నందమూరి నటసింహం బాలకృష్ణకు కెరీర్ బిగ్గెస్ట్ హిట్ ఇవ్వాలనే కోణంలో మాస్ డైరెక్టర్ సరికొత్తగా ఆలోచిస్తున్నారట. ''సింహ, లెజెండ్'' లాంటి సూపర్ డూపర్ హిట్ సినిమాల తర్వాత ఈ ఇద్దరి కాంబోలో రాబోతున్న BB3పై బోయపాటి ప్రత్యేక శ్రద్ద పెట్టారట. పవర్‌ఫుల్ కథ రాసుకొని సెట్స్ మీదకు తీసుకొచ్చిన ఆయన ఖర్చు విషయంలో ఏ మాత్రం వెనక్కి తగ్గొద్దని చిత్ర నిర్మాతలకు సూచిస్తున్నారట. ఈ మేరకు ఇప్పటికే భారీ సీన్స్ చిత్రీకరించిన ఆయన, పరిచయ సన్నివేశాన్ని నందమూరి ఫ్యాన్స్ ఎప్పటికీ చెప్పుకునేలా ఓ రేంజ్‌లో ప్లాన్ చేశారట. థియేటర్స్‌లో కూర్చున్న బాలయ్య అభిమానులు, మాస్ ఆడియన్స్ ఊగిపోయేలా ఇంట్రడక్షన్ సీన్ ఉండాలని చూస్తున్న బోయపాటి.. ఏకంగా ఈ ఒక్క సీన్ కోసమే దాదాపు 2 కోట్ల రూపాయలు ఖర్చు పెడుతున్నట్లు తెలిసింది. మునుపెన్నడూ చూడని విధంగా బాలకృష్ణ కెరీర్‌లోనే తొలిసారి ఈ తరహా సన్నివేశాన్ని చూపించబోతున్నారని టాక్. ప్రస్తుతం షూటింగ్ వేగం పెంచేసిన బోయపాటి అతిత్వరలో చిత్రీకరణ మొత్తం ఫినిష్ చేసేలా ప్లాన్ చేసుకున్నారు. మిర్యాల స‌త్య‌నారాయ‌ణ రెడ్డి స‌మ‌ర్ప‌ణ‌లో ద్వారక క్రియేషన్స్ బ్యానర్‌పై మిర్యాల రవీందర్ రెడ్డి నిర్మాణంలో ఈ మూవీ రూపొందుతోంది. బాలయ్య సరసన ప్రగ్యా జైస్వాల్ హీరోయిన్‌గా నటిస్తోంది. థమన్ బాణీలు కడుతున్నారు. బాలకృష్ణ డ్యూయల్ రోల్ పోషిస్తున్నారు. ఈ మూవీ నుంచి విడుదల చేసిన ‘బీబీ3 ఫస్ట్ రోర్’ నందమూరి అభిమానులను హుషారెత్తించింది. బోయపాటి మార్క్ చూపిస్తూ బాలయ్య చేత చెప్పించిన ఊరమాస్ డైలాగ్ సినిమాపై భారీ అంచనాలు నెలకొల్పడంతో అందరి దృష్టి రిలీజ్ డేట్‌పై పడింది. ఈ నేపథ్యంలో ప్రపంచవ్యాప్తంగా మే నెల 28వ తేదీన గ్రాండ్‌గా ఈ మూవీ రిలీజ్ చేయనున్నట్లు ప్రకటించారు మేకర్స్.
from Telugu Movie News | Movie News in Telugu | Movie Gossips in Telugu https://ift.tt/3bVLeoQ
No comments:
Post a Comment