ఆ ఒక్క ఏరియాలో దుమ్ముదుమారం.. బాహుబలిని మించేసిన భీమ్లా నాయక్

భారీ అంచనాల నడుమ ఫిబ్రవరి 25న ప్రేక్షకుల ముందుకొచ్చిన 'భీమ్లా నాయక్' మూవీ ప్రేక్షకుల నుంచి ఓ రేంజ్ రెస్పాన్స్ తెచ్చుకుంది. విడుదలకు ముందు నుంచే నెలకొన్న హైప్ థియేటర్ల వద్ద జాతర వాతావరణం నెలకొల్పింది. తొలి రోజే భీమ్లా నాయక్ సినిమా చూసేందుకు జనమంతా థియేటర్ల బాట పట్టారు. దీంతో కలెక్షన్స్ పరంగా తొలి రోజే ఈ సినిమా ఆల్ టైమ్ రికార్డు నెలకొల్పింది. బాహుబలి సినిమాను సైతం వెనక్కినెట్టి మొదటి స్థానంలో తన పేరు లిఖించుకున్నాడు భీమ్లా నాయక్. రిలీజ్‌కి ముందు వచ్చిన అన్ని అప్‌డేట్స్ ప్రేక్షకుల్లో క్యూరియాసిటీ పెంచేయడంతో మొదటి రోజు ఈ సినిమాకు హ్యూజ్ రెస్పాన్స్ లభించింది. అన్ని ఏరియాల్లో హౌస్ ఫుల్ కలెక్షన్స్‌తో సత్తా చాటిన భీమ్లా నాయక్ ఒక్క నైజాం ఏరియాలో మాత్రం బాహుబలిని మించేసి వసూళ్లు రాబట్టాడు. నైజాం ఏరియాలో మెగా హీరోలకు మంచి మార్కెట్ ఉంటుందని తెలుసు. కానీ ఆ అంచనాలను మించి కలెక్షన్స్ రావడం విశేషం. తొలి రోజుకు గాను ఒక్క నైజాం ఏరియాలోనే 11.85 కోట్ల రూపాయలు రాబట్టి సరికొత్త రికార్డు నెలకొల్పాడు భీమ్లా నాయక్. దీంతో నైజాం ఏరియాలో ఫస్ట్ డే అత్యధిక కలెక్షన్స్ రాబట్టిన సినిమాగా భీమ్లా నాయక్ నిలిచింది. దీని తర్వాతి స్థానంలో 11.44 కోట్ల రూపాయలతో పుష్ప, 9.41 కోట్ల రూపాయలతో సాహో, ఆ తర్వాత 8.9 కోట్ల రూపాయలతో బాహుబలి-2 ఉన్నాయి. ఇకపోతే అన్ని ప్రాంతాల్లో కలిపి భీమ్లా నాయక్ సినిమాకు 106.75 కోట్ల ప్రీ రిలీజ్ బిజినెస్ జరిగింది. అదే రేంజ్‌లో 2000 పైగా థియేటర్లలో గ్రాండ్‌గా విడుదలైంది. భీమ్లా నాయక్ సునామీ చూసి బ్రేక్ ఈవెన్ చేరడం పెద్ద కష్టమేమీ కాదని అంటున్నారు ట్రేడ్ పండితులు. ఈ సినిమాలో పవన్ కళ్యాణ్ విశ్వరూపం చూపించారని, ఆయనతో పోటీపడి రానా నటించారనే టాక్ బయటకొచ్చింది.

from Telugu Movie News | Movie News in Telugu | Movie Gossips in Telugu https://ift.tt/qHBfWY5