దాదాపు మూడేళ్ళ సుదీర్ఘ విరామం తర్వాత సినిమాల్లోకి రీ- ఎంట్రీ ఇచ్చారు. బాలీవుడ్ సూపర్ హిట్ మూవీ 'పింక్' సినిమాను తెలుగులో రీమేక్ చేసి ఈ రోజు (ఏప్రిల్ 9) మరికాసేపట్లో ప్రేక్షకుల ముందుకు రాబోతున్నారు. వేణు శ్రీరామ్ దర్శకత్వంలో రూపొందిన ఈ సినిమా నిన్న (గురువారం) రాత్రి ఓవర్సీస్ తెరపై ప్రదర్శించబడింది. ఈ మూవీ చూసిన అక్కడి ఆడియన్స్ ట్విటర్ వేదికగా తమ తమ అభిప్రాయలు చెబుతున్నారు. పొలిటికల్ ఎంట్రీ తర్వాత సినిమాల్లోకి పవన్ కళ్యాణ్ రీ ఎంట్రీ ఇస్తుండటం, అందులోనూ బాలీవుడ్ బ్లాక్ బస్టర్ మూవీ పింక్ రీమేక్ కావడం, పైగా ఈ చిత్రంలో అమితాబ్ పోషించిన లాయర్ పాత్రను పవన్ కళ్యాణ్ పోషిస్తుండటంతో ఈ సినిమాపై భారీ అంచనాలు ఏర్పడ్డాయి. అందుకు తగ్గట్లుగానే యూఎస్‌లో అత్యధిక లోకేషన్స్‌లో గ్రాండ్‌గా సినిమాను రిలీజ్ చేశారు. ఇప్పటికే ఈ మూవీపై ఉమైర్ సంధు ఫస్ట్ రివ్యూ ఇస్తూ ఖచ్చితంగా ఇది వంద కోట్ల సినిమా అని, బాక్సాఫీస్‌ని షేక్ చేస్తూ కోవిడ్ పరిస్థితుల్లో కూడా ఈజీగా వంద కోట్లను రాబడుతుందని చెప్పారు. అందుకు తగ్గట్లుగానే తాజాగా ఆడియన్స్ రెస్పాన్స్ కూడా వస్తోంది. డీసెంట్ ఫస్టాఫ్, ఎక్స్‌లెంట్ సెకండాఫ్ అనే ట్వీట్స్ ఎక్కువగా కనిపిస్తున్నాయి. పవన్ కళ్యాణ్ యాక్షన్, స్క్రీన్ ప్రెజెన్స్ అయితే కేకో కేక అంటున్నారు. పవర్ స్టార్ కెమెరా ముందు నెక్స్ట్ లెవెల్ పర్ఫార్మెన్స్ ఇచ్చారని, కోర్టు సీన్స్‌లో ఇరగదీశారని అంటున్నారు. వేణు శ్రీరామ్ కథను నేరేట్ చేసిన విధానం అద్భుతంగా ఉందనే టాక్ బయటకొచ్చింది. కథను స్లోగా మొదలుపెట్టి ఇంటర్వెల్ వచ్చేసరికి గ్రిప్పింగ్‌గా ప్రేక్షకులను ఇన్వాల్వ్ చేయడంలో డైరెక్టర్ వేణు సక్సెస్ అయ్యారని అంటున్నారు. ఇంటర్వెల్ బ్యాంగ్ అదిరిందని, సినిమాలో హైలైట్ అదే అనేది ఆడియన్స్ మాట. థమన్ మ్యూజిక్, బ్యాక్‌గ్రౌండ్ స్కోర్ అయితే సినిమాకు ప్రాణం పోసిందని చెబుతున్నారు. పవన్ కళ్యాణ్- శృతి హాసన్ మధ్య వచ్చే చాలా సీన్స్ బాగా వచ్చాయట. ఇక ప్రకాష్ రాజ్, నివేదా థామస్, అంజలి, అనన్య వారి వారి పాత్రలకు న్యాయం చేశారని తెలుస్తోంది. అయితే కథను ప్రెజెంట్ చేయడంలో కాస్త స్లో అనిపించిందని కొన్ని ట్వీట్స్ వస్తున్నాయి. అనవసర డైలాగ్స్ తొలగిస్తే సినిమా రన్‌టైమ్ కాస్త తగ్గి ఉండేదని చెబుతున్నారు. పవన్ కళ్యాణ్ ఓన్ చేసుకొని ఈ సినిమాలో నటించారని, ఇది పవన్ కెరీర్ లోనే బెస్ట్ పర్ఫార్మెన్స్ అనే టాక్ రావడం విశేషం. మొత్తానికైతే వకీల్ సాబ్ థియేటర్లలో ఫుల్లుగా ఎంజాయ్ ఎంజాయ్ చేశామని ప్రేక్షకులు అంటున్నారు. తమ అభిమాన హీరో రీ- ఎంట్రీ సినిమాకు ఓవర్సీస్ నుంచి పాజిటివ్ రెస్పాన్స్ వస్తుండటం పట్ల పవన్ ఫ్యాన్స్ ఖుషీ అవుతున్నారు. మరోవైపు పెద్ద ఎత్తున సినీ సెలబ్రిటీలు పవన్ కళ్యాణ్ 'వకీల్ సాబ్' సక్సెస్ కోరుతూ ఆల్ ది బెస్ట్ చెబుతున్నారు.
from Telugu Movie News | Movie News in Telugu | Movie Gossips in Telugu https://ift.tt/3dLjaFH
No comments:
Post a Comment