అజిత్ కుమార్ ‘వలిమై’ ట్విట్టర్ రివ్యూ

కోలీవుడ్ అగ్ర క‌థానాయ‌కుడు అజిత్ కుమార్ హీరోగా న‌టించిన చిత్రం ‘వలిమై’. హెచ్‌.వినోద్ ద‌ర్శ‌కుడు. జీ స్టూడియోస్‌తో క‌లిసి బే వ్యూ ప్రాజెక్ట్స్‌పై బోనీ క‌పూర్ ఈ చిత్రాన్ని నిర్మించారు. యాక్ష‌న్ ఎంట‌ర్‌టైన‌ర్‌. టాలీవుడ్ హీరో కార్తికేయ ఇందులో విల‌న్‌గా న‌టించటం విశేషం. హ్యుమా ఖురేషి కీల‌క పాత్ర‌ను పోషించింది. వ‌లిమై సినిమా ట్రైల‌ర్‌, టీజీర్‌ల‌ను గ‌మ‌నిస్తే.. బైక్ రేసింగ్స్ చేసే ఓ ముఠా చేసే అరాచ‌కాలు, దాన్ని అడ్డుకోవ‌డానికి ఓ పోలీస్ ఆఫీస‌ర్ ప‌డే క‌ష్టం ఏంటి అనేదే సినిమా అని తెలుస్తుంది. ఇందులో ముఠా నాయ‌కుడిగా కార్తికేయ క‌నిపిస్తే.. పోలీస్ ఆఫీస‌ర్‌గా అజిత్ క‌నిపించారు. ట్రైల‌ర్‌లో చూపించిన యాక్ష‌న్ స‌న్నివేశాల‌ను చూస్తే వామ్మో అనుకోవాల్సిందే. అంత గొప్ప‌గా చిత్రీక‌రించారు. కేవ‌లం యాక్ష‌న్ ఎలిమెంట్స్‌తో పాటు మ‌ద‌ర్ సెంటిమెంట్ కూడా సినిమాలో ప్ర‌ధాన క‌థాంశం. తొలిసారి అజిత్ సినిమాను తెలుగు, త‌మిళం, హిందీల్లో ఒకేసారి విడుద‌ల చేస్తున్నారు. అంటే పాన్ ఇండియా మూవీ అన్న‌మాట‌. ఇక అజిత్ కుమార్‌కు ఉండే క్రేజ్ గురించి ప్ర‌త్యేకంగా చెప్ప‌న‌క్క‌ర్లేదు. అస‌లు వ‌లిమై సినిమా గురించి ట్విట్ట‌ర్‌లో ఎలాంటి చ‌ర్చ జ‌రుగుతుందో చూద్దాం.. వలిమై ప్రీమియ‌ర్ షోస్ చాలా చోట్ల స్టార్ట్ అయ్యాయి. అభిమానుల హంగామా మామూలుగా లేదు. రచ్చ ర‌చ్చ చేసేస్తున్నారు. బోనీ క‌పూర్‌, హ్యుమా ఖురేషి, కార్తీకేయ రోహిణి థియేట‌ర్‌లో ప్రీమియ‌ర్ షోను వీక్షించారు. ఫేక్ రివ్యూస్‌ను న‌మ్మ‌కండి.. వ‌లిమై కోసం అజిత్ వంద శాతం ఎఫర్ట్ పెట్టి వ‌ర్క్ చేశారు. సినిమా అద్భుతంగా ఉంది. ద‌ర్శ‌కుడు వినోద్ త‌న‌దైన శైలిలో సినిమాను తెర‌కెక్కించారు అని అంటున్నారు. వావ్‌.. మ‌రో రేంజ్ సినిమా. అద్భుత‌మైన డీటెయిలింగ్స్‌తో వినోద్ సినిమాను తెర‌కెక్కించారు. ఇండియ‌న్ సినిమాస్‌లో ది బెస్ట్ అని అంటున్నారు. నో డౌట్ సినిమా బ్లాక్ బ‌స్ట‌ర్ అని అంటున్నారు. అజిత్ కుమార్ చేసిన యాక్షన్ ఎలిమెంట్స్ గురించి, హీరో ఎలివేషన్ గురించి అప్రిషియేట్ చేస్తున్నారు. సినిమాపై నెగ‌టివ్ రివ్యూస్, కామెంట్స్ వినిపిస్తున్నాయి. డైరెక్ట‌ర్ వినోద్ స్క్రీన్ ప్లే గొప్ప‌గా లేదని, ఫ్యాన్స్‌ను మెప్పించే సీన్స్ లేవ‌ని అంటున్నారు. అలాగే సినిమా ర‌న్ టైమ్ మూడు గంట‌లు ఉండ‌టం అనేది సినిమాలో విల‌న్ కార్తీకేయ కంటే పెద్ద విల‌న్‌గా అనిపిస్తుంద‌ని అంటున్నారు. ఇండియన్ సినిమాల్లోనే కొత్త హిస్టరీ. ఒక మాటలో చెప్పాలంటే మ్యాజిక్ మూవీ అని అంటున్నారు. మరి కొన్ని గంటలాగితే సినిమా ఉందనే దానిపై మరిన్ని వివరాలు తెలుస్తాయి

from Telugu Movie News | Movie News in Telugu | Movie Gossips in Telugu https://ift.tt/ZXJ8q5Q