‘జెర్సీ’ సినిమాతో బ్లాక్ బస్టర్ విజయం అందుకున్న నేచురల్ స్టార్ ఇప్పుడు ‘గ్యాంగ్ లీడర్’ అంటూ ప్రేక్షకుల ముందుకు వచ్చారు. విక్రమ్ కే కుమార్ దర్శకత్వం వహించిన ఈ సినిమా ఈరోజు ప్రేక్షకుల ముందుకు వచ్చింది. సినిమా విడుదల రోజు సందర్భంగా ఎప్పటిలాగే నాని సోషల్ మీడియాలో ఓ ఫొటో పోస్ట్ చేశారు. ఫొటోలో సీనియర్ నటి లక్ష్మి భుజంపై నాని తలవాల్చి నిద్రపోతున్నారు. ‘సినిమా హిట్టయితే లేపండి. లేపకపోతే డిస్టర్బ్ చేయకండి. ‘గ్యాంగ్ లీడర్’ సినిమా ఇప్పుడు మీది. మీ అందరికీ నచ్చుతుందని ఆశిస్తు్న్నాను. మీ పెన్సిల్ పార్థసారథి’ అని సరదాగా క్యాప్షన్ ఇచ్చారు. ఇందుకు ‘ఫలక్‌నుమా దాస్’ హీరో విశ్వక్ సేన్ స్పందిస్తూ.. ‘సినిమా హిట్ బాస్’ అని పేర్కొన్నారు. ప్రియాంక అరుల్ మోహన్ సినిమాలో కథానాయికగా నటించారు. లక్ష్మి, శరణ్య, అనీశ్ కురువిల్లా, ప్రియదర్శి, రఘుబాబు, ప్రాణ్య కీలక పాత్రలు పోషించారు. ‘ఆర్ ఎక్స్ 100’ ఫేం కార్తికేయ ఇందులో ప్రతినాయకుడి పాత్రల నటించడం విశేషం. ఓ పక్క హీరోగా సినిమాల్లో రాణిస్తూనే మరోపక్క విలన్‌గా ప్రేక్షకులను ఆకట్టుకోవాలనుకుంటున్నారు. కెరీర్ తొలినాళ్లలో అతి తక్కువ మంది హీరోలు ఇలాంటి పాత్రలు చేస్తూ రిస్క్ తీసుకుంటూ ఉంటారు. ‘గ్యాంగ్ లీడర్’ సినిమాలో నాని.. రివేంజ్ రైటర్ పెన్సిల్ పార్థసారథి పాత్రలో నటించారు. మైత్రీ మూవీ మేకర్స్ బ్యానర్‌పై నవీన్‌ ఎర్నేని, వై.రవిశంకర్‌, మోహన్ చెరుకూరి(సీవీఎం) నిర్మించారు. ఇప్పటికే యూఎస్‌లో ప్రీమియర్ షోలు ప్రారంభమైపోయాయి. అక్కడ సినిమా చూసినవాళ్లు ట్విట్టర్ ద్వారా తమ అభిప్రాయాలను వెల్లడిస్తున్నారు. సినిమా చాలా డీసెంట్‌గా ఉందని అంటున్నారు. ఎక్కడా ఎలాంటి కన్‌ఫ్యూజన్ లేకుండా దర్శకుడు విక్రమ్ చాలా బాగా సినిమాను తెరకెక్కించారని అంటున్నారు. ప్రస్తుతం నాని ‘v’ అనే సినిమాలో నటిస్తున్నారు. ఇంద్రగంటి మోహన్ కృష్ణ ఈ సినిమాకు దర్శకత్వం వహిస్తున్నారు. ఇందులో సుధీర్ బాబు మరో హీరోగా నటిస్తున్నారు. అదితి రావు హైదరి, నివేదా థామస్ సినిమాలో కథానాయికలుగా నటిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/31pgeHG
No comments:
Post a Comment