చాలా రోజులకు నన్ను లాగావ్.. పవన్ కళ్యాణ్‌కు మోహన్ బాబు చురకలు

సాయి ధరమ్ తేజ్ దేవా కట్టా ప్రీ రిలీజ్ ఈవెంట్ రెండు తెలుగు రాష్ట్రాల్లో సంచలనంగా మారింది. ముఖ్య అతిథిగా వచ్చి అన్ని సమస్యల మీద స్పందించాడు. సాయి ధరమ్ తేజ్ ప్రమాదం మీద మీడియా చూపిన అత్యుత్సాహం, ఏపీ ప్రభుత్వం సినిమా టికెట్లను అమ్మడం, ఇండస్ట్రీ మీద ప్రభుత్వం కక్షసాధిస్తోందంటూ పవన్ కళ్యాణ్ మాట్లాడన మాటలు ప్రకంపనలు రేపుతున్నాయి. అయితే పవన్ కళ్యాణ్ తన ప్రసంగంలో ఎక్కువగా మోహన్ బాబును లాగాడు. వైఎస్ జగన్ మీకు బంధువులు కదా? అంటూ మీద కామెంట్లు చేశారు. చిత్రపరిశ్రమకు ఇంత అన్యాయం జరుగుతోంది. వైఎస్ జగన్ మీకు బంధువని చెబుతుంటారు.. నేను కూడా విన్నాను.. మీరు వెళ్లి ఆయనతో మాట్లాడొచ్చు కదా. ఏదైనా ఉంటే పవన్ కళ్యాణ్‌ను బ్యాన్ చేసుకోండి.. మీరు మీరూ చూసుకోండి.. చిత్రపరిశ్రమను లాగొద్దు అని చెప్పొచ్చు కదా? అని మోహన్ బాబుకు పవన్ కళ్యాణ్ సలహాలు ఇచ్చాడు. ఇప్పుడు గనుక మీరు నిశ్శబ్దంగా ఉంటే.. రేపు మీ విద్యానికేతన్ ఫీజులు కూడా ప్రభుత్వమే వసూల్ చేస్తుంది.. దాన్ని కూడా జాతీయం చేస్తారా? అని పవన్ కళ్యాణ్ మాట్లాడారు. అయితే పవన్ కళ్యాణ్ వ్యాఖ్యలపై తాజాగా మోహన్ బాబు స్పందించాడు. ‘నా చిరకాల మిత్రుని సోదరుడైన పవన్ కళ్యాణ్ నువ్వు నాకంటే చిన్నవాడివి అందుకని ఏకవచనంతోనే సంబోధించాను. పవన్ కళ్యాణ్ గారు అనడంలో కూడా తప్పేమీ లేదు. చాలా కాలానికి నన్ను మెల్లగా లాగావ్. సంతోషమే. ఇప్పుడు మా ఎలక్షన్స్ జరుగుతున్నాయి. నా కుమారుడు విష్ణు మూవీ ఆర్టిస్ట్ అసోసియేషన్ ప్రెసిడెంట్‌గా నిలబడ్డాడు అన్న సంగతి నీకు తెలిసిందే. అక్టోబర్ 10న తేదీన ఎలక్షన్స్ అయిపోతాయి. ఆ తరువాత నువ్వు అడిగిన ప్రతీ మాటకి నేను హృదయపూర్వకంగా సమాధానం చెబుతాను. ఈ లోగా నువ్వు చేయవలసిన ముఖ్యమైన పని.. నీ అమూల్యమైన ఓటుని నీ సోదర సమానుడైన విష్ణుబాబుకి అతని ప్యానల్‌కి వేసి వాళ్లని గెలిపించాలని కోరుకుంటున్నాను’ అంటూ ఓ ప్రెస్ నోట్ విడుదల చేశాడు.

from Telugu Movie News | Movie News in Telugu | Movie Gossips in Telugu https://ift.tt/39GkDf4