రియల్ హీరో ఇప్పుడు మామూలు నటుడు కాదు. ఆయనో అసాధారణమైన శక్తి. గొప్ప గొప్ప నేతలు, స్టార్ హీరోల కన్నా వంద రెట్ల ఖ్యాతిని గడించారు. అలాంటి రియల్ హీరో కోసం ఓ అభిమాని ఏకంగా పాదయాత్రం చేశారు. హైద్రాబాద్ నుంచి ముంబైకి నడుచుకుంటూ వెళ్లి ఆయన్ను కలిశాడు. అయితే అభిమాని ఇలా చేయడం ఒకింత సంతోషాన్ని, ఆనందాన్ని ఇచ్చినా కూడా ఇలాంటి పనులు ఎవ్వరూ చేయకండి స్వీట్ వార్నింగ్ ఇచ్చారు. అలాంటి సోనూ సూద్‌పై సెన్సేషనల్ కామెంట్స్ చేశారు. పద్మ అవార్డుల కోసం కేంద్రం జనాల నుంచి స్పందనను కోరుకుంది. ఎవరి పేర్లైనా సూచించండని ప్రకటించడంతో బ్రహ్మాజి ముందుకు వచ్చారు. సోనూ సూద్‌కి పద్మ విభూషణ్ ఇవ్వండి.. ఇవ్వాలని కోరుకునే వారు రీట్వీట్ చేయండని అన్నారు. అలా మొత్తానికి బ్రహ్మాజీ కొత్త ఆలోచనకు తెరదీశారు. అయితే సోనూ సూద్ మనస్తత్వం గురించి అందరికీ తెలిసిందే. ఇలాంటి వాటిని అసలే ప్రోత్సహించరు కదా. అనుకున్నట్టుగానే బ్రహ్మాజీ ట్వీట్‌పై సోనూ సూద్ తన స్పందనను తెలిపారు. నాకు 135 కోట్ల ప్రజల ప్రేమదక్కింది.. అదే నాకు గొప్ప అవార్డు. దాని కంటే పెద్దది ఏది ఉండదు.. అది ఆల్రెడీ నాకు వచ్చేసింది. మీరు చూపించిన ప్రేమకు ఎప్పటికీ కృతజ్ఞుడినే అని చెప్పుకొచ్చారు. అలా సోనూ సూద్ చేసిన ట్వీట్ ఇప్పుడు వైరల్ అవుతోంది. సోనూ సూద్ గత ఏడాది నుంచి నిర్విరామంగా సేవా కార్యక్రమాలు చేస్తూనే ఉన్నారు. ఫస్ట్ వేవ్ కంటే సెకండ్ వేవ్‌లో సోనూ సూద్ మరింత దూకుడుగా ఉంటున్నారు. ఆపరేషన్, మందులు, ఆక్సిజన్ ఇలా ఏది అవసరం ఉంటే దాన్ని అందిస్తూ ఎంతో మందిప్రాణాలను కాపాడుతున్నారు.
from Telugu Movie News | Movie News in Telugu | Movie Gossips in Telugu https://ift.tt/357MItp
No comments:
Post a Comment