దెయ్యంతో సహజీవనం.. నట్టి కుమార్ కూతురు కరుణ డేరింగ్ స్టెప్.. ఇప్పుడిదే హాట్ టాపిక్

డిస్ట్రిబ్యూటర్‌గా నిర్మాతగా దర్శకుడిగా ఇండస్ట్రీలో వివాదాస్పద వ్యక్తిగా పేరొందిన నట్టి కుమార్ మళ్లీ మెగా ఫోన్ చేతబట్టారు. ఈసారి ఏకంగా తన కూతురు కరుణను రంగంలోకి దింపి.. దెయ్యంతో సహవాసం (DSJ) అని భయపెట్టబోతున్నారు. ఆ వివరాల్లోకి వెళ్తే.. చదువులో గోల్డ్ మెడల్ సాధించిన ఒక తెలివైన అమ్మాయిని నలుగురు అబ్బాయిలు ఎలా మోసం చేశారు? వారు గతంలో చేసిన ఎన్నో మోసాలు గురించి తెలుసుకుని వారిపై ఆ అమ్మాయి ఎలాంటి రివెంజ్ తీర్చుకుంది అన్న కథాంశంమే ‘DSJ‘(దెయ్యంతో సహజీవనం). నట్టి లక్ష్మీ, అనురాగ్ కంచర్ల సమర్పణలో నట్టిస్ ఎంటర్టైన్మెంట్స్ పతాకంపై ప్రముఖ నిర్మాత నట్టి కుమార్ కుమార్తె నట్టి కరుణ లేడీ ఓరియెంటెడ్ గా ప్రముఖ పాత్రలో నటిస్తుంది. నిర్మాత నట్టికుమార్ దర్శకత్వంలో నట్టి క్రాంతి నిర్మిస్తున్న చిత్రం ‘DSJ‘(దెయ్యంతో సహజీవన) ఈ చిత్రం విజయవంతంగా షూటింగ్ పూర్తి చేసుకుంది. అలాగే ఈ నెల 12న ఈ చిత్రం లోని మొదటి పాటను మ్యాంగో మ్యూజిక్ ద్వారా విడుదల చేసుకుంటున్న సందర్భంగా మీడియా సమావేశం నిర్వహించారు. ఈ సందర్భంగా చిత్ర నిర్మాత నట్టి క్రాంతి మాట్లాడుతూ… ‘లేడీ ఓరియెంటెడ్ సినిమాలు గతంలో చాలా వచ్చాయి అవన్నీ కూడా మంచి విజయం సాధించాయి. ఇప్పుడు వస్తున్న ఈ సినిమా కూడా గొప్ప విజయం సాధిస్తుందనే నమ్మకం ఉంది.ఈ సినిమాలో నట్టి కరుణ అద్భుతమైన పాత్ర పోషించింది. మొదటి నుండి కూడా ఆ అమ్మాయి చాలా బాగా నటించింది. నట్టి కరుణ ఆర్టిస్టుగానే కాకుండా గతంలో తను చాలా సినిమాలకు నిర్మాతగా వ్యవహరించింది.. డైనమిక్ నిర్మాతగా మంచి పేరు సంపాదించుకుంది. ఈ చిత్రంలోని నటీనటులందరూ చాలా బాగా నటించారు. ఈ సినిమాలో ప్రధాన పాత్రలో నటించిన నట్టి కరుణ నటన సినిమాకే హైలెట్‌గా నిలుస్తుంది. సెకెండ్ లీడ్ లో సుపూర్ణ మాలకర్ నటించారు. కరోనా టైం లో కూడా ఏంతో ధైర్యంగా కశ్మీర్ లోని అందమైన లోకేషన్స్ లలో చిత్రీకరణ జరుపుకుని షూటింగ్ పూర్తి చేసుకుని వచ్చాము. అందరూ బాగా సహకరించడం వలన సినిమాను త్వరగా పూర్తి చేయగలిగాము. త్వరల్ పోస్ట్ ప్రొడక్షన్ కార్యక్రమాలు జరుపుకోనున్న 'DSJ‘ (దెయ్యంతో సహజీవనం) చిత్రాన్ని త్వరలో ప్రేక్షకుల ముందుకు తీసుకువస్తాం. మంచి కంటెంట్ తో వస్తున్న ఈ చిత్రం అందరికి తప్పక నచ్చుతుందని అన్నారు.. చిత్ర దర్శకుడు నట్టికుమార్ మాట్లాడుతూ… ‘నేను దర్శకత్వం వహించే ఈ ‘DSJ‘(దెయ్యంతో సహ జీవనం) చిత్రానికి నిర్మాతగా నా కుమారుడు నట్టి క్రాంతి.. కూతురు నట్టి కరుణ హీరోయిన్ గా నటిస్తున్నందుకు నాకు చాలా సంతోషంగా ఉంది. నా కూతురు వేరే సినిమాలకు పోస్ట్ ప్రొడక్షన్ వర్క్ చూసుకుంటూ డేట్స్ అడ్జస్ట్ కాకున్నా ఈ సినిమా షూట్ లో ఎక్కువగా సింగిల్ టేక్ లలో నటించినందుకు గర్వంతో పాటు చాలా ఆనందంగా ఉంది. ఎందుకంటే తన నటనను ఒక డైరెక్టర్ పాయింట్ ఆఫ్ వ్యూ లో చూశాను. కరోనాటైంలో కూడా నటీనటులందరు భయపడకుండా మాకు సహరించడం వలన మేము ఈ సినిమా పూర్తి చేయగలిగాము. త్వరలో పోస్ట్ ప్రొడక్షన్ కి వెళ్తున్న ఈ సినిమా అన్ని వర్గాల ప్రేక్షకులను ఆకట్టు కుంటుందనే నమ్మకం ఉందని అన్నారు. నటీనటులు: నట్టి కరుణ, సుపూర్ణ మాలకర్,రాజీవ్ , హరీష్ చంద్ర, బాబు మోహన్, హేమంత్, స్నిగ్ధ తదితరులు సాంకేతిక నిపుణులు: బ్యానర్ : నట్టిస్ ఎంటర్టైన్మెంట్స్ సమర్పణ : నట్టి లక్ష్మీ, అనురాగ్ కంచర్ల డైరెక్టర్: నట్టి కుమార్ నిర్మాత: నట్టి క్రాంతి కెమెరామెన్: కోటేశ్వర రావు సంగీతం: రవి శంకర్ ఎడిటింగ్: గౌతంరాజు ఆర్ట్: కెవి.రమణ ఫైట్స్: కె.అంజిబాబు పి ఆర్.ఒ: మధు.విఆర్

from Telugu Movie News | Movie News in Telugu | Movie Gossips in Telugu https://ift.tt/3zglkHo