ఇప్పుడు తెలుగు సినిమా రేంజ్ పెరిగింది. ఎంటైర్ సినీ ఇండ‌స్ట్రీ ఇప్పుడు తెలుగు సినిమాను ఆస‌క్తిక‌రంగా గ‌మ‌నిస్తుంది. ముఖ్యంగా మ‌న స్టార్ హీరోలు బాలీవుడ్ మార్కెట్‌ను టార్గెట్ చేశారు. అప్ప‌టికే యూ ట్యూబ్‌లో మ‌న తెలుగు సినిమాలకు చెందిన హిందీ వెర్ష‌న్స్ మిలియ‌న్ వ్యూస్‌ను ద‌క్కించుకుంటూ వ‌చ్చాయి. అయితే బాహుబ‌లి త‌ర్వాత మ‌న మేక‌ర్స్ ఆలోచ‌న మారిపోయింది. స్టార్స్ త‌మ సినిమాల‌ను ద‌క్షిణాది భాష‌ల‌తో పాటు హిందీలోనూ విడుద‌ల చేయ‌డానికి ప్రయత్నాలు చేస్తున్నారు. అలాగే ప్ర‌య‌త్నించిన వారిలో మెగాస్టార్ ఒక‌రు. అప్పుడెప్పుడో బాలీవుడ్ ప్రయత్నాలు చేసినా వ‌ర్క‌వుట్ కాక‌పోవ‌డంతో మానుకున్న మెగాస్టార్ చిరంజీవి. ఈ మ‌ధ్య కాలంలో సైరా న‌ర‌సింహారెడ్డితో ఓ ట్ర‌య‌ల్ చేశారు. అది కూడా వ‌ర్క‌వుట్ కాలేదు. అయినా ఇప్పుడు మ‌రోమారు ఈ సీనియ‌ర్ స్టార్ హీరో బాలీవుడ్ మార్కెట్‌పై దండ‌యాత్ర చేయ‌డానికి రెడీ అవుతున్నారు. ఇంత‌కీ ఏ సినిమా అని అనుకుంటున్నారా? ‘’. చిరంజీవి టైటిల్ పాత్ర‌లో న‌టించిన ఈ చిత్రానికి కొర‌టాల శివ ద‌ర్శ‌కుడు. మాస్ క‌మ‌ర్షియ‌ల్ మూవీ కావ‌డంతో పాటు ఈ చిత్రంలో RRR హీరో రామ్ చ‌ర‌ణ్ కూడా ఉండ‌టం క‌లిసొచ్చే అంశం. ఈ మ‌ధ్య కాలంలో మాస్, హీరోయిజం, యాక్ష‌న్ సినిమాల‌ను బాలీవుడ్ ప్రేక్ష‌కులు ఓ రేంజ్‌లో ఆద‌రిస్తున్నార‌నే చెప్పాలి. అందుకు రీసెంట్‌గా విడుద‌లైన పుష్ప ది రైజ్ కూడా ఓ ఉదాహ‌ర‌ణ‌గా నిలిచింది. ఇప్పుడు అలాంటి ఎలిమెంట్స్ ఉన్న ఆచార్య‌తో మెగాస్టార్ చిరంజీవి మ‌రోసారి బాలీవుడ్‌లో త‌న అదృష్టాన్ని ప‌రీక్షించుకోనున్నారు. ప్ర‌ముఖ బాలీవుడ్ నిర్మాణ పెన్ స్టూడియోస్ ఆచార్య చిత్రాన్ని బాలీవుడ్‌లో విడుద‌ల చేయ‌నుంది. ఈ చిత్రం ఏప్రిల్ 29న విడుద‌ల‌వుతుంది. తెలుగు, హిందీల్లోనే విడుద‌ల‌వుతుందా? లేక త‌మిళం, మ‌ల‌యాళ భాష‌ల్లోనూ విడుద‌ల‌వుతుందా? అనేది తెలియాలంటే మ‌రి కొన్ని రోజులు ఆగాల్సిందే. చిరంజీవి, చ‌ర‌ణ్ హీరోలుగా న‌టించిన ఈ చిత్రంలో కాజ‌ల్ అగ‌ర్వాల్‌, పూజా హెగ్డే హీరోయిన్స్‌. దేవాదాయ భూములు అన్యాక్రాంతం, న‌క్స‌లిజం బ్యాక్ డ్రాప్ వంటి అంశాల‌తో ఈ చిత్రాన్ని రూపొందించారు కొర‌టాల శివ. బాలీవుడ్‌లో ఆచార్య సినిమా పెద్ద హిట్ట‌యితే మెగా ఫ్యాన్స్ ఆనందానికి అవ‌ధులు ఉండ‌వు. మ‌రి వారి కోరిక నేరుతుందా... అని తెలుసుకోవాలంటే వెయిటింగ్ త‌ప్ప‌దు మ‌రి.
from Telugu Movie News | Movie News in Telugu | Movie Gossips in Telugu https://ift.tt/uShxAst
No comments:
Post a Comment