ఒక్కప్పటితో పోల్చితే టాలీవుడ్ ఇండస్ట్రీ ఎంతో ముందుకెళ్లింది. భారీ స్థాయిలో పాన్ ఇండియా సినిమాలు రూపొందిస్తూ దేశ వ్యాప్తంగా ఉన్న ఆడియన్స్ దృష్టిని లాగేస్తోంది. మరోవైపు తెలుగులో సూపర్ హిట్ అయిన సినిమాలను హిందీలో డబ్ చేస్తున్నారు దర్శకనిర్మాతలు. ఈ క్రమంలోనే రాజమౌళి దర్శకత్వంలో ప్రభాస్ హీరోగా వచ్చి బాక్సాఫీస్ దుమ్ముదులిపిన 'ఛత్రపతి' సినిమాను హిందీలోకి రీమేక్ చేస్తున్నారు. ఈ సినిమాలో బెల్లంకొండ సాయి శ్రీనివాస్ హీరోగా నటించనున్నారు. అయితే హీరోయిన్ ఎవరైతే బెటర్ అని బాగా వెతికిన చిత్ర యూనిట్ చివరకు 'లోఫర్' బ్యూటీని రంగంలోకి దించుతోందట. 'ఛత్రపతి' బాలీవుడ్ రీమేక్ బాధ్యతలను మాస్ డైరెక్టర్ వీవీ వినాయక్ తీసుకున్నారు. ఈ సినిమాతో బాలీవుడ్ గడప తొక్కుతుండటం విశేషం. అయితే హిందీ ప్రేక్షకులకు హీరో కొత్త కాబట్టి వారికి పరిచయం ఉన్న హీరోయిన్ అయితేనే ప్లస్ అవుతుందని భావించిన డైరెక్టర్.. 'లోఫర్' బ్యూటీ దిశా పటానికి ఫైనల్ చేశారని తెలుస్తోంది. స్ట్రాంగ్ కథాంశానికి బాలీవుడ్ రేంజ్ హాట్ డోస్ కూడా దట్టిస్తూ ఈ మూవీ రూపొందించాలనేది మేకర్స్ ప్లాన్. మొదట కియారా అద్వానీ, జాన్వి కపూర్, అనన్య పాండే లాంటి హీరోయిన్లను సంప్రదించగా వారు 'నో' చెప్పారట. దీంతో ఆ ఆఫర్ దిశా వరకు చేరడం, ఎలాగూ హాట్ ట్రీట్ ఇవ్వడంతో అమ్మడికి మంచి అనుభవం ఉంది కాబట్టి ఆమె ఓకే చెప్పడం వెంటవెంటనే జరిగాయని తెలుస్తోంది. పెన్ స్టూడియోస్ బ్యానర్‌పై రూపొందనున్న ఈ చిత్రానికి జయంతిలాల్ నిర్మాతగా వ్యవహరించనున్నారు. మాతృకకు కథ అందించిన రచయిత విజయేంద్ర ప్రసాద్ హిందీ ప్రేక్షకుల అభిరుచికి అనుగుణంగా సెకండాఫ్‌లో కొన్ని మార్పులు చేస్తున్నారని సమాచారం. అతిత్వరలో ఈ సినిమా సెట్స్ మీదకు రానుంది.
from Telugu Movie News | Movie News in Telugu | Movie Gossips in Telugu https://ift.tt/3c4zPU2
No comments:
Post a Comment