RRR రషెస్ చూసి షాకైన చిరంజీవి.. తప్పక ఆ పని చేసిన రాజమౌళి! మెగాస్టార్ చెప్పిందే నిజం కానుందా..?

ప్రస్తుతం దేశం మొత్తం వేయికళ్లతో ఎదురుచూస్తున్న పాన్ ఇండియా మూవీ RRR. బాహుబలి సిరీస్ తర్వాత అదే రేంజ్‌లో రూపొందిస్తున్న సినిమా పైగా ఇద్దరు టాప్ స్టార్స్ ఎన్టీఆర్, రామ్ చరణ్ ఒకే తెరపై కనిపించనుండటం కారణంగా ఈ సినిమాపై ఉన్న అంచనాలను మాటల్లో చెప్పలేం. మెగా, నందమూరి అభిమానులు అయితే రిలీజ్ ఎప్పుడెప్పుడా అని ఒక్కో క్షణం లెక్కపెట్టుకుంటున్నారని చెప్పడంలో అతిశయోక్తి లేదు. మరి అలాంటి ఈ భారీ సినిమాపై మెగాస్టార్ కన్నుపడటం సినీ వర్గాల్లో హాట్ టాపిక్ అయింది. సాధారణంగా తన సినిమా విషయంలో స్పెషల్ కేర్ తీసుకుంటూ సమయాన్ని ఏ మాత్రం లెక్కచేయరు రాజమౌళి. సినిమా కోసం రేయింబవళ్లు కష్టపడుతూ తన చిత్ర యూనిట్ మొత్తాన్ని కూడా అంతే కష్టపెట్టి అనుకున్న అవుట్‌పుట్ బయటకు తీస్తారు. అలాంటి జక్కన్న వర్క్‌పై చిరంజీవి కూడా ప్రత్యేక దృష్టి పెట్టారట. ఎప్పటికప్పుడు రాజమౌళితో మాట్లాడుతూ కొన్ని సీన్స్ చూడాలని ఉందని చాలా సార్లు అడిగారట. మెగాస్టార్ కోరితే జక్కన్న ఎలా కాదంటారు? వెంటనే ఆయనకు RRR రషెస్ చూపించారట రాజమౌళి. ఎడిటింగ్ రూమ్‌లో RRR రషెస్ చూసిన చిరంజీవి షాకయ్యారట. చిత్రంలోని హైలైట్ సీన్స్ ఈ రేంజ్‌లో ఉన్నాయంటే ఈ మూవీ చరిత్ర సృష్టించడం ఖాయం అని అన్నారట. ఈ మేరకు ఫుల్ హ్యాపీగా ఫీల్ అయిన ఆయన, రాజ‌మౌళిని పొగ‌డ్త‌ల్లో ముంచేశాడ‌ని తెలుస్తోంది. RRR సినిమా బాహుబ‌లిని మించి పోతుంది అని చిరంజీవి తన సన్నిహితులతో చెప్పారట. ఇంకేముంది ఆ నోటా ఈ నోటా పడి చివరకు ఈ విషయం వార్తల్లో నిలిచింది. దీంతో చిరంజీవి చెప్పారంటే అది ఖచ్చితంగా నిజమై తీరుతుందని జనం చెప్పుకుంటున్నారు. డీవీవీ దానయ్య సమర్పణలో భారీ బడ్జెట్ కేటాయించి రూపొందిస్తున్న ఈ మూవీ షూటింగ్ చివరి దశకు చేరుకుంది. ఫిక్ష‌న‌ల్ పీరియాడిక‌ల్ మూవీగా 1920 బ్యాక్‌డ్రాప్‌లో రాబోతున్న ఈ చిత్రంలో కొమురం భీమ్‌గా ఎన్టీఆర్, అల్లూరి సీతారామ‌రాజుగా రామ్‌చ‌ర‌ణ్ కనిపించబోతున్నారు. చెర్రీ సరసన ఆలియా భట్, ఎన్టీఆర్ సరసన ఒలీవియా మోరిస్ హీరోయిన్లుగా నటిస్తున్నారు. ప్రపంచవ్యాప్తంగా అక్టోబ‌ర్ 13వ తేదీన ఈ సినిమాను రిలీజ్ చేస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/3tlcCnx