‘ఈ బాధలు ఏ దర్శకుడూ పడకూడదు’ అని అంటున్నారు ప్రముఖ దర్శకుడు వంశీ పైడిపల్లి. తెరకెక్కించిన ‘వాల్మీకి’ సినిమా టైటిల్‌ను చివరి నిమిషంలో మార్చడంపై ఆయన స్పందించారు. వరుణ్ తేజ్, పూజా హెగ్డే జంటగా నటించిన ‘వాల్మీకి’ సినిమా విడుదల కావడానికి ఒక రోజు ముందు వివాదం సృష్టించారు. దాంతో టైటిల్‌ను చివరి నిమిషంలో గద్దలకొండ గణేశ్‌గా మార్చాల్సి వచ్చింది. దీనిపై వంశీ పైడిపల్లి ట్విటర్ వేదికగా స్పందించారు. ‘ఇది చాలా బాధాకరం. ఏ దర్శకుడు, సినిమా ఇలాంటి బాధలు పడటానికి అర్హులు కాదు. హరీశ్.. మేమంతా మీతో ఉన్నాం. సినిమా పట్ల మీకు ఎంతటి కమిట్‌మెంట్ ఉందో మా అందరికీ తెలుసు. ‘గద్దలకొండ గణేశ్’ తప్పకుండా విజయం సాధిస్తుంది’ అని పేర్కొన్నారు. ‘వాల్మీకి’ సినిమా టైటిల్‌ను మార్చాలని బోయ, వాల్మీకి సంఘాలు సినిమా ప్రారంభం నుంచి ఆందోళన చేస్తున్నాయి. అయినప్పటికీ సినిమాలో వాల్మీకి మహర్షిని కించపరిచే విధంగా కంటెంట్ ఏమీ లేదనే ధైర్యంతో హరీష్ శంకర్, నిర్మాతలు ముందుకు వెళ్లారు. కానీ, విడుదలకు ఒక్కరోజు ముందు కర్నూలు, అనంతపురం జిల్లాల్లో శాంతి భద్రతల దృష్ట్యా ‘వాల్మీకి’ సినిమా విడుదలను ఆపాలని కలెక్టర్లు ఆదేశాలు జారీ చేశారు.ఈ ఉత్తర్వులు దర్శక, నిర్మాతలకు షాక్ ఇచ్చాయి. దీంతో వారు టైటిల్ మార్చాలని నిర్ణయించారు. ‘వాల్మీకి’ని ‘గద్దలకొండ గణేష్’గా మార్చారు. ఈ విషయాన్ని వెల్లడించడానికి గురువారం రాత్రి హైదరాబాద్‌లో మీడియా సమావేశం పెట్టారు. ఈ సమావేశంలో దర్శకుడు హరీష్ శంకర్ ఉద్వేగానికి లోనయ్యారు. ‘వాల్మీకి టైటిల్ అనౌన్స్ చేసినప్పటి నుంచి కొన్ని వర్గాల వారి నుంచి నిరసనలు మొద‌ల‌య్యాయి. వాల్మీకి మహర్షి త‌ప్పు చేసిన‌ట్లు సినిమాలో ఎక్కడా చూపించ‌లేదు కాబ‌ట్టి రేపు సినిమా చూసిన త‌ర్వాత కచ్చితంగా ఎవ‌రైతే నిర‌స‌న‌ను తెలియ‌జేశారో, వారి మ‌నోభావాలు దెబ్బ తిన్నాయ‌ని బాధ‌ప‌డుతున్నారో వారు కచ్చితంగా మ‌మ్మల్ని మెచ్చుకుంటార‌నే న‌మ్మకంతో ఉన్నాం. అలాగే ఏమైనా అభ్యంత‌రాలుంటే సెన్సార్ ప‌రిధిలోకి వ‌స్తుంద‌నుకున్నాం. సెన్సార్ స‌భ్యులు సినిమా చూశారు. వాల్మీకి మహర్షి గురించి ఎక్కడా త‌ప్పుగా చెప్పడం కానీ.. చూపించ‌డం కానీ లేదు కాబ‌ట్టి.. స‌గం ప్రాబ్లమ్ సాల్వ్ అయ్యింద‌ని అనుకున్నాం. అయితే బోయ సంఘం వారు, వాల్మీకి వ‌ర్గం వారు టైటిల్‌లో తుపాకీ ఉంద‌నే అభ్యంత‌రాన్ని వ్యక్తం చేశారు. దాన్ని మార్చాం. మొదటిసారి నేను ఓడిపోయాననిపిస్తోంది. ఓడిపోవడం అంటే వ్యక్తిగతంగానో, ఒక డైరక్టర్‌గానో, ఒక రైటర్‌గానో కాదు. ఒక హిందూ సమాజానికి చెందిన వ్యక్తిగా వాల్మీకి మహర్షి మీద ఉన్న ఒక గొప్ప గౌరవాన్ని, ఒక మంచి విషయాన్ని ముందుకు తీసుకెళ్లడంలో నేను ఓడిపోయాను’ అంటూ ఫీలయ్యారు హరీశ్.
from Telugu Movie News | Movie News in Telugu | Movie Gossips in Telugu https://ift.tt/2Npslky
No comments:
Post a Comment