ఆ హీరోయిన్ కుదరదని చెప్పడంతో నాని ప్యాకప్.. అంటే సుందరానికీ తప్పని కష్టాలు!

నజ్రియా నాజిమ్, ఫాహద్ ఫాజిల్ జోడీకి సినీ ఇండస్ట్రీలో, సోషల్ మీడియాలో ఎంతటి ఫాలోయింగ్ ఉందో అందరికీ తెలిసిందే. మళయాలీ ఇండస్ట్రీలో నజ్రియా, ఫాహద్ ఫాజిల్ కలిసి నటించిన సినిమాలన్నీ కూడా బ్లాక్ బస్టర్ సాధించాయి. ఇప్పుడీ భార్యాభర్తలు తెలుగు తెరపై సందడి చేయబోతున్న సంగతి తెలిసిందే. ఫాహద్ ఫాజిల్ 'పుష్ప'లో విలన్‌గా నటిస్తుండగా.. సరసన '' సినిమాలో నజ్రియా నటిస్తోంది. ఆయా సినిమాల షూటింగ్స్ నిమిత్తం ఇటీవలే ఇద్దరూ హైదరాబాద్ చేరుకున్నారు. అయితే తాజా పరిస్థితుల నేపథ్యంలో షూటింగ్‌లో పాల్గొనేందుకు నజ్రియా నో చెప్పిందట. ప్రస్తుతం 'అంటే సుందరానికీ' సినిమా షూటింగ్ హైదరాబాద్‌లో జరుగుతోంది. భారీగా కరోనా కేసులు నమోదవుతున్నా కూడా అన్ని జాగ్రత్తలు తీసుకొని ఈ సినిమా షూటింగ్ చేయాలని భావించారట మేకర్స్. అయితే హీరోయిన్ నజ్రియా మాత్రం ఈ పరిస్థితుల్లో తాను షూటింగ్‌లో పాల్గొన్నానని తెగేసి చెప్పిందట. దీంతో నాని సహా 'అంటే సుందరానికీ' టీమ్ ప్యాకప్ చెప్పేసి కొన్నిరోజుల పాటు షూటింగ్‌కి బ్రేక్ ఇచ్చేశారని సమాచారం. నజ్రియా తిరిగి భర్తతో కలిసి చెన్నై వెళ్లిపోయిందట. నాని హీరోగా వివేక్‌ ఆత్రేయ తెరకెక్కిస్తోన్న ఈ 'అంటే సుందరానికీ' సినిమాను మైత్రి మూవీ మేకర్స్ సంస్థ నిర్మిస్తోంది. అలాగే హీరోయిన్ నజ్రియాకు ఇదే మొదటి డైరెక్ట్ తెలుగు సినిమా. దీంతో పాటు శివ నిర్వాణ దర్శకత్వంలో టక్ జగదీష్, రాహుల్ సాంకృత్యన్ దర్శకత్వంలో శ్యామ్ సింగరాయ్ సినిమాలు చేస్తున్నారు నాని. కరోనా కారణంగా ఆ సినిమాల షూటింగ్స్ కూడా ఆపేశారని తెలిసింది.

from Telugu Movie News | Movie News in Telugu | Movie Gossips in Telugu https://ift.tt/2S8PNpN