జీవితా రాజశేఖర్‌పై దాడి.. నాపై లైంగిక ఆరోపణలు చేయించిన బన్నీ వాసుకి నా అభినందనలు: కత్తి మహేష్ షాకింగ్ పోస్ట్

జూన్ 11న (నిన్న) మెగా ప్రొడ్యుసర్, గీతా ఆర్ట్స్ బ్యానర్‌లో కీలకవ్యక్తి బర్త్ డే కావడంతో పుట్టినరోజు శుభాకాంక్షలు తెలియజేస్తూ ఆయన మిత్రుడు అల్లు అర్జున్ సర్ ప్రైజ్ గిఫ్ట్ ఇచ్చిన విషయం తెలిసిందే. స్వయంగా ముంబై వెళ్లి మరీ బన్నీ వాసుకి విషెష్ అందించారు అల్లు అర్జున్. అయితే ఈ పుట్టినరోజు సంబరాల్లోనుంచి తేలుకోకముందే ఆయనపై ఓ జూనియర్ ఆర్టిస్ట్ తీవ్ర ఆరోపణలు చేసిన వీడియో వైరల్ అవుతుండగా.. తాజాగా సంచలన పోస్ట్ పెట్టారు. ‘అప్పట్లో ప్రజారాజ్యం సమయంలో హీరో జీవితారాజశేఖర్ దంపతుల మీద దాడి చేయించింది. జనసేన హయాంలో నా మీద ఒక మహిళతో తప్పుడు ఆరోపణలు చేయించింది.. ప్రముఖ నిర్మాత బన్నీ వాసుగారని తెలిసింది. అందులో ఎంత నిజం ఉందో వారి మనస్సాక్షికే తెలియాలి. వారికి నా అభినందనలు. ధన్యవాదాలు’ అంటూ ఫేస్ బుక్‌లో పోస్ట్ పెట్టారు కత్తి మహేష్. 2008.. చిరంజీవి ప్రజారాజ్యం పార్టీ స్థాపన టైంలో.. చిరుకు రాజకీయానుభవం లేదని జీవితా రాజశేఖర్‌లు తీవ్రంగా విమర్శిచారు. దీనిపై చిరంజీవి అభిమానులు తీవ్రంగా ఆగ్రహించి రాజశేఖర్ ప్రయాణిస్తున్న కారుపై దాడి చేశారు. ఈ దాడిలో రాజశేఖర్ కూతురు శివాని గాయపడింది. రాజశేఖర్, జీవిత దంపతులతో పాటు పిల్లలు కూడా ఆ దాడి జరిగిన సమయంలో ఉన్నారు. దీంతో వారిపై కేసు పెట్టారు జీవితా రాజశేఖర్ దంపతులు. అయితే.. 2008 జనవరిలో తమపై చిరంజీవి ఫ్యాన్స్ దాడి చేశారంటూ పెట్టిన కేసును జీవిత - రాజశేఖర్‌లు 2013 మార్చి 7న వాపస్ తీసుకున్నారు. తమపై దాడి చేసిన వ్యక్తులను గుర్తుపట్టలేకపోతున్నామంటూ కోర్టు ముందు చెప్పి కేసును వెనక్కి తీసుకున్నారు. దీంతో ఈ కేసును కోర్టు కొట్టివేసింది. ఆ తరువాత చిరంజీవి ఫ్యాన్స్‌తో జీవితా రాజశేఖర్‌లకు ఉన్న గొడవ సద్దుమణిగింది. ఇక కత్తి మహేష్‌పై లైంగిక ఆరోపణల విషయానికి వస్తే.. 2018లో టాలీవుడ్ క్యాస్టింగ్ కౌచ్ ఉద్యమం ఉదృతంగా ఉన్న టైంలో కత్తి మహేష్.. ఓ టీవీ ఛానల్‌ డిబేట్‌లో పాల్గొనగా.. సునీత బోయ అనే క్యారెక్టర్ ఆర్టిస్ట్ అదే చర్చలో పాల్గొని కత్తి మహష్‌పై లైంగిక ఆరోపణలు చేసింది. తనను మహేష్ కత్తి ఇంటికి పిలిపించుకుని మరీ బలవంతం చేశాడని బాంబ్ పేల్చింది. కత్తి మహేష్ తనకు ఫేస్ బుక్ ద్వారా పరిచయం అయ్యాడని, ఆ తర్వాత బిగ్ బాస్ షోలో కనిపించడంతో పాటు.. ఓ టీవీ ప్రోగ్రామ్ కోసం అతనితో మాట్లాడటానికి వెళ్లానని ఆ సమయంలో నన్ను బలత్కారం చేశాడని.. అడ్డుకోబేతే నన్ను కొట్టి తన కామవాంఛ తీర్చుకున్నాడు. ఆ తరువాత తర్వాత బస్ టికెట్‌కి రూ.500 ఇచ్చి పంపించాడు. ఈ విషయాన్ని ఎవరితోనైనా చెప్తే చంపేస్తా అంటూ బెదిరించాడని కత్తిపై సంచలన ఆరోపణలు చేసింది సునీత. మొత్తానికి ఈ రెండు ఇష్యూలు జరిగి చాలా ఏళ్లైంది. అయితే ఈ రెండింటిలోనూ నిర్మాత బన్నీ వాసు హస్తం ఉందంటూ కత్తి మహేష్ పోస్ట్ పెట్టడం హాట్ టాపిక్ అవుతోంది. అయితే ఏ అమ్మాయితో అయితే తనపై బన్నీవాసు తప్పుడు ఆరోపణలు చేయించారని కత్తి మహేష్ అంటున్నారో... అదే అమ్మాయి సునీత బోయ.. గత కొంతకాలంగా నిర్మాత బన్నీ వాసుపై తీవ్ర ఆరోపణలు చేస్తున్న విషయం తెలిసిందే.

from Telugu Movie News | Movie News in Telugu | Movie Gossips in Telugu https://ift.tt/2Tjjghk