌత్ ద‌ర్శ‌క‌త్వంలో స్టార్ట్ చేసిన ‘ఆది పురుష్‌’ను చిత్రీక‌ర‌ణ‌ను ప్ర‌భాస్ ఎప్పుడో కంప్లీట్ చేసేశారు. ప్ర‌స్తుతం నాగ్ అశ్విన్ ద‌ర్శ‌క‌త్వంలో అమితాబ్, దీపికా ప‌దుకొనెల‌తో చేస్తున్న Project K షూటింగ్ షురూ చేశారు. అర్జున్ రెడ్డి, క‌బీర్ సింగ్ చిత్రాల డైరెక్ట‌ర్ సందీప్ వంగా డైరెక్ష‌న్‌లో త‌న కెరీర్ మైల్‌స్టోన్ మూవీ ‘స్పిరిట్‌’ను ప్ర‌భాస్ ఈ ఏడాది ద్వితీయార్థంలో సెట్స్ పైకి తీసుకెళ‌తార‌ని విశ్వ‌స‌నీయ వ‌ర్గాల స‌మాచారం.

from Telugu Movie News | Movie News in Telugu | Movie Gossips in Telugu https://ift.tt/3AuLAPq