పవర్ స్టార్ పవన్ కళ్యాణ్ రీ- ఎంట్రీ మూవీ వకీల్ సాబ్ వసూళ్ల ప్రవాహం పారిస్తుండటంతో మెగా అభిమానలోకం హుషారెత్తిపోతోంది. ఇంతలో సోషల్ మీడియాలో సర్క్యులేట్ అవుతున్న ఓ వార్త వాళ్లందరికీ షాకిచ్చింది. అదే మెగాస్టార్ లేటెస్ట్ మూవీ '' విడుదల వాయిదా అని. కొరటాల శివ రూపొందిస్తున్న ఈ సినిమా విడుదలను కరోనా కారణంగా వాయిదా వేయక తప్పలేదనే వార్తలు జోరుగా వినిపిస్తున్నాయి. దేశంలో కరోనా సెకండ్ వేవ్ ఉదృతి ఎలా ఉందో చూస్తూనే ఉన్నాం. రోజురోజుకూ కోవిడ్ కేసుల సంఖ్య పెరుగుతుండటంతో మరోసారి ఆందోళనకర పరిస్థితులు నెలకొన్నాయి. రోజువారీ కార్మికులు, ఉద్యోగులు బయటకు రాలేని పరిస్థితులు కనిపిస్తుండటంతో 'ఆచార్య' మేకింగ్‌పై ఆ ఎఫెక్ట్ పెడుతోందట. ఈ పరిస్థితుల నడుమ షూటింగ్ పనులు ఆలస్యం కావడంతో పాటు థియేట‌ర్స్‌ మూసివేస్తారా? లేక మళ్ళీ యాబై శాతం ఆక్యుపెన్సీతో రన్ చేస్తారా? అనేది అర్థం కావడం లేదు. దీంతో ముందుగా అనుకున్న డేట్ మే 13 కష్టమే అని భావించి, దాన్ని వాయిదా వేసి జూన్ 18కి జరిపారని తెలుస్తోంది. ఈ మూవీ ప్రారంభం నుంచే ఓ రేంజ్ అంచనాలు నెలకొన్నాయి. చిరంజీవి- కొరటాల కాంబోలో సినిమా అనగానే మెగా అభిమానుల్లో ఆతృత నెలకొంది. కానీ కరోనా కారణంగా సినిమా ఇలా వాయిదా పడుతూ వస్తుండటం అభిమాన వర్గాలకు మింగుడుపడటం లేదు. కాకాపోతే విడుదల వాయిదా అనే విషయమై చిత్రయూనిట్ నుంచి అఫీషియల్ ప్రకటన రాకపోవడం వారికి కాస్త ఊరటనిస్తోంది. చిరంజీవి 152వ చిత్రంగా ఎంతో ప్రతిష్టాత్మకంగా రూపొందుతున్న ఈ సినిమాకు కొరటాల శివ దర్శకత్వం వహిస్తుండగా.. నిరంజన్‌ రెడ్డి, రామ్‌చరణ్ సంయుక్తంగా నిర్మిస్తున్నారు. చిరంజీవి సరసన కాజల్ అగర్వాల్ హీరోయిన్‌గా నటిస్తోంది. సిద్ద పాత్రలో రామ్ చరణ్ కనిపించనుండటం విశేషం. కాగా ఉగాది సందర్భంగా సిద్ధ ప్రేయసి నీలాంబరిని పరిచయం చేస్తూ పోస్టర్‌ రిలీజ్ చేశారు మేకర్స్. ఈ నీలాంబరి పాత్రలో పూజా హెగ్డే నటిస్తోంది.
from Telugu Movie News | Movie News in Telugu | Movie Gossips in Telugu https://ift.tt/3shwruM
No comments:
Post a Comment