బిగ్ బాస్ నాలుగో సీజన్‌తొ మోనాల్ జంట బాగా ఫేమస్ అయింది. ఈ సీజన్ మొత్తం కూడా ఈ ట్రాక్ చుట్టే తిరిగింది. మోనాల్ కేంద్రంగానే నాల్గో సీజన్ జరిగింది. గొడవలు, ప్రేమలు, స్నేహాలు, అపార్థాలు అన్నీ కూడా మోనాల్ కేంద్రంగానే జరిగాయి. అలా మోనాల్ మొత్తానికి సెంటరాఫ్ అట్రాక్షన్‌గా నిలిచారు. ఎప్పుడో ఎలిమినేట్ కావాల్సిన మోనాల్‌ను చివరి వరకు పట్టుకొచ్చారని ఆమెను బిగ్ బాస్ దత్త పుత్రికను చేసేశారు నెటిజన్స్. బిగ్ బాస్ షో చివరి వారాల్లోనే మోనాల్ ఆటను సీరియస్‌గా తీసుకుని ఆడటం మొదలుపెట్టారు. అంతకుముందు అంతా కూడా అఖిల్‌తో ట్రాకు నడపటం, లేదంటే అభిజిత్‌తో ముచ్చట్లు పెట్టడం ఈ ఇద్దరూ దూరంగా ఉంటే అవినాష్‌తో ట్రాక్ నడపడం వంటి చేస్తూ కాలం వెళ్లదీసుకుంటూ వచ్చారు. అలా మొత్తానికి మోనాల్ మాత్రం జనాల దృష్టిని ఆకర్షించారు. అందుకోసం వింత వింత దుస్తులను కూడా ధరించేవారు. వీకెండ్ వస్తే చాలు మోనాల్ అందాల ఆరబోత ఓ రేంజ్‌లో ఉండేది. ఇక మోనాల్ అఖిల్ ట్రాక్ గురించి ఎంత చెప్పినా తక్కువే అవుతుంది. అది ప్రేమా? స్నేహమా? అన్నది ఎవ్వరికీ అంతు పట్టదు. బిగ్ బాస్ ఇంటి నుంచి బయటకు వచ్చిన మోనాల్.. అఖిల్ గెలవాలని తీవ్రంగా శ్రమించారు. అభిజిత్ గెలుస్తాడని తెలిసినా కూడా అఖిల్ కోసం బాగానే శ్రమించారు. కానీ చివరకు మోనాల్ ఆశలు గల్లంతయ్యాయి. అభిజిత్ విజేతగా నిలిచారు. బిగ్ బాస్ షో అయ్యాక అఖిల్- మోనాల్ మధ్య మరింత బంధం ఏర్పడింది. బుల్లితెరపై వచ్చే ఇతర షోలు, స్పెషల్ ఈవెంట్లలో ఈ ఇద్దరి ట్రాకును బాగానే ప్రమోట్ చేస్తున్నారు. అంతేకాకుండా ఈ ఇద్దరిని మెయిన్ లీడ్‌గా పెట్టి ఓ వెబ్ సిరీస్‌ను కూడా ప్లాన్ చేసేశారు. అయితే ఈ ఇద్దరూ రోజూ వీడియో కాల్స్ మాట్లాడుకుంటారన్న సంగతి తెలిసిందే. అయితే నిన్న కూడా ఈ ఇద్దరూ వీడియో కాల్ మాట్లాడుకున్నారు. మా సంతోషం ఇలా ఉందంటూ.. లవ్ సింబల్‌ను పెట్టేశాడు అఖిల్. ఆ తరువాత మరో కామెంట్ చేశాడు. ప్రేమ క్యాన్సర్ వంటిది.. అది మరిచిపోయినట్టు చేస్తుంది.. చివరకు ప్రాణాలను తీసుకెళ్లిపోతోంది అంటూ వేధాంత ధోరణిలో మాట్లాడేశారు. అయితే అఖిల్‌కు ఏమై ఉంటుందా? అని నెటిజన్లు కామెంట్లు పెడుతున్నారు.
from Telugu Movie News | Movie News in Telugu | Movie Gossips in Telugu https://ift.tt/3m7lr21
No comments:
Post a Comment