పీరియడ్స్ బ్రేక్ చేస్తే అలా బ్లేమ్ చేస్తారా? ఇంట్లో వాళ్లే ఆ దృష్టితో చూస్తున్నారు.. చిన్మయి ఫైర్

గాయని .. తెరపై కనిపించే సెలబ్రిటీ కాకపోయినా డబ్బింగ్ ఆర్టిస్టుగా అదేవిధంగా మహిళలకు జరుగుతున్న అన్యాయాలపై పోరాడే యువతిగా అందరికీ సుపరిచితం ఈ లేడీ. మహిళలపై జరుగుతున్న లైంగిక దోపిడీపై రియాక్ట్ అవుతూ మీటూ ఉద్యమ సమయంలో ధైర్యంగా మాట్లాడి బడా బాబుల చీకటి కోణాలు బయటపెట్టిన ఆమె.. మీటూ ఉద్యమాన్ని ఉవ్వెత్తున ఎగిసిపడేలా చేసింది. ప్రముఖ సాహిత్య రచయిత వైరాముత్తుపై లైంగిక ఆరోపణలు చేసి, అతని వికృత చేష్టలను బయటపెడుతూ సెన్సేషన్ క్రియేట్ చేసింది. అప్పటినుంచి సోషల్ మీడియా వేదికగా నిప్పులు చెరుగుతున్న చిన్మయి.. తాజాగా ఓ సగటు అమ్మాయి పంపిన ఓ మెసేజ్‌పై రియాక్ట్ అవుతూ ఎమోషనల్ అయింది. సమాజంలో ఓ వైపు మహిళలపై అరాచకాలు, అఘాయిత్యాలు కొనసాగుతూనే ఉండగా.. మరోవైపు మహిళ పట్ల సమాజం చూసే చిన్నచూపు ఎక్కడో చోట బయటపడుతూనే ఉంది. ఎన్ని అవగాహనా కార్యక్రమాలు చెప్పటినా కొన్ని కుటుంబాల్లో, కొందరు తల్లిదండ్రుల్లో మార్పు రావడం లేదు. కూతురిని ఒకలా, కొడుకుని మరోలా ట్రీట్ చేస్తున్నారు. ఓ మహిళ తన వ్యక్తిగత విషయాల్లో సైతం సొంత నిర్ణయం తీసుకునే స్వాతంత్య్రం లేకుండా పోతుండటం దురదృష్టకరం. ఆమె తీసుకునే ప్రతి నిర్ణయాన్ని బూతద్దంలో పెట్టి చూస్తూ తప్పుడు ఆరోపణలు చేస్తున్నారు. సమాజం సంగతి అటుంచితే కొందరు పేరెంట్స్ కూడా ఇలాగే బెహేవ్ చేస్తున్నారు. ఈ పరిస్థితుల్లో చిన్మయి ఆడవాళ్ళ గొంతుకలా మారింది. మహిళలపై జరుగుతున్న దారుణమైన ఘటనలను బయటపెడుతూ సమాజం తీరును ఎండగడుతోంది. తాజాగా ఓ అమ్మాయి తనతో చెప్పిన కొన్ని విషయాలను అందరి ముందుంచుతూ ఈ నీచమైన సమాజంలో మార్పు రావాలంటూ ఘాటుగా స్పందించింది. సొంత పేరెంట్సే తనను వేశ్యగా చూస్తున్నారని, అసభ్యపదజాలంతో తిడుతున్నారని ఓ యువతి చిన్మయికి సందేశం పంపింది. ఆరోగ్య పరమైన సమస్యలు, ఇతర కారణాల వల్ల పీరియడ్స్‌ని బ్రేక్ చేసినా దాన్ని మరోలా అర్థం చేసుకొని ఎవడితో పోవడానికి ఇలా చేశావ్ అని తన తల్లి బ్లేమ్ చేస్తోందంటూ సదరు యువతి ఆవేదన చెందింది. ఈ విషయాన్ని బయటపెట్టిన చిన్మయి.. ''కచ్చితంగా ఇలాంటి వాటిని తిప్పికొట్టాల్సిందే. ఇలాంటి ఘటనల వల్ల మనకు మన శరీరమన్నా, సెక్స్ అన్నా, రొమాన్స్ అన్నా చిరాకు వచ్చేస్తోంది. సాధారణ అమ్మాయిలమైన మనల్ని ఇంట్లోవాళ్లే ఇలా నిందించడం సరైనదేనా?'' అని ప్రశ్నించింది. అలా చేయడం తప్పని మీకే తెలుస్తోంది. మాతా, పిత, గురు దైవం అనే చెప్పే మాటల్లోనే అంతా దాగి ఉంది. అలా చెప్పి వారిని గొప్పవారిగా చిత్రీకరించి అమ్మాయిలను మాత్రం కట్టి పడేస్తున్నారు. అది మహిళల కర్మ అయిపోయింది. మరీ దారుణం. ఇలాంటి వాతావరణంలో భర్తను ఎంచుకోవడంలో అయినా చాలా జాగ్రత్త తీసుకోండి. అప్పుడైనా కొంత ఉపశమనం లభిస్తుంది అని చిన్మయి పేర్కొంది.

from Telugu Movie News | Movie News in Telugu | Movie Gossips in Telugu https://ift.tt/3sh53gK