మార్పు మంచికేనా.... అఖిల్‌?

ఒక సినిమా సెట్స్ మీద ఉన్న‌ప్పుడు లాస్ట్ మూవీ తాలూకు ఇంపాక్ట్ చాలా ప‌నిచేస్తుంటుంది. ఆ సినిమా హిట్ అయితే ఇక్క‌డ క‌నిపించే మార్పులు ఒక‌లా ఉంటాయి. ఫ్లాప్ అయితే మ‌రోలా ఉంటాయి. కొన్నిసార్లు వాటితో ఏమాత్రం సంబంధంలేకుండా కొన్ని జ‌రుగుతుంటాయి. హీరో టేస్టుకు త‌గ్గ‌ట్టుగానో, డైర‌క్ట‌ర్‌కి వ‌చ్చిన థాట్ కి త‌గ్గ‌ట్టుగానో... షెడ్యూల్లో కాసింత గ్యాప్ దొరికితే మాత్రం మార్పులు అనివార్యం. పైగా మార్పు ఒక్క‌టే మార్చ‌లేనిది అనే మాట మ‌న‌కు ఎలాగూ ఫేమ‌స్సే కాబ‌ట్టి! అది అలా జ‌రిగిపోతుంటుంది అంతే..! ఇప్పుడు ఆ మార్పు అఖిల్ సినిమా విషయంలోనూ త‌ప్ప‌లేద‌న్న‌ది ఫిల్మ్ న‌గ‌ర్ టాక్‌. ‘మోస్ట్ ఎలిజిబుల్ బ్యాచ్‌లర్’ రిలీజుకు ముందు నుంచే అక్కినేని అభిమానుల‌ను ఊరిస్తోంది ‘ఏజెంట్’ లుక్‌. ప‌ర్ఫెక్ట్ జిమ్ బాడీ లుక్ ఒక‌వైపు, పెంచిన జుట్టు మ‌రోవైపు, క‌ళ్ల‌ల్లో ఇంటెన్స్ లుక్స్ ఇంకో వైపు, ఇంత‌కు ముందు ఎప్పుడూ చూడ‌ని అఖిల్‌ని ఫొటోల్లో ప‌రిచ‌యం చేశారు కెప్టెన్ సురేంద‌ర్‌రెడ్డి. సైరా త‌ర్వాత మ‌రే ప్రాజెక్టూ చేయ‌లేదు సురేంద‌ర్ రెడ్డి. ఆ మ‌ధ్య ప‌వ‌న్ క‌ల్యాణ్ సినిమా మాట‌లు మార్కెట్లో వినిపించినా, ఆయ‌న మాత్రం అఖిల్ మూవీ డిజైనింగ్‌లో బిజీగా ఉండిపోయారు. మ‌ధ్య‌లో కొన్నాళ్లు కోవిడ్ ఆయ‌న క‌ల‌ల్ని డిస్ట‌ర్బ్ చేసింది. అయినా పూర్తిగా కోలుకుని మ‌ళ్లీ ప‌నిలో ప‌డ్డారు ద‌ర్శ‌కుడు సురేంద‌ర్ రెడ్డి. యాజ్ ఇట్ ఈజ్ గా సురేంద‌ర్ రెడ్డి ఇచ్చిన ఇన్‌పుట్స్ ని ఫాలో అయి అఖిల్ కూడా న్యూ అవ‌తార్‌లో ఆడియ‌న్స్ ని అట్రాక్ట్ చేశారు. ఫొటోల్లోనే ఇలా ఉంటే, స్క్రీన్ మీద సాలిడ్‌గా క‌నిపిస్తారు మా హీరో అని అక్కినేని ఆర్మీ అంతా హ‌ల్‌చ‌ల్ చేసింది. వాళ్ల అంచ‌నాల‌కు ధీటుగా, ఆ మాట‌కొస్తే ఇంకో అడుగు పైనే ఉండేలా ప్లాన్ చేస్తున్నారు మేక‌ర్స్. రీసెంట్ టైమ్స్ లో స్క్రిప్టు లోనూ మేజ‌ర్ మార్పులు జ‌రిగాయ‌ట‌. వాటికి త‌గ్గ‌ట్టుగానే కొన్ని సీన్స్ ని యాడ్ చేశార‌ని టాక్‌. మారిన స్క్రీన్‌ప్లే ప్ర‌కారం ఆల్రెడీ షూట్ చేసిన కొన్ని సీన్స్ వేస్ట్ అవుతున్నాయ‌ట‌. అయినా వాటిని ఆఫ్ట‌ర్ రిలీజ్ యూట్యూబ్‌లో డిలీటెడ్ ఫ‌స్ట్ వెర్ష‌న్ కింద రిలీజ్ చేసుకోవ‌చ్చు. ఇప్పుడైతే ఈ ఐడియా చాలా బావుంది. గో ఎహెడ్ అని అక్కినేని బాస్ నుంచి కూడా గ్రీన్ సిగ్న‌ల్ అందింద‌ట‌. ఆల్రెడీ బంగార్రాజు మూవీతో 2022 బోణీని త‌మ పేరు మీద రాసుకుంది అక్కినేని కాంపౌండ్‌. నాన్న‌, అన్న స్టార్ట్ చేసిన స‌క్సెస్‌సౌండ్‌ని రిలే రేస్‌లో క్యారీ చేయాల్సిన బాధ్య‌త అఖిల్ మీదుంది. అందుకే ఏ చిన్న అవ‌కాశం ఉన్నా, ఏ చిన్న పాజిటివిటీ క‌నిపించినా వెంట‌నే అందిపుచ్చుకుని అవ‌త‌లి స్టెప్‌కి జంప్ చేయాల‌నుకుంటున్నారు అఖిల్‌. ఆల్రెడీ ఎలాగూ మోస్ట్ ఎలిజిబుల్ బ్యాచ్‌ల‌ర్ స‌క్సెస్ టేస్ట్ చేయించింది. ఇప్పుడు ఏజెంట్ నెక్స్ట్ రేంజ్ మేనియాను ప‌రిచ‌యం చేస్తుంద‌నే కాన్ఫిడెన్స్ క‌నిపిస్తోంది అఖిల్‌లో! అందుకే సురేంద‌ర్‌రెడ్డి ఏం చెప్పినా ఓకే అంటున్నారట‌ అక్కినేని చిన్నోడు.

from Telugu Movie News | Movie News in Telugu | Movie Gossips in Telugu https://ift.tt/3AhukNi