తగ్గేదే లే.. మళ్ళీ రంగంలోకి స్టైలిష్ స్టార్! అందుకు రెడీ అనేసిన అల్లు అర్జున్

స్టైలిష్ స్టార్ దూకుడు ఏ రేంజ్‌లో ఉంటుందనేది తెలుగు ప్రేక్షకులందరికీ తెలుసు. కెమెరా ముందు ఆయన స్పీడు చూసి ఆశ్చర్యపోతుంటారట దర్శకనిర్మాతలు. అవన్నీ చూసే బన్నీకి సరిగ్గా యాప్ట్ అయ్యేలా ఆయనతో 'తగ్గేదే లే' అనే మాస్ డైలాగ్ చెప్పించారు కాబోలు సుకుమార్. ఇక ఆ డైలాగ్‌లో చెప్పినట్లుగానే అల్లు అర్జున్ ముందుకెళ్తున్నారు. తెరకెక్కిస్తున్న లేటెస్ట్ మూవీ '' మరికొద్ది రోజుల్లో తిరిగి షూటింగ్ ప్రారంభించుకోనుందట. కరోనాను కూడా లెక్కచేయకుండా అన్ని జాగ్రత్తలతో బన్నీ రంగంలోకి దిగుతున్నారని టాక్. కరోనా ఉధృతి కొనసాగుతున్న సమయంలోనూ కొన్నిరోజుల పాటు 'పుష్ప' షూటింగ్ జరిపారు. ఆ తర్వాత బ్రేక్ ఇచ్చిన యూనిట్.. ఇటీవల కరోనా తగ్గుముఖం పట్టడం, లాక్‌డౌన్‌ సడలింపులు రావడంతో మళ్లీ రంగంలోకి దిగేందుకు రెడీ అయ్యారట. ఈ నెలాఖరు నుంచే హైదరాబాద్‌లో షూటింగ్ చేసేలా ప్లాన్ చేశారట. ఈ విషయం అల్లు అర్జున్‌తో చెప్పగానే ఏ మాత్రం ఆలోచించకుండా రెడీ అనేశారట. బన్నీతో పాటు ఇతర నటీనటులతో కొన్ని కీలక సన్నివేశాలను ఈ షెడ్యూల్‌లో కంప్లీట్ చేయనున్నారని సమాచారం. మైత్రీ మూవీ మేకర్స్ బ్యానర్‌పై భారీ రేంజ్‌లో పాన్ ఇండియా సినిమాగా రూపొందుతున్న ఈ మూవీలో లారీ డ్రైవర్ పుష్పరాజ్ పాత్రలో బన్నీ కనిపించబోతున్నారు. రష్మిక మందన హీరోయిన్‌గా నటిస్తోంది. ఫాహద్‌ ఫాజిల్‌ విలన్ రోల్ పోషిస్తున్నారు. బన్నీ చెల్లెలిగా ఐశ్వర్య రాజేష్, దేవి శ్రీ ప్రసాద్ బాణీల్లో ఊర్వశీ రౌతేలా ఐటమ్ సాంగ్, అనసూయ రోల్ ఈ సినిమాలో హైలైట్ కానున్నాయని సమాచారం. ఇకపోతే ఈ సినిమాను సుకుమార్ రెండు భాగాలుగా రూపొందిస్తుండటం విశేషం. ఏదేమైనా అల్లు అర్జున్ ఫ్యాన్స్ మాత్రం ఈ సినిమాపై బోలెడన్ని అంచనాలు పెట్టుకున్నారు.

from Telugu Movie News | Movie News in Telugu | Movie Gossips in Telugu https://ift.tt/3gunpqK