గోపీచంద్ కుమారుడి బర్త్‌డే.. పార్టీలో బన్నీ, ప్రభాస్.. ఫొటోలు

సినీ సెలబ్రిటీలను సినిమాల్లో చూడటం వేరు. వారిని నిజ జీవితంలో చూడటం వేరు. అదే వారంతా కలిసి ఒకే వేడుకలో కలిసి సందడి చేస్తే.. అభిమానులకు చూడటానికి రెండు కళ్లు చాలవు. ఇలాంటి ఘటనే యాక్షన్ స్టార్ నివాసంలో చోటుచేసుకుంది. శుక్రవారం గోపీచంద్ కుమారుడి తొలి పుట్టినరోజు. ఈ సందర్భంగా తన నివాసంలో అంగరంగ వైభవంగా వేడుకలను ఏర్పాటుచేశారు గోపీచంద్. వేడుకకు యంగ్ రెబెల్ స్టార్ ప్రభాస్, స్టైలిష్ స్టార్ అల్లు అర్జున్ కూడా హాజరయ్యారు. ప్రభాస్ క్యాజువల్ బ్లాక్ షర్ట్‌లో, గోపీచంద్ బ్లూ బ్లేజర్‌లో ఎంతో చూడముచ్చటగా కనిపించారు. ఈ సందర్భంగా వారంతా కలిసి దిగిన ఫొటోలు సోషల్ మీడియాలో వైరల్ అవుతున్నాయి. పార్టీ పూర్తయ్యేవరకు ప్రభాస్ అక్కడే ఉన్నారని తెలుస్తోంది. చాలా సేపటివరకు ప్రభాస్, గోపీ చంద్ ఎన్నో విషయలు మాట్లాడుకున్నారట. టాలీవుడ్ చిత్ర పరిశ్రమలో ప్రభాస్, గోపీచంద్‌లు బెస్ట్ ఫ్రెండ్స్. ప్రభాస్ కెరీర్‌లో బ్లాక్ బస్టర్ విజయం అందుకున్న సినిమాల్లో ‘వర్షం’ ఒకటి. ఈ సినిమాలో ప్రభాస్ హీరోగా, గోపీచంద్ విలన్‌గా నటించారు. అప్పుడే వీరిద్దరి మధ్య మంచి స్నేహం ఏర్పడింది. ఎన్నో సందర్భాల్లో తామిద్దరం మంచి స్నేహితులంటూ ఒకరి గురించి ఒకరు గొప్పగా చెప్పుకొన్నారు. గోపీచంద్ నటించిన ‘జిల్’ ఆడియో లాంచ్ వేడుకకు ప్రభాస్ ముఖ్య అతిథిగా హాజరయ్యారు. ఆ సమయంలో ప్రభాస్ ఓ ఆసక్తికరమైన విషయాన్ని వెల్లడించారు. గోపీచంద్ సినిమా ఇండస్ట్రీలోకి వచ్చినప్పుడు అతని యమహా బైక్‌పై చక్కర్లు కొట్టేవాడినని ప్రభాస్ తెలిపారు. తనకు ఇండస్ట్రీలో ప్రభాస్ చాలా మంది స్నేహితుడని, సినిమాల్లోకి రాకముందు నుంచి కూడా ఇద్దరం బెస్ట్ ఫ్రెండ్స్‌ అని ఓసారి గోపీచంద్ ఓ ఇంటర్వ్యూలో వెల్లడించారు. కష్టసుఖ సమయాల్లో ఇద్దరం ఒకరికొకరం తోడుగా నిలిచామని చెప్పారు. మరోపక్క అల్లు అర్జున్ కూడా తన సహ నటులు ఆహ్వానించే ప్రతి వేడుకకు హాజరవుతుంటారు. అందుకే బన్నీ అంటే ఇండస్ట్రీలో చాలా మందికి ఎంతో అభిమానం. ఇక వీరి వర్క్ విషయానికొస్తే.. ఇటీవల ప్రభాస్ ‘సాహో’ సినిమాతో ప్రేక్షకుల ముందుకు వచ్చారు. సినిమా రూ.425 కోట్లకు పైగా కలెక్షన్లు రాబట్టి ఇండియాస్ బిగ్గెస్ట్ బ్లాక్ బస్టర్ అనిపించుకుంది. మరోపక్క గోపీచంద్ ‘చాణక్య’ సినిమాతో బిజీగా ఉన్నారు. దీంతో పాటు ఆయన బిను సుబ్రహ్మణ్యం అనే కొత్త దర్శకుడితో కలిసి సినిమా చేయబోతున్నారు. గురువారం సినిమా పూజా కార్యక్రమాన్ని నిర్వహించారు. ఇక బన్నీ మాటల మాంత్రికుడు త్రివిక్రమ్ శ్రీనివాస్‌తో కలిసి ‘అలవైకుంఠపురంలో’ సినిమాలో నటిస్తున్నారు. ఇందులో పూజా హెగ్డే కథానాయికగా నటిస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/2LvoQXD