ఆశ్చర్యపరుస్తున్న 'సలార్' బడ్జెట్ లెక్కలు.. తగ్గేదే లేదంటున్న మేకర్స్!!

భారీ బడ్జెట్ సినిమాలకు కేరాఫ్ అడ్రస్ అవుతున్నారు యంగ్ రెబల్ స్టార్ . బాహుబలి సినిమాతో పాన్ ఇండియా స్టార్‌గా ఎదిగిన ఆయనతో బిగ్గెస్ట్ సినిమాలు రూపొందించేందుకు ఇంట్రెస్ట్ చూపుతున్నారు దర్శకనిర్మాతలు. ఈ క్రమంలోనే వరుసపెట్టి పాన్ ఇండియా మూవీస్ లైన్‌లో పెట్టారు ప్రభాస్. అందులో ఒకటే 'సలార్'. తాజాగా ఈ సినిమా గురించిన ఓ విషయం నెట్టింట వైరల్ అవుతోంది. కేజీఎఫ్ ఫేమ్ దర్శకత్వంలో భారీ బడ్జెట్ కేటాయించి ఎంతో ప్రతిష్టాత్మకంగా ఈ సలార్ సినిమాను రూపొందిస్తోంది హోంబలే ఫిల్మ్స్‌ సంస్థ. హై వోల్టేజ్ యాక్షన్ సన్నివేశాల కోసం పెద్ద మొత్తంలో ఖర్చు పెడుతున్నారు. గతంలో ఏ సినిమాలోనూ చూడని విధంగా సలార్ సన్నివేశాలుండాలని భావిస్తున్న మేకర్స్.. బడ్జెట్ విషయంలో ఎక్కడా వెనక్కి తగ్గడం లేదు. దీంతో మొదట అనుకున్నదాని కంటే బడ్జెట్ విపరీతంగా పెరిగిపోతోందట. అయినప్పటికీ సినిమాపై ఉన్న నమ్మకంతో ముందడుగేస్తున్నారట నిర్మాతలు. మొత్తంగా చూస్తే 250 కోట్లకు పైగానే ఈ సినిమా కోసం ఖర్చు పెడుతున్నారని తెలుస్తోంది. మరోవైపు ఈ సినిమాను రెండు భాగాలుగా తెరకెక్కించబోతున్నారని తెలుస్తుండటం ఆసక్తికరంగా మారింది. భారీ యాక్షన్‌ ఎంటర్‌టైనర్‌గా తెరకెక్కుతున్న ఈ సినిమాలో ప్రభాస్ సరసన శృతి హాసన్ హీరోయిన్‌గా నటిస్తోంది. జగపతి బాబు కీలక పాత్ర పోషిస్తున్నారు. అలాగే ఈ చిత్రంలో భారీ కాస్టింగ్ ఉండేలా నటీనటుల విషయంలో ప్రత్యేకంగా కేర్ తీసుకున్న డైరెక్టర్ ప్రశాంత్ నీల్.. కేజీఎఫ్ హీరోయిన్ శ్రీనిధి శెట్టితో ఓ స్పెషల్ సాంగ్ ప్లాన్ చేశారని సమాచారం. ఏప్రిల్ 14న ఈ చిత్రాన్ని విడుద‌ల చేయ‌బోతున్న‌ట్లు చిత్ర యూనిట్ ఇప్పటికే ప్రకటించేసింది. ఈ మూవీపై ప్రభాస్ ఫ్యాన్స్ బోలెడన్ని అంచనాలు పెట్టుకున్నారు. ఇకపోతే ప్రభాస్ లేటెస్ట్ మూవీ 'రాధే శ్యామ్' షూటింగ్ ఫినిష్ చేసుకొని విడుదలకు సిద్ధంగా ఉంది.

from Telugu Movie News | Movie News in Telugu | Movie Gossips in Telugu https://ift.tt/huBKs8m