వివాదాస్ప‌ద ద‌ర్శ‌కుడు రామ్ గోపాల్ వ‌ర్మ గురించి ప్ర‌త్యేక‌మైన ప‌రిచ‌యం అక్క‌ర్లేదు. త‌న మాట‌లైన, ట్వీట్స్ అయినా డిఫ‌రెంట్‌గా ఉంటాయి. అవి ఎదుటి వారిని బాధ‌పెడుతున్నాయా? లేవా? అని ఆయ‌న ఎప్పుడూ ఆలోచించ‌రు. త‌న మ‌న‌సులో అనుకున్న విష‌యాన్ని ఓపెన్‌గా చెప్ప‌య‌డానికి ఇష్ట‌ప‌డ‌తారు. సినిమా టికెట్ రేట్స్‌ను ప్ర‌భుత్వం త‌గ్గించ‌డం గురించి ఏపీ ప్ర‌భుత్వ పెద్ద‌ల‌ను ట్విట్ట‌ర్, యూ ట్యూబ్ వేదిక‌గా వ‌ర్మ విమ‌ర్శించిన తీరు అందరికీ గుర్తుండే ఉంటుంది. ఈ నేప‌థ్యంలో కాంట్ర‌వ‌ర్సియ‌ల్ డైరెక్ట‌ర్ గురించి టాలీవుడ్ అగ్ర క‌థానాయ‌కుడు నాగార్జున రీసెంట్‌గా బాలీవుడ్ మీడియాకి ఇచ్చిన ఇంట‌ర్వ్యూలో ఆస‌క్తిక‌ర‌మైన విష‌యాన్ని తెలియ‌జేశారు. ‘‘నా కెరీర్‌లో శివ సినిమాను నేను ఎప్ప‌టికీ మ‌ర‌చిపోలేను. చైత‌న్య‌కు కూడా త‌న కంఫ‌ర్ట్ జోన్ నుంచి బ‌య‌ట‌కు వ‌చ్చి సినిమాలు చేయాల‌ని చెబుతుంటాను’’ అన్నారు. వ‌ర్మ‌కు ఏదైనా మేసేజ్ ఇవ్వాల‌నుకుంటే ఏం చెబుతారు? అని ప్ర‌శ్నిస్తే.. ‘మీరు ఏం చేసినా ఇంకా రాకింగ్ అని చెబుతాను. టీవీ, ట్విట్ట‌ర్ ఏదైనా స‌రే! త‌ను రాక్ చేస్తూనే ఉన్నాడు. సినిమాలైనా, ట్విట్ట‌ర్ అయినా గొడ‌వ గొడ‌వ చేస్తుంటాడు. అది కూడా త‌న‌దైన స్టైల్లో రాకింగ్ చేస్తున్నాడు’’ అన్నారు నాగార్జున. రీసెంట్‌గా నాగ చైతన్య న‌టించిన ‘బంగార్రాజు’ కాకుండా మీకు న‌చ్చిన సినిమా ఏది? అని అడిగితే వెంట‌నే ‘లవ్ స్టోరి’ సినిమా నచ్చిందని అన్నారు నాగ్. చైతన్య యాక్టర్‌గా స్టెప్ బై స్టెప్ ఎదుగుతున్నారంటూ ఆయ‌న త‌న సంతోషాన్ని వ్య‌క్తం చేశారు. సినిమా మేకింగ్‌లో త‌ను టీమ్ వ‌ర్క్‌ను ఇష్ట‌ప‌డ‌తాన‌ని నాగార్జున చెప్పుకొచ్చారు. ప్ర‌స్తుతం నాగార్జున ప్ర‌వీణ్ స‌త్తారు ద‌ర్శ‌క‌త్వంలో రూపొందుతోన్న యాక్ష‌న్ మూవీ ది ఘోస్ట్ ను పూర్తి చేసే పనిలో ఉన్నారు. స‌ద‌రు సినిమా కొత్త షెడ్యూల్ త్వ‌ర‌లోనే ప్రారంభం కానుంది. నాగార్జున కెరీర్ టర్నింగ్ పాయింట్ మూవీ శివ‌ను తెర‌కెక్కించింది రామ్ గోపాల్ వ‌ర్మ. అప్ప‌టి నుంచి వారి మ‌ధ్య అనుబంధం కొన‌సాగుతోంది. వ‌ర్మ గురించి బాగా తెలిసిన వ్య‌క్తిగా నాగార్జున స‌ర‌దాగా త‌న మ‌న‌సులోని మాట‌ల‌ను బ‌య‌ట పెట్టారు. నాగార్జున హీరోగా చేసిన సొగ్గాడే చిన్ని నాయనా సినిమాకు సీక్వెల్‌గా బంగార్రాజు మూవీ రూపొందింది. ఇందులో నాగార్జున మనవడి పాత్రలో నాగ చైతన్య నటించారు. కృతి శెట్టి హీరోయిన్.
from Telugu Movie News | Movie News in Telugu | Movie Gossips in Telugu https://ift.tt/3qwGjTO
No comments:
Post a Comment