మెగా, నందమూరి అభిమానులకు రేపు (డిసెంబర్ 9) పండుగ రోజు అవుతుంది. ఎందుకంటే రాజమౌళి తమ అభిమాన హీరోలను ఎవ్వరూ ఊహించని రీతిలో చూపించబోతోన్నాడు. అల్లూరి సీతారామరాజుగా , కొమరం భీంగా ఎన్టీఆర్‌ను పీక్స్‌లో చూపించేందుకు రాజమౌళి రెడీ అయ్యాడు. ఇక సినిమా ట్రైలర్ కోసం దేశం మొత్తం ఎంతో ఆసక్తిగా ఎదురుచూస్తోంది. అయితే తన సినిమాను ఎలా ప్రమోట్ చేసుకోవాలో రాజమౌళికి బాగానే తెలుసు. అందుకే ట్రైలర్ విషయంలో మంచి ప్లాన్ వేశాడు. ట్రైలర్‌ను మొదటగా థియేటర్లో పది గంటలకు విడుదల చేస్తాడట. ఆ తరువాత సాయంత్రం నాలుగు గంటలకు యూట్యూబ్‌లో వదులుతాడట. అంటే రేపు ఆర్ఆర్ఆర్ ట్రైలర్‌లతో రెండు తెలుగు రాష్ట్రాల్లోని థియేటర్లు మాత్రమే కాకుండా.. దేశంలోని అన్ని థియేటర్లు మార్మోగనున్నాయి. అంటే ఈ లెక్కన ఉదయం పది గంటలకే ఆర్ఆర్ఆర్ రచ్చ మొదలవుతుంది. థియేటర్లో ట్రైలర్ అంటే.. ఫోన్‌లోనే అందరూ రికార్డ్ చేసి బయటకు లీక్ చేసి పాడేస్తారు. కానీ అవి అంతగా క్వాలిటీతో ఉండవు. కానీ అలా బయటకు వచ్చిన వీడియోలు, ఫోటోలు, స్క్రీన్ షాట్లతో సాయంత్రం నాలుగు గంటల వరకు ఆర్ఆర్ఆర్ మాత్రం ట్రెండింగ్‌లోనే ఉంటుంది. బహుశా రాజమౌళి వేసిన ప్లాన్ ఇదే కావచ్చు. కానీ ఈ స్ట్రాటజీ హృదయ కాలెయం డైరెక్టర్ మెగా అభిమాని అయిన సాయి రాజేష్‌కు నచ్చలేదట. ఈ నిర్ణయంతో ఎంతో నిరాశచెందాను అని చెప్పుకొచ్చాడు. దీని వల్ల ఏం ఉపయోగం, సౌండ్, విజువల్స్ ఇలా అన్నీ కూడా బ్యాడ్ క్వాలిటీతో కచ్చితంగా మొబైల్‌లో రికార్డెడ్ వీడియోస్ చూసేస్తాం.. ఎగ్జైట్మెంట్ ఆపుకోలేం అని ట్వీట్ వేశాడు. ప్రస్తుతం ఈ ట్వీట్ వైరల్ అవుతోంది.
from Telugu Movie News | Movie News in Telugu | Movie Gossips in Telugu https://ift.tt/3DvmH5W
No comments:
Post a Comment