సినీ ప్రేమికులు, ప్రేక్షకులు, అభిమానులు ఎంతో ఆసక్తిగా ఎదురుచూసిన పాన్ ఇండియా చిత్రం RRR. జనవరి 7న ప్రపంచ వ్యాప్తంగా విడుదలవుతుందని అనుకున్నారు. కానీ ఒమిక్రాన్ ప్రభావంతో విడుదలను వాయిదా వేస్తున్నట్లు మేకర్స్ తెలిపారు. దీంతో అందరూ నిరాశపడ్డారు. ఇక తదుపరి ఈ సినిమా ఎప్పుడు వస్తుందా? అని ఎదురుచూడటం తప్ప.. ఇప్పట్లో ఏమీ చేయలేని పరిస్థితి. కానీ రాజమౌళికి, , చరణ్ ఇలా ఎంటైర్ యూనిట్కు పెద్ద ఫ్యాన్ ఫాలోయింగే ఉంది. సోషల్ మీడియాను గమనిస్తే.. RRRలోని పాటలకు స్టెప్పులేస్తున్న అభిమానుల వీడియోలను మనం గమనించవచ్చు. ముఖ్యంగా RRRలోని నాటు నాటు పాటకు వారూ వీరూ అని లేకుండా ప్రపంచంలోని చాలా చోట్ల ఫ్యాన్స్ సిగ్నేచర్ స్టెప్పులతో ఎన్టీఆర్, చరణ్లను మరిపించే ప్రయత్నం చేశారు. అయితే వీరందరూ ఈ పాటకు స్టెప్పులేయడం ఒక ఎత్తు అయితే .. ఇప్పుడు మనం వీడియోలో చూస్తున్న వికలాంగుడు స్టెప్పులేయడం ఆశ్చర్యపరుస్తుంది. నిలబడటానికి రెండు కాళ్లు సహకరించకపోయినా సదరు వికలాంగంతో బాధపడుతున్న వ్యక్తి గోడ సాయంతో రెండు చేతులను అనిస్తూ నాటు నాటు పాటకు డాన్స్ చేశారు. ఆ వీడియో నెట్టింట వైరల్ అయ్యింది. ఈ వీడియోపై .. ‘మీరు ఇచ్చిన స్ఫూర్తి మా కష్టాలన్నింటినీ మరచిపోయేలా చేసింది’ అంటూ RRR టీమ్ స్పందించింది. తెలంగాణ వీరుడు కొమురం భీమ్గా యంగ్ టైగర్ ఎన్టీఆర్, ఆంధ్ర ప్రాంతానికి చెందిన మన్యం వీరుడు అల్లూరి సీతారామరాజుగా మెగా పవర్స్టార్ రామ్ చరణ్ నటించారు. చరిత్రలో ఎన్నడూ కలుసుకోని ఇద్దరు యోధులు కలుసుకుని బ్రిటీష్ వారిపై తిరుగుబాటు చేస్తే ఎలా ఉంటుందనే కల్పానిక కథాంశంతో రాజమౌళి RRR సినిమాను తెరకెక్కించారు. ఈ చిత్రంలో అజయ్ దేవగణ్, ఆలియా భట్ వంటి బాలీవుడ్ స్టార్స్ సహా హాలీవుడ్ స్టార్స్ ఒలివియా మోరిస్, అలిసన్ డూడి, రే స్టీవెన్ సన్ తదితరులు నటించారు. బాహుబలితో తెలుగు సినిమా సత్తాను ప్రపంచానికి చాటిన రాజమౌళి డైరెక్షన్లో వస్తున్న సినిమా కావడంతో సినిమాపై భారీ అంచనాలు నెలకొన్నాయి. డివివి ఎంటర్టైన్మెంట్స్ బ్యానర్పై డివివి దానయ్య ఈ సినిమాను ఆరు వందల కోట్ల రూపాయల బడ్జెట్తో రూపొందించారు.
from Telugu Movie News | Movie News in Telugu | Movie Gossips in Telugu https://ift.tt/3eLONju
No comments:
Post a Comment