‘మీలో ఎవరు కోటీశ్వరుడు’ మీడియా ముందుకు ఎన్టీఆర్

బిగ్ బాస్ సీజన్ 1 హోస్ట్ చేసి బుల్లితెరపై సంచలనాలకు కేరాఫ్ అడ్రస్ అయిన యంగ్ టైగర్ ఎన్టీఆర్.. ఈసారి ‘మీలో ఎవరు కోటీశ్వరుడు’ అంటూ సందడి చేయబోతున్నారు. నాగార్జున, నాని వంటి హోస్ట్‌లు ఎంత మంది వచ్చినా.. ది బెస్ట్ అనిపించేట్టు ఇంపాక్ట్ క్రియేట్ చేసిన ఎన్టీఆర్ ఈసారి కార్యక్రమాన్ని హోస్ట్ చేస్తుండటంతో ఈ షో కోసం కోట్లాదిమంది అభిమానులు ఎదురుచూస్తున్నారు. బాలీవుడ్ మెగాస్టార్ అమితాబ్ బచ్చన్ చేసిన కౌన్ బనేగా కరోడ్ పతి టీవీ షోకు దేశవ్యాప్తంగా గొప్ప ప్రజాదరణ రావడంతో.. దీన్ని తెలుగులో ‘మీలో ఎవరు కోటీశ్వరుడు’ పేరుతో చేస్తున్నారు. ఇప్పటి వరకు తెలుగులో నాలుగు సీజన్లు జరిగాయి. తొలి సీజన్ 2014 జూన్‌లో నాగార్జున హోస్ట్‌గా ప్రారంభమై సూపర్ సక్సెస్ అయ్యింది. అదే ఏడాది డిసెంబర్‌లోనే రెండో సీజన్ కూడా ప్రారంభమైంది. 2015 నవంబర్‌లో మూడో సీజన్‌ను ప్రసారం చేశారు. ఈ మూడు సీజన్లకు అక్కినేని నాగార్జునే వ్యాఖ్యాతగా వ్యవహరించడం విశేషం. 2017లో ప్రసారమైన నాలుగో సీజన్‌ను మాత్రం మెగాస్టార్ చిరంజీవి హోస్ట్ చేశారు. ఈ నాలుగు సీజన్లు మా టీవీలో ప్రసారమయ్యాయి. అయితే, ఇప్పుడు ఎన్టీఆర్ హోస్ట్ చేయబోయే ఐదో సీజన్ మాత్రం జెమిని టీవీలో ప్రసారం కానుంది. ఐదో సీజన్‌కి సంబంధించిన.. ఇప్పటికే అన్నపూర్ణ 7 ఎకర్స్‌లో ప్రోమో షూట్ ఎన్టీఆర్ కంప్లీట్ చేయగా.. దర్శకుడు త్రివిక్రమ్ ఈ ప్రోమోకి డైరెక్షన్ చేశారు. కాగా ఈ షోకి సంబంధించిన వివరాలను తెలియజేసేందుకు ఎన్టీఆర్ శనివారం నాడు మీడియాతో ముచ్చటించబోతున్నారు. మరికొద్దిసేపట్లో ‘మీలో ఎవరు కోటీశ్వరుడు’ సీజన్ 5 హోస్ట్ మీడియా ముందుకు రానున్నారు.

from Telugu Movie News | Movie News in Telugu | Movie Gossips in Telugu https://ift.tt/3lcb1gK