'శ్యామ్ సింగ రాయ్' దర్శకుడితో ఓ సినిమా చేయబోతున్నాడా? అంటే..అవుననే సమాధానం ఫిల్మ్ సర్కిల్స్‌లో వినిపిస్తోంది. ‘టాక్సీవాలా’ సినిమాతో బాగా గుర్తింపు తెచ్చుకున్న యంగ్ డైరెక్టర్ రాహుల్ సాంకృత్యన్ ఇటీవల నేచురల్ స్టార్ నాని హీరోగా ‘శ్యామ్ సింగ రాయ్’ చిత్రాన్ని రూపొందించాడు. ఈ సినిమా గత ఏడాది డిసెంబర్‌లో వచ్చి విమర్శకుల ప్రశంసలు అందుకుంది. ఇందులో నానిని రెండు విభిన్నమైన పాత్రలో చూపించి అందరి నుంచి ప్రశంసలు దక్కించుకున్నాడు. ఇలా రెండు సినిమాలతో హిట్స్ అందుకున్న రాహుల్ దర్శకత్వంలో నటించేందుకు యంగ్ హీరోలు ఆసక్తి చూపిస్తున్నారు. ఆ మధ్య పవన్ కళ్యాణ్ హీరోగా రాహుల్ ఓ సినిమా చేస్తాడని సోషల్ మీడియాలో వార్తలు వచ్చాయి. అయితే, తాజా సమాచారం ప్రకారం అక్కినేని నాగ చైతన్యతో ఈ దర్శకుడు సినిమా చేయనున్నట్టు తెలుస్తోంది. దీనిని ప్రముఖ నిర్మాణ సంస్థ మైత్రీ మూవీ మేకర్స్ నిర్మించనుందని సమాచారం. మైత్రీ సంస్థలో ఇప్పటికే పలు భారీ సినిమాలు నిర్మితమవుతున్నాయి. ఇటీవల అల్లు అర్జున్, సుకుమార్ కాంబినేషన్‌లో మైత్రీ వారు నిర్మించిన పుష్ప: ది రైజ్ పార్ట్ 1 పాన్ ఇండియా స్థాయిలో భారీ సక్సెస్ అందుకుంది. విడుదలైన అన్నీ భాషలలో దాదాపు రూ.380 కోట్ల వరకు వసూళ్ళు రాబట్టింది. నిర్మాతలకి మొదటి పాన్ ఇండియన్ సక్సెస్ ఇది. ఇప్పుడు పుష్ప సీక్వెల్, పవన్ కళ్యాణ్, హరీశ్ శంకర్ సినిమా, మెగాస్టార్ సినిమాలతో పాటు కొన్ని మీడియం బడ్జెట్ చిత్రాలను నిర్మిస్తోంది మైత్రీ మూవీ మేకర్స్ సంస్థ. ఈ క్రమంలోనే నాగ చైతన్య - రాహుల్ సాంకృత్యన్ కాంబినేషన్‌లోనూ ఓ సినిమా నిర్మాణానికి సన్నాహాలు జరుగుతున్నాయట. దాదాపు ప్రాజెక్ట్ కన్‌ఫర్మ్ అయిందని అతి త్వరలోనే దీనిని అధికారికంగా మేకర్స్ ప్రకటించనున్నట్టు విశ్వసనీయ వర్గాల ద్వారా అందుకున్న సమాచారం. ఇక నాగ చైతన్య నటించిన థాంక్యూ, బాలీవుడ్ డెబ్యూ మూవీ లాల్ సింగ్ చద్దా రిలీజ్‌కు రెడీ అవుతున్నాయి. ఈ క్రమంలో కొత్త ప్రాజెక్ట్స్‌ను లైనప్ చేసుకుంటున్నాడు చైతు.
from Telugu Movie News | Movie News in Telugu | Movie Gossips in Telugu https://ift.tt/4Rfugv5
No comments:
Post a Comment