సీనియర్ హీరోయిన్ భర్త, బిజినెస్‌మెన్ వ్యవహారం సినీ వర్గాల్లో సంచలనంగా మారింది. శృంగార చిత్రాలను నిర్మించి, వాటిని ఇంటర్నెట్ యాప్స్‌లో పబ్లిష్ చేస్తున్నారనే అభియోగంతో రాజ్ కుంద్రాను ముంబై పోలీసులు అదుపులోకి తీసుకున్న సంగతి తెలిసిందే. జులై 27వ తేదీ వరకు ఆయన పోలీస్ కస్టడీలో ఉండనున్నారు. ఈ నేపథ్యంలో పోర్న్ రాకెట్ వ్యవహారంపై లోతుగా విచారణ చేపడుతున్నారు క్రైమ్ బ్రాంచ్ పోలీసులు. విచారణలో భాగంగా భార్య శిల్పా శెట్టికి పోర్న్ రాకెట్‌తో ఏమైనా సంబంధాలున్నాయా? అనే కోణంలో పోలీసుల దర్యాప్తు కొనసాగుతోంది. ఈ మేరకు జుహులోని రాజ్ కుంద్రా నివాసానికి వెళ్లి శిల్పాశెట్టిని విచారించారు. ఆమె వాంగ్మూలాన్ని రికార్డు చేయడంతో పాటు కుంద్రా నివాసంలో ఏవైనా ఆధారాలు దొరుకుతాయా అనే కోణంలో సోదాలు చేసి ఓ లాప్‌టాప్ స్వాధీనం చేసుకున్నారు. 48 టీబీ స్టోరేజ్ సామర్థ్యం ఉన్న ఈ లాప్‌టాప్‌లో 51 అశ్లీల చిత్రాలు ఉన్నట్టు పోలీసులు గుర్తించారు. ఈ వ్యాపారం ద్వారా రాజ్ కుంద్రా ప్రతీ నెలకు 10 వేల పౌండ్లను సంపాదించినట్టు విచారణలో తేలిందట. అదే విధంగా పోర్న్ రాకెట్ కేసులో రాజ్ కుంద్రాకు, మరో డీలర్‌కు మధ్య జరిగిన 19 అడల్ట్ సినిమాల ఒప్పందం గురించి అడిగి శిల్పా శెట్టి దగ్గర పోలీసులు కీలక సమాచారం సేకరించినట్లు తెలుస్తోంది. రాజ్ కుంద్రాకు సంబంధించిన వియాన్ సంస్థ నుంచి ఎందుకు వైదొలగాల్సి వచ్చిందనే విషయాన్ని శిల్పా శెట్టిని అడిగి తెలుసుకొన్నట్లు తెలిసింది. పోర్న్ చిత్రాల వ్యాపారం నుంచి గడించిన డబ్బును బెట్టింగ్‌కు ఉపయోగించినట్లు క్రైమ్ బ్రాంచ్ పోలీసుల దృష్టికి వచ్చింది. మరోవైపు తన భర్త రాజ్ కుంద్రాకు పోర్న్ చిత్రాలతో ఎలాంటి సంబంధం లేదని శిల్పాశెట్టి చెబుతుండటం, బయటకొస్తున్న షాకింగ్ నిజాలు జనాల్లో చర్చల్లో నిలుస్తున్నాయి.
from Telugu Movie News | Movie News in Telugu | Movie Gossips in Telugu https://ift.tt/3y4KjfS
No comments:
Post a Comment