ఆ రోజు నువ్వు చెప్పిన మాట ఇంకా గుర్తుంది.. విరాట్ కోహ్లీ నిర్ణయంపై అనుష్క శర్మ ఎమోషనల్‌ పోస్ట్‌

భారత క్రికెట్ జట్టు సారధ్య బాధ్యతలను వదిలేస్తూ అనూహ్య నిర్ణయం తీసుకున్న సంగతి తెలిసిందే. టెస్టు కెప్టెన్సీకి ఆయన గుడ్ బై చెప్పేశారు. 2014 సంవత్సరంలో టీమిండియా టెస్టు పగ్గాలు కోహ్లీ చేతికి రాగా.. 2022 జనవరిలో ఆ బాధ్యతల నుంచి వైదొలిగారు. గతేడాది అక్టోబరులో ముగిసిన టీ20 వరల్డ్‌కప్‌తో T- 20 కెప్టెన్సీ నుంచి విరాట్ కోహ్లీ వైదొలగగా.. ఆ తర్వాత నెల రోజుల్లోనే వన్డే కెప్టెన్సీ నుంచి తప్పుకున్నారు. తాజాగా టెస్టు కెప్టెన్సీ నుంచి వైదొలగడంతో ఇకపై విరాట్ కోహ్లీ మూడు ఫార్మాట్లలోనూ కేవలం బ్యాట్స్‌మెన్‌గా మాత్రమే కొనసాగనున్నాడు. కాగా, టెస్టు కెప్టెన్సీకి గుడ్ బై చెబుతూ విరాట్ తీసుకున్న నిర్ణయంతో క్రీడాభిమానులు ఒకింత ఆశ్చర్యపోయారు. కోహ్లీ ప్రకటనతో ఒక గొప్ప అధ్యాయానికి ముగింపు పలికినట్లయింది. అయితే విరాట్ తీసుకున్న ఈ డిసీజన్‌పై ఆయన విరాట్‌ భార్య, బాలీవుడ్‌ హీరోయిన్‌ తన ఇన్‌స్టా గ్రామ్‌లో పోస్ట్ పెడుతూ ఎమోషనల్‌గా రియాక్ట్ అయ్యారు. ''2014 సంవత్సరంలో టెస్టు క్రికెట్‌ నుంచి ఎంఎస్‌ ధోని రిటైర్‌ కాబోతున్నారని.. నిన్ను భారత జట్టు తదుపరి కెప్టెన్‌గా ఎంపిక చేశారని నువ్వు చెప్పిన క్షణం నాకింకా గుర్తుంది. ఆ తర్వాత ధోనీ, నువ్వు, నేను చాట్ చేసుకున్న విషయాన్ని కూడా మరువలేదు. మీ గడ్డం త్వరగా నెరిసిపోతుందని ధోనీ సరదాగా అనడంతో మనం బాగా నవ్వుకున్నాం. అప్పటి నుంచి నీ గడ్డం నెరిసిపోవడమే కాదు నీ వృద్ధిని చూశా. టీమిండియా కెప్టెన్‌గా నువ్వు సాధించిపెట్టిన విజయాలు, నీ ఇంప్రూవ్మెంట్ పట్ల చాలా గ్వరపడుతున్నా. దేన్ని నమ్మినా దానికి కట్టుబడి ఉండే గుణం నీది. నువ్వు, నా ప్రేమ అపరిమితమైనవి. తండ్రి చేసిన ఈ 7 ఏళ్ల మన ప్రయాణం చూసి కూతురు చాలా నేర్చుకుంటుంది'' అని పేర్కొంది. దీంతో అనుష్క చేసిన ఈ పోస్ట్ నెట్టింట వైరల్ అవుతోంది. సినీ, క్రీడాభిమానులు పెద్ద ఎత్తున లైకుల వర్షం కురిపిస్తున్నారు. అనుష్క శర్మ- విరాట్ కోహ్లీ వ్యక్తిగతం గానే కాదు వృత్తిపరంగా కూడా పరస్పరం సపోర్ట్ చేసుకుంటూ ఉంటారు. ఇద్దరివీ వేర్వేరు రంగాలైనా ఒకరి వృత్తిని మరొకరు గౌరవిస్తుంటారు. ప్రేమ వివాహంతో ఒక్కటైన ఈ జోడీ వీలుకుదిరిన ప్రతిసారి టూర్స్ వేస్తూ ఎంజాయ్ చేయడం చూశాం.

from Telugu Movie News | Movie News in Telugu | Movie Gossips in Telugu https://ift.tt/3Ie2gwW