ఎప్పటికప్పుడు సినిమాలకు సంబంధించిన విషయాలతో పాటు సెలబ్రిటీల క్రేజీ అప్‌డేట్స్ ఈ సినిమా రౌండప్ ద్వారా మీ ముందుకు తెస్తున్నాం. టాలీవుడ్, బాలీవుడ్, కోలీవుడ్ ఇండస్ట్రీల్లోని ముఖ్య విషయాలను సంక్షిప్తంగా ఇలా ఒక్కచోట చేర్చి అందిస్తున్నాం. ఈ రోజు (జూన్ 14) సినిమా రౌండప్‌లో మెగాస్టార్ చిరంజీవిపై కేంద్ర మంత్రి కిషన్ రెడ్డి ప్రశంస, ప్రభాస్ 'ఆదిపురుష్'కి సంబంధించి లేటెస్ట్ షూటింగ్ అప్‌డేట్, హీరోయిన్ మాళవిక నాయర్, వీవీ వినాయక్‌- బెల్లంకొండ శ్రీనివాస్ కాంబోలో మరో రీమేక్ మూవీ తదితర విషయాలను పొందుపరిచాం. మరి ఇంకెందుకు ఆలస్యం ఈ విషయాలపై ఓ లుక్కేయండి.టాలీవుడ్, బాలీవుడ్, కోలీవుడ్ ఇండస్ట్రీల్లోని ముఖ్య విషయాలను సంక్షిప్తంగా ఇలా ఒక్కచోట చేర్చి సినిమా రౌండప్ ద్వారా మీ ముందుకు తెస్తున్నాం.
ఎప్పటికప్పుడు సినిమాలకు సంబంధించిన విషయాలతో పాటు సెలబ్రిటీల క్రేజీ అప్‌డేట్స్ ఈ సినిమా రౌండప్ ద్వారా మీ ముందుకు తెస్తున్నాం. టాలీవుడ్, బాలీవుడ్, కోలీవుడ్ ఇండస్ట్రీల్లోని ముఖ్య విషయాలను సంక్షిప్తంగా ఇలా ఒక్కచోట చేర్చి అందిస్తున్నాం. ఈ రోజు (జూన్ 14) సినిమా రౌండప్‌లో మెగాస్టార్ చిరంజీవిపై కేంద్ర మంత్రి కిషన్ రెడ్డి ప్రశంస, ప్రభాస్ 'ఆదిపురుష్'కి సంబంధించి లేటెస్ట్ షూటింగ్ అప్‌డేట్, హీరోయిన్ మాళవిక నాయర్, వీవీ వినాయక్‌- బెల్లంకొండ శ్రీనివాస్ కాంబోలో మరో రీమేక్ మూవీ తదితర విషయాలను పొందుపరిచాం. మరి ఇంకెందుకు ఆలస్యం ఈ విషయాలపై ఓ లుక్కేయండి.
కరోనా కష్టకాలంలో ఆపద్బాంధవుడు
కరోనా ఉధృతిలో మీ అందరికీ అండగా నేనున్నా అంటూ పలు సేవా కార్యక్రమాలు చేస్తున్నారు చిరంజీవి. ఈ సేవలపై పలువురి ప్రశంసలు దక్కుతుండగా తాజాగా కేంద్ర మంత్రి కిషన్ రెడ్డి రియాక్ట్ అవుతూ చిరు సేవలను కొనియాడారు. ఇత‌ర ప్రాణాల‌ను కాపాడ‌ట‌మ‌నేది మాన‌వ‌త్వంలోనే మ‌హోన్న‌త‌మైన‌దని, చిరంజీవిగారు నిస్వార్థ‌మైన సేవలను అందిస్తున్నారని కిషన్ రెడ్డి పేర్కొన్నారు.
ఇకనైనా అదృష్టం కలిసొచ్చేనా?
'ఎవడే సుబ్రమణ్యం' సినిమాతో తెలుగు తెరపై కాలుమోపిన మాళవిక నాయర్ ఇంకా తన అదృష్టాన్ని పరీక్షించుకుంటోంది. విజయ్ దేవరకొండ 'టాక్సీవాలా' కూడా ఆమెకు పెద్దగా ఫేమ్ తీసుకురాలేదు. అయితే ప్రస్తుతం ఈ అమ్మడు అక్కినేని నాగ చైతన్య కొత్త సినిమా 'థ్యాంక్యూ'లో ముగ్గురు హీరోయిన్స్‌లో ఒకరిగా నటిస్తోంది. దీంతో ఈ సినిమాతో అయినా ఆమెకు అదృష్టం కలిసొచ్చి టాలీవుడ్‌లో సెట్టవుతుందా అని చర్చించుకుంటున్నారు ప్రేక్షకులు.
'ఆదిపురుష్' ఆయనొక్కడే..
ప్రభాస్ హీరోగా ఓం రౌత్ దర్శకత్వంలో తెరకెక్కుతున్న భారీ సినిమా 'ఆదిపురుష్'. కోవిడ్ కారణంగా వాయిద్దాపడ్డ షూటింగ్ అతి త్వరలో తిరిగి ప్రారంభించబోతున్నారట. ముంబైలో ప్రారంభం కానున్న ఈ షెడ్యూల్‌లో కేవలం సైఫ్ అలీఖాన్ మాత్రమే పాల్గొనబోతున్నట్లు సమాచారం. ఆయన మీదే ఈ షెడ్యూల్ మొత్తం ప్లాన్ చేశారట మేకర్స్.
'అల.. వైకుంఠపురములో' హిందీ రీమేక్
అల్లు అర్జున్- త్రివిక్రమ్ కాంబోలో వచ్చిన 'అల.. వైకుంఠపురములో' సినిమా బాక్సాఫీస్ షేక్ చేసిన విషయం తెలిసిందే. మ్యూజికల్ హిట్‌గా విమర్శకుల ప్రశంసలందుకున్న ఈ సినిమాను హిందీలో రీమేక్ చేయబోతున్నారట. తెలుగులో అల్లు అర్జున్ చేసిన పాత్రలో కార్తీక్ ఆర్యన్‌ను, పూజ హెగ్డే చేసిన పాత్రలో కృతి సనన్‌ను తీసుకున్నట్లు టాక్ నడుస్తోంది. కరోనా ప్రభావం తగ్గగానే ఈ సినిమాను సెట్స్ మీదకు తీసుకురాబోతున్నారట.
బెల్లంకొండతో మరోసారి..
తమిళ సూపర్‌ హిట్ మూవీ 'కర్ణన్' తెలుగు రీమేక్ హక్కులను ప్రముఖ నిర్మాత బెల్లంకొండ సురేష్ తీసుకున్నారు. ఈ మూవీ తెలుగు రీమేక్‌లో యంగ్ హీరో బెల్లంకొండ శ్రీనివాస్ నటించబోతున్నారట. ఇక ఈ చిత్రాన్ని తెరకెక్కించే బాధ్యతలు వీవీ వినాయక్‌కి అప్పగించారట బెల్లంకొండ సురేష్. ఇప్పటికే వీవీ వినాయక్‌- బెల్లంకొండ శ్రీనివాస్ కాంబోలో 'ఛత్రపతి' హిందీ రీమేక్ రూపొందనున్నట్లు కన్ఫర్మ్ అయిన సంగతి తెలిసిందే.
from Telugu Movie News | Movie News in Telugu | Movie Gossips in Telugu https://ift.tt/3gmZNWd
No comments:
Post a Comment