బెబో 39వ పుట్టినరోజు నేడు. భర్త సైఫ్ అలీ ఖాన్, కుమారుడు తైమూర్ అలీ ఖాన్తో కలిసి తన పుట్టినరోజు వేడుకలు జరుపుకోవడానికి రెండు రోజుల ముందే హరియాణాలోని పటౌడీ ప్యాలెస్కు చేరుకున్నారు. శుక్రవారం అర్థరాత్రి సైఫ్ తన భార్య కోసం సర్ప్రైజ్ బర్త్డే పార్టీని ఏర్పాటుచేశారు. వేడుకల్లో కరీనా సోదరి కరిష్మా కపూర్, కుటుంబీకులు, స్నేహితులు పాల్గొన్నారు. ఈ సందర్భంగా తన సోదరితో కలిసి దిగిన ఫొటోలను, వీడియోను కరిష్మా ఇన్స్టాగ్రామ్లో షేర్ చేశారు. కరీనా, సైఫ్ కుర్తా పైజామా ధరించి సెలబ్రేషన్స్లో పాల్గొన్నారు. కరీనా కపూర్ సోషల్ మీడియాలో లేరు. అయినప్పటికీ అభిమానులు, సినీ ప్రముఖుల నుంచి విషెస్ వెల్లువెత్తుతున్నాయి. కరీనా కపూర్ బర్త్డే వేడుకలను సైఫ్ ప్రతి సంవత్సరం పటౌడీ ప్యాలెస్లోనే ఘనంగా నిర్వహిస్తున్నారు. కానీ ఈసారి మాత్రం సైఫ్ తన పటౌడీ ప్యాలెస్కు దారి మరిచిపోయారు. ఎయిర్పోర్ట్ నుంచి కారులో ప్రయాణమైన సైఫ్ ప్యాలెస్కు దారి తెలీక రోడ్డు పక్కనే కారును ఆపుకుని అక్కడి స్థానికులను అడ్రెస్ అడిగారు. ఆ సమయంలో స్థానికులు సైఫ్తో సెల్ఫీలు దిగడం వైరల్గా మారింది. సెప్టెంబర్ 21, 1980లో రణ్ధీర్ కపూర్, బబితాలకు కరీనా కపూర్ జన్మించారు. చదువు పూర్తయ్యాక తన సోదరి కరిష్మాలాగే సినిమా పరిశ్రమలోకి అడుగుపెట్టాలనుకున్నారు కరీనా. ఎటూ ఆమె స్టార్ కిడ్ కావడంతో సులువుగానే సినిమాల్లో అవకాశం వచ్చింది. అలా ‘రెఫ్యూజీ’ సినిమాతో కరీనా చిత్ర పరిశ్రమలోకి అడుగుపెట్టారు. ఆ తర్వాత ఎన్నో బ్లాక్ బస్టర్ సినిమాల్లో నటించి మంచి గుర్తింపు తెచ్చుకున్నారు. కరీనా కెరీర్ టాప్లో ఉన్నప్పుడు తన సహ నటుడు షాహిద్ కపూర్ను ప్రేమించారు. చాలా కాలం పాటు వీరిద్దరూ డేటింగ్ చేశారు. పెళ్లి కూడా చేసేసుకుంటారని చాలా మంది అనుకున్నారు. కానీ మనస్పర్ధలు రావడంతో వీరు విడిపోయారు. ఆ తర్వాత కరీనా.. సైఫ్ అలీ ఖాన్తో బంధం ఏర్పడింది. అప్పటికే సైఫ్కు అమృతతో విడాకులు తీసుకున్నారు. వీరికి ఇద్దరు పిల్లలు కూడా ఉన్నారు. సైఫ్ కూడా కరీనాను ఇష్టపడంతో ఆయనే కరీనా ఇంట్లో వారితో మాట్లాడి పెళ్లికి ఒప్పించారు. అలా సైఫ్, కరీనా 2012లో సైఫ్ను రహస్యంగా వివాహం చేసుకున్నారు. వీరికి 2016లో తైమూర్ పుట్టాడు. మూడు పదుల వయసులో, ఓ బిడ్డకు తల్లి అయినప్పటికీ కరీనాకు ఎన్నో సినిమా అవకాశాలు వస్తున్నాయి. ప్రస్తుతం ఆమె ‘గుడ్ న్యూస్’, ‘అంగ్రేజీ మీడియం’ సినిమాలతో బిజీగా ఉన్నారు.
from Telugu Movie News | Movie News in Telugu | Movie Gossips in Telugu https://ift.tt/2V3NFNw
No comments:
Post a Comment