మహేష్ రూట్‌లోనే స్టైలిష్‌ స్టార్.. పాపం సుకుమార్!

తెలుగులో హీరోలు ఎక్కువ, డైరెక్టర్స్ కూడా ఎక్కువే.. కానీ, వాళ్ళిద్దరి ప్రతిభ నిరూపించుకోవడానికి కావాల్సిన ముడిసరుకు అయిన కథని వండేవాళ్లు తక్కువ. అందుకే రైటర్స్‌కి ఇప్పుడు డిమాండ్ ఎక్కువ ఉంది. ఇక రైటరే డైరెక్టర్‌గా మారి ఒక సినిమా హిట్ ఇస్తే అతను ఖాళీగా ఉండే ప్రసక్తే లేదు. కానీ ‘రంగస్థలం’ లాంటి ఇండస్ట్రీ‌హిట్ ఇచ్చిన సుకుమార్ పరిస్థితి పూర్తిగా భిన్నంగా ఉంది. ‘రంగస్థలం’ వచ్చి దాదాపు సంవత్సరంన్నర కావస్తుంది. కానీ ఇంతవరకు తన నెక్స్ట్ సినిమాకు ముహూర్తం కూడా కుదరలేదు. మహేష్‌ బాబు అవకాశం ఇచ్చినప్పుడు వేరే పనులతో బిజీ అయిన సుకుమార్ అనుకున్న టైమ్‌కి, సరయిన స్క్రిప్ట్‌తో మహేష్‌ని మెప్పించలేకపోయాడు. పోనీ ఈలోగా ఒక సినిమా చేసుకువస్తా అంటే ఆగలేకపోయాడు. దాంతో మహేష్ సుక్కు సినిమా పక్కనబెట్టేసాడు. మహేష్ నుండి ప్రొడ్యూసర్‌తో సహా బన్నీ దగ్గరకు వెళ్ళాడు సుకుమార్. అక్కడ లైన్ ఓకే అయ్యింది. అప్పటికి ఆల్రెడీ త్రివిక్రమ్ సినిమా స్టార్ట్ అవుతుంది. అందుకే సుక్కు సినిమా నెక్స్ట్ అని ప్రామిస్ చేసాడు. కానీ ఇప్పుడు బన్నీ కూడా మహేష్‌లానే బౌండెడ్ స్క్రిప్ట్ ఉంటేనే సినిమా అంటున్నాడు. దాంతో సుకుమార్ మళ్ళీ బన్నీ కోసం సెపరేట్ వెర్షన్ రాసుకుని తీసుకుని వెళ్ళి వినిపించాడు. కానీ ‘నా పేరు సూర్య నా ఇల్లు ఇండియా’ ఇచ్చిన షాక్‌తో అలెర్ట్ అయిన బన్నీ ఎంత కథ ఉన్నా కానీ తన మార్క్ ఎంటర్‌టైన్మెంట్ ఉంటేనే ఓకే అంటున్నాడు. అందుకే సింపుల్‌గా నో చెప్పేసాడు. అయితే సుక్కు మళ్ళీ మళ్ళీ వెర్షన్స్ రాసుకుని వెళుతున్నా కూడా బన్నీ మాత్రం ఏదో మిస్ అయ్యింది అంటున్నాడే తప్ప ఓకే అనడంలేదు అని ఇన్‌సైడర్స్ నుండి అందుతున్న సమాచారం. Also Read: ఇప్పటికే సుక్కు చెప్పిన నాలుగు వెర్షన్స్‌కి కూడా బన్నీ నుండి గ్రీన్ సిగ్నల్ రాలేదు. మాటల మాంత్రికుడు పది నిమిషాల కథ చెప్పి వందకోట్ల బడ్జెట్‌తో సినిమా స్టార్ట్ చేసేంత సత్తా ఉన్నా ఆయనకే బన్నీని ఒప్పించి, రెగ్యులర్‌ షూట్ స్టార్ట్ చెయ్యడానికి చాలా టైం పట్టింది. అలాంటిది సుక్కు బ్రిలియన్స్‌తో కూడిన స్క్రిప్ట్ అంత తొందరగా ఎలా అర్థం అవుతుంది. కాకపోతే మహేష్ దగ్గర రిజెక్ట్ అయిన ఆ ఎర్రచందనం స్మగ్లింగ్ స్క్రిప్ట్‌నే పట్టుకుని మళ్ళీ ఇక్కడ కూడా తిరుగుతున్నాడు సుకుమార్. అప్పుడు మహేష్ కోసం ఒక అరడజను వెర్షన్స్ రాసాడు. ఇప్పడు బన్నీ కోసం ఒక నాలుగు అయ్యాయి. ఇంకా ఎన్ని అవుతాయో చెప్పలేం. అయితే వద్దు అన్న ప్రతిసారి అదే కథకు కొత్త టచ్ ఇస్తున్నాడు కానీ కొత్తకథని ఎందుకు టచ్ చెయ్యడం లేదు అనే విషయం మాత్రం అర్థం కావట్లేదు. నిజంగా ఆ కథలో అంత విషయం ఉంటే మహేష్ ఎందుకు వదులుకుంటాడు? బన్నీ ఎందుకు వద్దంటాడు? ఇప్పుడు సుక్కు మరో వెర్షన్ రాసి బన్నీని ఒప్పించుకుని సినిమా స్టార్ట్ చేస్తాడా? లేక బన్నీ ‘ఐకాన్’ సినిమా షూటింగ్ మొదలుపెడితే మరో హీరో కోసం వెదుకుతాడా? అనేది ప్రస్తుతానికి సస్పెన్స్. ఇంతకాలంగా సుకుమార్‌‌ని ఇబ్బందిపెడుతున్న ఆ కథలో అంత ఇంట్రెస్టింగ్ ఎలిమెంట్ ఏముందో చూడాలి అనే క్యూరియాసిటీ మాత్రం ప్రేక్షకుల్లో పెరిగిపోతుంది. కాకపోతే అసలు అది ఎప్పుడు మొదలవుతుంది?, ఎప్పుడు పూర్తవుతుంది?, ఎప్పుడు రిలీజ్ అవుతుంది అనే కష్టమయిన ప్రశ్నలకి సమాధానం మాత్రం ఇప్పట్లో దొరికేలా లేదు.

from Telugu Movie News | Movie News in Telugu | Movie Gossips in Telugu https://ift.tt/34tNLCg