కత్రినా కైఫ్ బాలీవుడ్ మోస్ట్ వాంటెడ్ జోడిగా పేరు తెచ్చుకున్నారు. వారి గత రెండు మూడేళ్లు రిలేషన్ షిప్‌లో ఉన్న ఈ ఇద్దరూ తమ బంధం గురించి ఎప్పుడూ నోరు విప్పలేదు. కలిసి జంటగా కనిపించేవారు. పార్టీలకు వెళ్లేవారు. బీ టౌన్‌లో జరిగే పార్టీలకు ఇలా జంటగా కలిసేవారు. కత్రినా ఫ్లాట్ వద్ద అర్దరాత్రి విక్కీ కౌశల్ కనిపించేవాడు. అలా ఈ ఇద్దరి ప్రేమాయణం బయటకు వచ్చింది. అయితే ఈ ప్రేమ కథ పెళ్లి పీటల వరకు వెళ్తుందా? లేదా? అనే అనుమానం మాత్రం అందరిలోనూ కలిగింది. ఇది వరకెన్నో సార్లు కత్రినా కైఫ్ ప్రేమలో విఫలమైంది. సల్మాన్ ఖాన్ కత్రినా వ్యవహారం అందరికీ తెలిసిందే. ఇక రణ్ బీర్ కపూర్ కత్రినా లవ్ స్టోరీ కూడా నెట్టింట్లో కథలు కథలుగా వచ్చాయి. మొత్తానికి విక్కీ కౌశల్ పెళ్లికి ముహూర్తం కుదిరింది. ఈ వారంలోనే మూడుముళ్ల బంధంతో ఒక్కటవుతున్నారు. అయితే గత కొన్ని రోజులుగా విక్కీ కౌశల్ కత్రినా పెళ్లికి సంబంధించిన వార్తలే ఎక్కువగా కనిపిస్తున్నాయి. వినిపిస్తున్నాయి. దీంతో నెటిజన్లకు చిర్రెత్తుకొచ్చింది. ప్రపంచంలో ఇంకే వార్తలు లేవా? ఎప్పుడు చూడు కత్రినా పెళ్లి గురించి మాట్లాడుతున్నారంటూ ఫైర్ అవుతున్నారు. లోకంలో ఎవ్వరికీ పెళ్లిళ్లు జరగలేదన్నట్టుగా, ఇంత వరకు ఎవ్వరూ పెళ్లిళ్లు చేసుకోలేదన్నట్టుగా చేస్తున్నారంటూ రకరకాలుగా ట్రోల్స్ చేస్తున్నారు. అయితే కత్రినా పెళ్లికి సంబంధించిన ఏర్పాట్లు మాత్రం ఘనంగా జరుగుతున్నాయట. ఆల్రెడీ బంధుగణం అంతా కూడా నిన్ననే రాజస్థాన్‌లో దిగారట. కత్రినా పెళ్లికి తన సోదరి ఇసబెల్లె కైఫ్, సోదరుడు సెబాస్టియన్ కూడా వచ్చేశారట. ఈ పెళ్లికి అత్యంత సన్నిహితులను మాత్రమే పిలిచారట. అందరికీ కూడా కరోనా పరీక్షలు చేయిస్తున్నారట. మొత్తానికి ఎంతో జాగ్రత్తగా వివాహా ఏర్పాట్లను చేశారని తెలుస్తోంది. ఇక మరో చోట విక్కీ కౌశల్, కత్రినా గుడికి వస్తున్నారని, సాధారణ జనాన్ని ఆపేశారట. అది కాస్తా ఇప్పుడు వైరల్ అవుతోంది.
from Telugu Movie News | Movie News in Telugu | Movie Gossips in Telugu https://ift.tt/300htBs
No comments:
Post a Comment