నటీనటులంతా బుల్లితెరపై రాణిస్తూ వెండితెర అవకాశాలు ఎలా పట్టాలని ప్లాన్ చేస్తున్న ఈ రోజుల్లో రష్మీ మాత్రం అందుకు భిన్నంగా ఆలోచిస్తుందనే వార్తలు జోరుగా షికారు చేస్తున్నాయి. చిన్నితెరపై ఫుల్ సక్సెస్ అయి జబర్దస్త్ యాంకర్‌గా సత్తా చాటుతున్న రష్మీ.. వెండితెరపై మాత్రం ఆశించిన ఫలితం రాబట్టలేకపోయింది. ఇప్పటిదాకా చేసిన సినిమాలతో ఆమెకు పెద్దగా ఒరిగిందేమీ లేదు. క్రేజ్ వచ్చేదంతా బుల్లితెర నుంచే. దీంతో ఫైనల్‌గా ఈ అమ్మడు ఓ నిర్ణయానికి వచ్చేసిందని టాక్ నడుస్తోంది. ఇప్పటికే కొన్ని సినిమాల్లో హీరోయిన్‌గా నటించి లక్ పరీక్షించుకుంది రష్మీ. కెమెరా ముందు అందాల ఆరబోతలోనూ ఏ మాత్రం అడ్డు చెప్పలేదు. కానీ అనుకున్నదొక్కటి.. అయ్యిందొక్కటి అన్నట్లు ఈ భామకు ఒక్క హిట్ కూడా దక్కలేదు. దర్శకనిర్మాతలు కూడా రష్మీ వైపు పెద్దగా చూస్తున్నట్లు కనిపించడం లేదు. దీంతో ఆ విషయంలో చిర్రెత్తిపోయిన రష్మీ కాస్త నిరాశ చెందిందట. ఈ మేరకు తనకు కలిసిరాని సినిమా రంగాన్ని ఇక పూర్తిగా పక్కన బెట్టాలని ఆమె డిసైడ్ అయినట్లు సమాచారం. బుల్లితెరపై ఎలాగూ కావాల్సినంత క్రేజ్‌తో పాటు బోలెడన్ని అవకాశాలు ఉన్నాయి. ఇలాంటి సమయంలో ఏదైనా సినిమా ఆఫర్స్ వస్తే తన టీవీ ప్రోగ్రామ్స్ షూటింగ్ షెడ్యూల్ మొత్తం రీ అరేంజ్ చేయాల్సి వస్తుండటం, అంత చేసినా తీరా ఆ సినిమా రిలీజ్ అయ్యాక తనకు అనుకున్నంత గుర్తింపు రాకపోవడం ఆమె తీసుకున్న ఈ నిర్ణయానికి ప్రధాన కారణం అంటున్నారు. ఇక మీదట సినిమాల్లో భారీ ఆఫర్లు వస్తే తప్ప చిన్న చిన్న పాత్రల జోలికి వెళ్లొద్దని ఈ అమ్మడు ఫిక్స్ అయిందని వార్తలు వస్తున్నాయి. సో.. రష్మీ రియాక్ట్ అయితే తప్ప ఇలాంటి వార్తల్లో నిజానిజాలు ఏంటనేది చెప్పలేం.
from Telugu Movie News | Movie News in Telugu | Movie Gossips in Telugu https://ift.tt/3aAI6Ps
No comments:
Post a Comment