రామ్ గోపాల్ వర్మ.. ఆ మనిషి మనస్తత్వం ఎంత వెరైటీగా ఉంటుందో ఆయన రూపొందించే సినిమాల్లోనూ అదే వెరైటీ ప్రస్ఫుటంగా కనిపిస్తుంది. ఒకానొక సమయంలో తెలుగు ప్రేక్షకులకు కొత్త టేస్ట్ చూపిస్తూ ''శివ, క్షణక్షణం, గాయం, అనగనగా ఒక రోజు, గోవిందా గోవిందా'' లాంటి సినిమాలు చేసిన వర్మ.. ఇప్పుడు రూటు మార్చేశారు. ట్రెండ్ క్యాష్ చేసుకుంటూ తనదైన ఆలోచనలతో ముందుకెళ్తున్నారు. రాజకీయం, శృంగారం, హారర్ ఇలా అన్ని కోణాలు టచ్ చేస్తూ సినిమాలు రూపొందించి సంచలనం సృష్టిస్తున్నారు. లక్ష్మీస్ ఎన్టీఆర్ మొదలుకొని రాజకీయాలపై ఫోకస్ పెడుతూ తనదైన స్టైల్లో సినిమాలు చేస్తున్నారు. ఈ క్రమంలో ఇప్పటికే ''రక్త చరిత్ర, కమ్మ రాజ్యంలో కడప రెడ్లు, పవర్ స్టార్'' లాంటి సినిమాలతో వివాదాలకు కేరాఫ్ అడ్రస్ అయిన వర్మ.. ఈ సారి వరంగల్ రాజకీయాల్లో వేలుపెడుతూ మరో సంచలన బయోపిక్ రెడీ చేసేందుకు సిద్ధమయ్యారని తెలుస్తోంది. కొండా సురేఖ-మురళి దంపతుల బయోపిక్ కోసం స్కెచ్చేస్తున్నారట . ఈ మేరకు వరంగల్లో సీక్రెట్గా పర్యటిస్తున్నారట. వరంగల్ లోని ఎల్బీ కళాశాలలో అధ్యాపకులను, సిబ్బందిని కలిసి కొంతసేపు రహస్యంగా ఆయన చర్చలు కూడా జరిపారని సమాచారం. ఒక్కప్పటి వరంగల్ రాజకీయాల్లో కొండా సురేఖ-మురళి దంపతులు ఓ వెలుగు వెలుగి తమదైన ముద్ర వేసుకున్నారు. ఈ నేపథ్యంలో వాళ్ళిద్దరి చరిత్రను వెండితెరపై ఆవిష్కరించాలని ఆయన ప్లాన్ చేస్తున్నారట. ఎల్బీ కళాశాలలోనే చదువుకున్న , మురళి.. ఆ సమయంలోనే ప్రేమలో పడి పెళ్లి చేసుకున్నారనే టాక్ ఉంది. అయితే ఈ ప్రేమకథ మొదలుకొని వాళ్ల రాజకీయ ప్రస్థానం వరకు అన్ని విషయాలను టచ్ చేస్తూ ఈ బయోపిక్ రూపొందించాలని చూస్తున్నారట ఆర్జీవీ. సో.. ఇదే నిజమైతే వాళ్ళిద్దరి జీవితంలోని ఎలాంటి అంశాలు తెరపై ఆవిష్కరిస్తారో చూడాలి మరి!.
from Telugu Movie News | Movie News in Telugu | Movie Gossips in Telugu https://ift.tt/3i27xxb
No comments:
Post a Comment