నాగ చైతన్య- సాయి పల్లవి జంటగా ఫీల్ గుడ్ లవ్ స్టోరీగా ప్రేక్షకుల ముందుకొచ్చింది '' మూవీ. శేఖర్ కమ్ముల దర్శకత్వం వహించిన ఈ సినిమాను శ్రీ వెంకటేశ్వర సినిమాస్ ఎల్ఎల్‌పీ, అమిగోస్ క్రియేషన్స్ సంస్థలు సంయుక్తంగా నిర్మించగా.. కె నారాయణదాస్ నారంగ్, పి. రామ్మోహన్ రావు నిర్మాతలుగా వ్యవహరించారు. ఇప్పటికే ఈ మూవీకి అందించిన బెస్ట్ ప్రమోషన్స్ సినిమాపై భారీ హైప్ క్రియేట్ చేశాయి. ఈ నేపథ్యంలో నేడు (సెప్టెంబర్ 24) భారీ అంచనాల నడుమ ప్రపంచవ్యాప్తంగా ఈ సినిమా విడుదలైంది. లవ్ స్టోరీ రిలీజ్ సందర్భంగా పలువురు యంగ్ హీరోలు చిత్ర యూనిట్ మొత్తానికి ఆల్ ది బెస్ట్ చెప్పారు. ఇకపోతే గత రాత్రి యూఎస్ షోస్ చూసిన ఆడియన్స్ ఈ సినిమాపై తమ తమ అభిప్రాయాలను ట్విట్టర్ వేదికగా పంచుకుంటున్నారు. ఇప్పటిదాకా అందిన సమాచారం మేరకు అంతా ఊహించినట్లుగానే గ్రిప్పింగ్ స్టోరీ లైన్‌తో కథను నేరేట్ చేశారట శేఖర్ కమ్ముల. ఫస్టాఫ్ ఫుల్ ఎంటర్‌టైన్‌మెంట్ పంచుతూ సెకండాఫ్‌కి వచ్చే సరికి కథపై గ్రిప్పింగ్ తీసుకొచ్చి బాగా ప్రెజెంట్ చేశారనే టాక్ వస్తోంది. అయితే రొటీన్ ఫ్యామిలీ డ్రామాగా ప్రేక్షకుల ముందుకు తెచ్చారని, సినిమాలో చెప్పుకోదగిన కొత్త సన్నివేశాలు ఎక్కడా కనిపించలేదని కొందరు అభిప్రాయపడుతున్నాయి. లీడ్ పెయిర్ అయిన నాగ చైతన్య, సాయి పల్లవి బెస్ట్ పర్‌ఫార్‌మెన్స్ ఇచ్చారని, ఈ లవ్ స్టోరీకి సాయి పల్లవి డాన్స్, మ్యూజిక్ స్పెషల్ అసెట్ అనే ట్వీట్స్ ఎక్కువగా కనిపిస్తున్నాయి. కథలో శేఖర్ కమ్ముల మార్క్ కనిపించిందని, మొత్తానికి థియేటర్స్‌లో చూడదగ్గ సినిమా అని, మూవీ పక్కా బ్లాక్ బస్టర్ అవుతుందని కొందరు చెబుతుండగా.. కొంతమంది మాత్రం సినిమాపై నెగెటివ్‌గా రియాక్ట్ అవుతున్నారు. మరి కాసేపట్లలో 'సమయం తెలుగు' పూర్తి రివ్యూ మీ ముందుకు తెచ్చి సినిమా ఎలా ఉందో చెప్పబోతున్నాం.
from Telugu Movie News | Movie News in Telugu | Movie Gossips in Telugu https://ift.tt/39EQrk9
No comments:
Post a Comment