బుల్లితెరపైకి బిగ్ బాస్ రూపంలో ఓ రియాలిటీ షో వచ్చి భారీ పాపులారిటీ దక్కించుకుంది. రెస్పాన్స్ పరంగా ఇప్పటివరకు అన్ని సీజన్స్‌కి గొప్ప ఆదరణే లభించినా కూడా ఈ షోపై నెగెటివ్ ఇంప్రెషన్, భిన్న వాదనలు నిత్యం ఎక్కడో చోట వినిపిస్తూనే ఉంటాయి. హౌస్‌లో కంటిస్టెంట్స్ మధ్య గొడవలు, రొమాంటిక్ మూమెంట్స్ ఇవి సమాజాన్ని పక్కదోవ పట్టించే చర్యలే తప్ప ఇంకెలాంటి ప్రయోజనం లేదనే చర్చలు నడుస్తుంటాయి. అయితే ఇలా ఎవ్వరు ఎన్ని రకాలుగా మాట్లాడినా బిగ్ బాస్ షో నిర్వాహకులు మాత్రం ఎప్పటికప్పుడు ముందడుగేస్తూ కొత్తగా ఆలోచిస్తున్నారు. ఈ క్రమంలోనే ఇక తెలుగు బిగ్ బాస్ షోని OTT వేదికపైకి తీసుకురావాలని ప్లాన్ చేసిన బిగ్ బాస్ టీమ్ అందుకోసం తగిన ఏర్పాట్లు పూర్తి చేస్తున్నారని టాక్. ఇప్పటికే ఇందుకు సంబంధించిన ప్రచార కార్యక్రమాలతో పాటు బిగ్ బాస్‌లో పాల్గొనబోయే కంటెస్టెంట్స్ ఎంపికపై కరసరత్తులు పూర్తయ్యాయని సమాచారం. ఈ నేపథ్యంలో బయటకొచ్చిన ఓ కంటిస్టెంట్ పేరు జనాల్లో హాట్ టాపిక్ అయింది. వర్షన్ హోస్టుగా అక్కినేని నాగార్జునే ఉండబోతున్నారు. దీంతో పాటు ఇందులో బోలెడన్ని సర్‌ప్రైజ్‌లు ఉంటాయని చెబుతున్న నిర్వాహకులు.. కంటిస్టెంట్స్ ఎంపికపై స్పెషల్ ఫోకస్ పెట్టారట. ఎక్కువగా సోషల్ మీడియా స్టార్లకు స్పేస్ ఇస్తూ ఇద్దరు లేదా ముగ్గురు బాగా తెలిసిన ముఖాలను తీసుకుంటున్నారట. ఇక వివాదాలతో జర్నీ చేస్తూ నిత్యం జనం నోళ్ళలో నానుతున్న వ్యక్తుల్లో ఒకరినైనా రంగంలోకి దించాలని స్కెచ్చేశారట. ఈ మేరకు రాకేష్ మాస్టర్‌కి ఆహ్వానం పలికారని తెలుస్తోంది. టాలీవుడ్ కొరియోగ్రాఫర్‌గా, యాక్టర్‌గా బాగా ఫేమస్ అయిన రాకేష్ మాస్టర్.. గత కొంతకాలంగా వివాదాలకు కేంద్ర బిందువుగా నిలుస్తున్న సంగతి తెలిసిందే. ఆయన ఇస్తున్న ఇంటర్వ్యూలు, సెలబ్రిటీలపై చేస్తున్న కామెంట్స్ హాట్ ఇష్యూగా మారుతున్నాయి. మరి ఇలాంటి రాకేష్ మాస్టర్‌ని హౌస్‌లోకి ఆహ్వానిస్తున్నారంటే ఇక షో ఏ రేంజ్‌లో ఉంటుందో ఊహించుకోవచ్చు. తెలుగు వర్షన్‌ను ప్రముఖ ఓటీటీ సంస్థ డిస్నీ ప్లస్ హాట్‌స్టార్‌లో 24 గంటలు ప్రసారం చేయనున్నారు. ఫిబ్రవరి 20వ తేదీన ఈ షో ప్రారంభం కావాల్సి ఉంది. కానీ ప్రస్తుతం కరోనా పరిస్థితుల దృష్ట్యా కాస్త ఆలస్యంగా మొదలు కావొచ్చనే టాక్ వినిపిస్తోంది. 15 మంది కంటెస్టెంట్లతో ఈ షో 82 రోజుల పాటు సాగనుందని తెలుస్తోంది.
from Telugu Movie News | Movie News in Telugu | Movie Gossips in Telugu https://ift.tt/3KmRdUc
No comments:
Post a Comment