ద‌క్షిణాది, ఉత్త‌రాది ప్రేక్ష‌కుల‌కు హీరోయ‌న్‌గా సుప‌రిచితురాలైన కాజల్ అగ‌ర్వాల్ త‌న స్నేహితుడు గౌత‌మ్ కిచ్లుని పెళ్లి చేసుకున్నారు. ఈ ఏడాది వీరు త‌ల్లిదండ్రులు అవుతున్నారు. చాలా రోజుల వ‌ర‌కు వీరు ఈ విష‌యాన్ని బ‌య‌ట‌కు చెప్ప‌కుండా సీక్రెట్‌ను మెయిన్‌టెయిన్ చేశారు. రీసెంట్‌గానే కాజల్ ప్రెగ్నెన్సీ గురించి తెలియ‌జేశారు. గౌత‌మ్ కిచ్లు .. కాజల్ గురించి చాలా కేర్ తీసుకుంటున్నార‌ని స‌మాచారం. త‌గు జాగ్ర‌త్త‌ల‌ను సూచించ‌డానికి ఓ ప్రత్యేక‌మైన డాక్ట‌ర్‌ను కూడా నియమించారు. అందుకు సంబంధించి ఫ్రీ న్యాట‌ల్ క్లాసెస్ ఫొటోల‌ను ఇన్‌స్టా స్టోరీస్ ద్వారా షేర్ చేస్తూ వ‌చ్చారు. పుట్ట‌బోయే బిడ్డ ఆరోగ్యంగా ఉండ‌టానికి ఎలాంటి జాగ్ర‌త్త‌లు తీసుకోవాలో తెలుసుకుంటున్న కాజల్ అగ‌ర్వాల్ డెలివరీ అయ్యే వ‌ర‌కు ఎలాంటి జాగ్ర‌త్త‌లు తీసుకోవాలి.. డెలివరీ త‌ర్వాత ఎలాంటి జాగ్ర‌త్త‌లు తీసుకోవాల‌నే విష‌యాల‌ను క్లాసెస్ ద్వారా అడిగి మ‌రీ తెలుసుకుంటున్నార‌ట. త‌ల్లి కావ‌డం అనే మ‌ధుర క్ష‌ణాల కోసం ఎంతో ఎగ్జ‌యిట్‌మెంట్‌తో ఎదురుచూస్తున్న కాజల్ అగ‌ర్వాల్ సినిమాల‌ను ప‌క్క‌న పెట్టేశారు. నాగార్జున, ప్రవీణ్ స‌త్తారు కాంబినేష‌న్‌లో రూపొందుతోన్న ‘ది ఘోస్ట్’ మూవీలో ముందుగా అగర్వాల్‌నే హీరోయిన్‌గా అనుకున్నారు. అయితే ప్రెగ్నెన్సీ కార‌ణంగా కాజల్ ఆ సినిమాను వ‌దుకున్నారు. ఇలా కొన్ని ఆఫ‌ర్స్‌ను రిజెక్ట్ చేశారు. ప్ర‌స్తుతం కాజల్ అగ‌ర్వాల్ ఉమ అనే బాలీవుడ్ సినిమాలో న‌టించారు. ఇందులో ఆమె ఒక మిస్టీరియ‌స్ అమ్మాయి పాత్ర‌లో క‌నిపిస్తారు. .ఇక ల‌క్ష్మీ క‌ళ్యాణం సినిమాతో తెలుగు ప్రేక్ష‌కుల‌కు కాజల్ ప‌రిచ‌య‌మైంది. అప్ప‌టి నుంచి తెలుగులో వ‌రుస అవ‌కాశాల‌ను ద‌క్కించుకుంది. చిరంజీవి, రామ్‌చ‌ర‌ణ్‌, ఎన్టీఆర్‌, ప్ర‌భాస్‌, మ‌హేశ్ ఇలా స్టార్ హీరోలంద‌రి సినిమాల్లోనూ న‌టించి న‌టిగా ఒక్కొక్క మెట్టు ఎదుగుతూ వ‌చ్చింది. గ‌త ఏడాదిలోనే పెళ్లి చేసుకుంది. సినిమాల‌తో పాటు డిజిట‌ల్ మాధ్య‌మంలోనూ కాజల్ అగ‌ర్వాల్ నటించింది కూడా. ఈ ఏడాది చిరంజీవితో క‌లిసి ఆచార్య‌లో నటించింది. ఈ సినిమా ఏప్రిల్ 1న విడుద‌ల‌వుతుంది. ఈ చిత్రాలు కాకుండా త‌మిళంలో, హిందీలోనూ వ‌రుస సినిమాలున్నాయి. ప్రెస్టీజియ‌స్ ప్రాజెక్ట్‌గా స్టార్ట్ అయిన ఇండియ‌న్ 2లోనూ క‌మ‌ల్ హాస‌న్‌తో ఈమె క‌లిసి నటించింది. అయితే ఇప్పుడా ప్రాజెక్ట్ ఆగింది. మ‌రి ఈ సినిమాల‌న్నీ విడుద‌లైతే కాజల్, హీరోయిన్‌గా అవ‌కాశాల‌ను ద‌క్కించుకుని కంటిన్యూ అవుతుందేమో చూడాలి.
from Telugu Movie News | Movie News in Telugu | Movie Gossips in Telugu https://ift.tt/3GVzrpa
No comments:
Post a Comment